ஆஸ்திரேலியா - துறைமுகப் பாலம்

ஆஸ்திரேலியாவின் ஹார்பர் பிரிட்ஜ் எனப்படும் சிட்னி மேம்பாலம்.

 இந்தியன் படத்தில் வரும் "டெலிபோன் மணி போல்" பாடலில் வரும் மேம்பாலம்...

இந்த மேம்பாலம்  Coathanger கோட் ஹேங்கர் என்று அழைக்கப்படுகிறது.

அதன் வளைந்த மேற் தோற்றம் வானிலிருந்து பார்த்தால் பெரிய கோட் ஹேங்கர் போன்று தோன்றுகிறது.

1924 ஆம் ஆண்டு ஆரம்பிக்கப்பட்ட மேம்பாலம் கட்டும் பணிகள் 1 8 ஆண்டுகள் காலத்தில் நிர்மாணிக்கப்பட்டது. 

6 மில்லியன் ஆணிகளும் 53000 டன் உருக்கும் இதற்குப் பயன்படுத்தப்பட்டனவாம்.

தற்போது 8 வாகனச் சாலைகள் 2 ரயில் தடங்கள் கொண்டு அமைந்திருக்கின்றன.

சிட்னியின் ராக்ஸ் பகுதியில் உள்ல மில்லர்ஸ் பாயிண்ட் என்னும் இடத்தில் இருந்து வடக்கு கடற்கரையில் உள்ள மில்சன்ஸ் பாயிண்ட் என்னும் இடம் வரை  உள்ள பாலத்தின் மேலே உள்ள இரண்டரை கிலோமீட்டர் நீளமுள்ளநெடுஞ்சாலை பிராட்பீல்ட் நெடுஞ்சாலை எனப்படுகிறது.

சிட்னி நிலத்தடி ரயில்பாதைகளும் அமைக்கபப்ட்டன.

இந்த பாலம் இரு கரைகளிலும் இரு பகுதிகளாக தனித்தனியாகக் 
கட்டப்பட்டது. 

இன்றுவரை சிட்னி பாலம் ஆஸ்திரேலியாவின் கம்பீரமான அடையாளமாகக் கருத்தைக் கவர்கிறது....

காசியில் கங்கைமேல் உள்ள பெரும் பாலமும் நினைவுக்கு வந்துசென்றது. இயற்கையை சவாலுக்கழைக்கழைத்து கட்டியது போன்ற தோற்றம் காட்டிய பாலம்.........

வருடாவருடம் உள்ளூர் மக்களும் சுற்றுலாப்பயணிகள் Bridge climb எனப்படும் பாலம் ஏறும் வழக்கத்தையும் வைத்திருக்கின்றார்கள். 

தகுந்த பயிற்சிகளுடன் பாலத்தின் மேற்பரப்பில் உலாவி வரலாம், 
கட்டணம் உண்டு.

ஆண்டு நிறைவை நினைவு கூர்ந்து  (bridge walk)  தினத்தில் அன்றாட போக்குவரத்துக்கள் மேம்பாலத்தில் நிறுத்தப்பட்டு காலை 10 மணியிலிருந்து மாலை 5 மணிக்குட்பட்ட வசதியான நேரத்தில் காலாற நடந்து வரலாம்.

வரலாற்றுப் பாலத்தில் நடை போட இருப்பவர்கள் ஹாபர் பிரிட்ஜ் இன் தளத்தில் முன்கூட்டியே பதிவு செய்யவேண்டும்.

 அந்த முகவரி:

http://ourbridge.com.au/

சிட்னி பாலமும்  அருகே அமைந்திருக்கும் ஓப்ரா மாளிகையும் சிட்னிக்கும் ஆஸ்திரேலியாவிற்கும் பெருமையைத் தரக்கூடிய சின்னங்களாகும்.. 

  அடையாளமே சிட்னி பாலமும் அருகே உள்ள ஓபரா ஹாலும்தான். இந்தியாவுக்கு டெல்லி கேட் போல.

கின்னஸ் உலக சாதனைகளின் படி  
உலகின் மிக அகலமான பாலமாகும். 
உருக்கினாலான மிக உயரமான பாலம் ,
 உலகின் நான்காவது நீளமான வளைவுப் பாலம்.