அழகின் சிரிப்பு .. அனுமன் ஆர்கிட் மலர்கள்..

The Flying Duck Orchid

சிங்கப்பூர் தேசிய தாவரவியல் பூங்காவில் ஆர்கிட் தோட்டம் மனம் கவரும் வகையில் அமைந்த  ஒரு தனி உலகம்.  சிரிப்பில் உள்ளத்தை கொள்ளை கொள்ளும் .... 

 வெப்பப் பிரதேசங்களில் காடுகளில் அபரிதமாய்ப் பூக்கும் இந்த மலர்களை இப்போது greenhouse எனப்படும் கூண்டுப் பண்ணைகளில் 
மலர வைத்து உலகம் முழுவதும் ஏற்றுமதி செய்கிறார்கள். 

ஆயிரக்கணக்கான வகைகள், வண்ணங்கள், கோலங்கள் கொண்ட 
ஆர்கிட் மலர் வளர்ப்பது தாய்லாந்தில் குடிசைத் தொழிலாகும்.  

இந்தியாவில் அசாம், ஹிமாச்சலப் பிரதேசம் போன்ற 
மாநிலங்களில் அதிக அளவில் ஆர்கிட் பூ வளர்க்கப்படுகிறது. 

மலேசிய நாட்டின் தேசிய மலர் ஆர்கிட்’ மலர் ஆகும் ..

பார்க்கவே ரம்யமான ஆர்க்கிட் மலர்கள் இயற்கையின் 
நுணுக்கமான படைப்பாற்றலுக்கு எடுத்துக்காட்டு.




கூடலூர் ஜீன்பூல் தாவரவியல் மையத்தில் மலர்ந்துள்ள,
“டான்சிங் டால்’’ ஆர்கிட் மலர்,  பார்வைக்கு இதம் தந்து
பரவசப்படுத்துகிறது.
“டான்சிங் டால்’’ மலர், . நீண்ட நாட்கள் வாடாமல் இருப்பதால்
அலங்காரத்துக்கு, பல பகுதிகளுக்கு அனுப்பப்படுகின்றன..



தாவரங்களில் ‘ஆர்கிட்’தான் மிகப்பெரிய குடும்பம். 

இந்தக் குடும்பத்தில் சுமார் 26,000 இனங்கள் இருக்கின்றன. 

இவற்றில் பெரும்பாலானவை கண்கவர் வண்ணங்களும், விதவிதமான உருவங்களும் கொண்ட பூக்களைப் பெற்றிருக்கின்றன. 

உலகம் முழுவதும் ஆர்கிட் இனங்கள் பரவி, அழகு சேர்க்கின்றன.
நாம் பார்க்கும் மந்தாரை மலர் கூட, ஆர்கிட் குடும்பத்தைச் சேர்ந்ததுதான். இவற்றில் ஒன்று தான் மங்கி ஆர்கிட்
ஹனுமனுக்கு நாம் பிரம்மாண்டமான ஆலயங்களை எழுப்பி ஆராதிக்கிறோம்.

 இயற்கை, ஹனுமனின் முகத்தோற்றம் கொண்ட 
ஒரு பூவை சிருஷ்டித்து வியப்பளிக்கிறது ...

மங்கி ஆர்கிட்கள், உருவத்தில் மிகவும் வித்தியாசமாக 
பூக்களைப் பார்த்தால் குரங்கின் முகம்போல் தெரிகிறது. 

லூயர் என்ற தாவரவியலாளர் ‘மங்கி ஆர்கிட்’ என்ற பெயரைச் சூட்டினார். 

மங்கி ஆர்கிட்களில் மட்டும் சுமார் 120 வகைகள் இருக்கின்றன.

  எந்த விஷயத்தையும்  தெய்வீகத்தோடு  பொருத்திப் பார்க்கும் 
இயல்பு இருப்பதால், இதை ‘ஹனுமன் ஆர்கிட்’ என்று வைத்து, 
தெய்விகத் தன்மையையும் அளித்து விட்டோம்.

பெரு, ஈக்வடார் போன்ற தென் அமெரிக்க நாடுகளில் உள்ள 
மழைக் காடுகளில்  ஹனுமன் ஆர்கிட்கள் காணப்படுகின்றன. 

இளஞ்சிவப்பு, ஆழ்ந்த சிவப்பு, மஞ்சள் என்று வண்ணங்களால் வேறுபட்டாலும், உருவத்தில்  வேறுபடாமல் ஹனுமன் ஆர்க்கிட மலர்கள் அனுமனையே பிரதிபலிப்பது ஆச்சரியமளிக்கிறது .....