எங்கெங்கு காணினும் சக்தி

கத்தி போல் வேப்பிலையாம் காளியம்மன் மருத்துவராம்!
ஈட்டி போல் வேப்பிலையாம் ஈஸ்வரியின் அருமருந்தாம்!
வேப்பிலையின் உள்ளிருக்கும் விந்தைதனை யார் அறிவார்! 
அன்னையே நீ இரங்கு! - என் அம்மையே நீ இறங்கு!!

' 'எங்கெங்கு காணினும் சக்தியடா-தம்பி

ஏழுகடல் அவள் வண்ணமடா-அவள்
தங்கும் வெளியெங்கும் கோடி அண்டம்-அந்த
தாயின் கைப் பந்தென ஓடுதடா'- புரட்சிக் கவிஞர் பாரதிதாசனின் சிந்தனை சக்தியினுடைய தன்மையை எடுத்துக் காட்டும்..
அருளது சக்தியாகும் அரன் தனக்கு

அருளையின்றித் தெருள் சிவமில்லை
அந்தச் சிவமி;ன்றிச் சக்தியில்லை

 
அம்மியும் பறக்கும் சக்தி வாய்ந்த ஆடிக்காற்றோடு அம்மனின் அருட்காற்றும் அரவணைக்கும்  ஆடி மாதம் முழுவதும் அம்மனின் 
அருள் பெருக்கும்..
ஆடி மாதத்தின் அடிப்படை தத்துவமே நம்மை இயக்கும் அதே சக்திதான், ஆங்காங்கு ஆலயங்களில் வெளிப்பட்டிருக்கிறாள்.வெளியே தரிசித்த சக்தியை நமக்குள் காண்பதே பிறந்ததன் பயன்’ என்பதுதான்...

பெண்ணின் தாய்மைப் பரிவாகவும் வீறு கொண்டெழும் காளி ப்ரவாகமாகவும் பாம்பின் புற்றினூடேவும் சிலுசிலுக்கும் பச்சை மரங்களினூடேயும் நட்டு வைத்த கல்லுக்குள்ளும் அம்பாள் பரிமளிக்கிறாள். ‘புற்றினுள்  தவமிருக்கிறாள்..

ஆடி மாதம் முழுவதும் நாகதேவி பூஜை என்று சொல்லப்படும் 
சர்ப்ப வழிபாடு எல்லா இடங்களிலும் அமோகமாக நடைபெறும்.ஆதிசேஷன் என்ற நாகத்தின் மடியில்தான் விஷ்ணு பள்ளி கொண்டுள்ளார். சுப்பிரமணிய சுவாமியின் காலடியில் படம் 
எடுத்த நிலையில் நாகம் உள்ளது. 

நாக வழிபாடு என்பது வேத காலத்தில் இருந்தே இருக்கிறது. மனிதரின் ஜாதக அமைப்பில் தாக்கத்தை ஏற்படுத்துவது நவகிரகங்கள். இதில் ராகு, கேது கிரகங்கள் நாக வடிவுடையவை