அம்மன் திருவிழா

எனக்கென்ன மனக்கவலை-  என் தாய் 
உனக்கன்றோ என்கவலை" 
நடுக்கடலில் சென்றே விழினும்"- காப்பாற்ற வேண்டியது உன் பொறுப்பு என்கிறார் அபிராமி பட்டர்.
நன்றே வருகினும் தீதே விளைகினும் அவளன்றோ நமக்கு காப்பு !
"நன்றே வருகினும் தீதே விளைகினும் நான் அறிவது
ஒன்றேயும் இல்லை உனக்கே பரம் எனக்கு உள்ளதெல்லாம்
அன்றே உனது என்று அளித்து விட்டேன் அழியாத குணக்
குன்றே அருட்கடலே இமவான் பெற்ற கோமளமே

ஆண்டவனுக்குத்தான் அடியவர் எத்தனை கவலைகளைக் கொடுக்கிறர்கள் !!

அருள்மிகு வெக்காளி அம்மன் சித்தர் பீடம்  ஆடித் திருவிழா  பம்பை, உடுக்கை, தாரை, சிலம்பம் இசையோடு வழிபாடு தொடங்கி ஸ்ரீ சக்ர மகாமேரு பூஜை ,  ஏகதின லட்சார்ச்சனை சிறப்பு அபிஷேகம் ,  சிறப்பு அலங்காரம், தீபாராதனை,  அர்ஜுனன் தபஸ் நாடகம்  கணபதி பூஜை, பிரம்மச்சாரி பூஜை, கன்னிகா பூஜை, சுமங்கலி பூஜை, நவக்கிரக ஹோமம், லட்சுமி ஹோமம், நவசண்டி மகா ஹோமம் ஆகியவை நடக்கிறது.  மகா 

அபிஷேகம், பிற்பகல்  புஷ்பாஞ்சலி, அம்மனுக்கு ஊஞ்சல் தர்பார்,  நடன நிகழ்ச்சி ஆகியவை நடைபெறும். பக்தர்களுக்கு அன்னதானமும் வழங்கப்படுகிறது.

இரண்டாண்டுகளுக்கு ஒரு முறை நடை பெறும் ஏழு ஊர் அம்மன் திருவிழா சிறப்பானது..
டி.கல்லுப்பட்டி அருகே உள்ள அம்மாபட்டியில் ஏழு ஊர்களுக்குரிய முத்தாலம்மன்கள் அருள் பாலிக்கிறார்கள்...

இதில் தேவன்குறிச்சியில் ஆதிபராசக்தி,
டி.கல்லுப்பட்டி சரஸ்வதி,
வன்னிவேலம்பட்டி மகாலட்சுமி,
வி.அம்மாபட்டியில் பைரவி,
காடனேரியில் திரிபுரசுந்தரி,
கிளாங்குளம் சபரி,
கி.சத்திரப்பட்டியில் சவுபாக்கியவதியாக காட்சி அளிக்கிறார்கள்..

தேவன்குறிச்சி,டி.கல்லுப்பட்டி, வன்னிவேலம்பட்டி, காடனேரி, கிளாங்குளம், சத்திரபட்டி கிராமங்களின் சப்பரங்களை பக்தர்கள் வி.அம்மாபட்டி கிராமத்திற்கு சுமந்து வந்து அம்மனை எதிர் சேர்வை செய்து அழைத்துச் செல்பவர்களுக்கு கிராமத்தின் சார்பில், வெற்றிலை பாக்கு மரியாதை செய்யப்படும்...

சிட்னியில் துர்க்கை அம்மன் ஆலயத்தின் திருவிழா மக்கள் நிறைந்த திருவிழாவாக துர்கை அம்மன் அழகாக அலங்கரிக்கப்பட்ட அழகிய காட்சி