சங்கடஹர மங்கல மாருதி

 தெளிந்த நல் அறிவு வேண்டும்; தேகத்தில் வலிமை வேண்டும்!

பொலிவுறும் தேஜஸ் வேண்டும்; பண்பினில் துணிவு வேண்டும்!

அச்சமில் இயல்பு வேண்டும்; ஆரோக்ய உடலும் வேண்டும்!

இச்சைகள் அடக்கும் தன்மை இனியசொல் வினயம் வேண்டும்!

வினையாற்றும் திறமை வேண்டும்; விவேகம் நிரம்ப வேண்டும்!

அனுமனைத் தியானம் செய்தால் அனைத்துமே சித்தியாகும்!

தரிசிப்பவர்களுக்கு, எல்லாவிதமான நோய்களும் நீக்கி, எல்லா சிரமங்களை போக்கும் வகையில் சங்கடகர மங்கல மாருதி என திருவோணமங்கலம் - - நதி ஓடும் இடத்தில் ஆஞ்சநேயர் கோவில் பிரமாண்டமாக கும்பகோணம் அருகிலேயே ஆலங்குடி, குரு ஸ்தலம் குரு பார்வையுடன் ஆதிகாலத்தில் அந்தணர்கள் வேதம் ஓதிய  சிறப்பு மிக்க ஸ்தலமான..ஞானபுரியில் அமைந்து அருள் பொழிகிறார்...
.குடந்தை - மன்னார்குடி தேசிய நெடுஞ்சாலையில் ஆலயம் அமைந்துள்ளது..
32 அடி உயர விஸ்வரூப ஆஞ்சநேயர் சிலை செய்ய காஞ்சிபுரம் மாவட்டம், வாலாஜாபாத் அருகே உள்ள சிறுதாவூரில் பூமிக்கு அடியில் இருந்து 40 அடி நீளம், 15 அடி அகலம், 30 அடி கனம் கொண்ட 380 டன் கல் அரசின் சிறப்பு அனுமதியுடன் எடுக்கப்பட்டன. 

கோதண்டராம பெருமாள் கோலத்தில் அமையும்படி ராமர், லட்சுமணர், சீதை சிறிய ஆஞ்சநேயர் மற்றும் லட்சுமி நரசிம்மர் சிலைகள் உருவாக்கப்பட்டு, ஞானபுரிக்கு எடுத்து வரப்பட்டுள்ளது.

ராமர், ராவணன் போரின் போது முக்கியமான நான்கு மூலிகைக்காக ஆஞ்சநேயர் சஞ்சீவி மலையையே எடுத்து வந்தார். 

நான்கு மூலிகைகள் விசல்ய கரணி, சந்தான கரணி, சவர்ண கரணி 
மற்றும் மிருத்த சஞ்சீவினி. 

வேல், அம்பு போன்ற இரும்பு பொருட்கள் உடலில் இருக்கும் இடத்தில் விசல்ய கரணியை வைத்து கட்டினால் உள்ளே இருக்கும் இரும்பு பொருள் வெளியில் வந்துவிடும். 

இதன் மூலம் ஏற்பட்ட புண்ணை சந்தான கரணி மூலிகை விரைவில் குணமடைய செய்யும். 

சவர்ண கரணி மற்றும் மிருத்த சஞ்சீவினி மூலம் உடலில் புண்கள் மூலம் ஏற்பட்ட தழும்புகளை சரி செய்ய முடியும். 

அதனால், இந்த நான்கு மூலிகைகள்  விஸ்வரூப ஆஞ்சநேயர் 
இடுப்பில் இருக்கும்படி அமைக்கப்பட்டுள்ளது. 

 கோவிலின் பிரதான பெருமாளாக கோதண்டராமர் சுவாமி 
திருக்கோலத்தில் ராமபிரான் அருள்கிறார்..!

சகல ரோகங்களையும் நிவர்த்திப்பவராக இடுப்பில் சஞ்சீவி மூலிகைகளுடன் 32 அடி உயர விஸ்வரூப ஆஞ்சநேயர் அருள் பாலிக்கிறார்கள்..... 

லட்சுமி நரசிம்மர், கருடாழ்வார்,வராகமூர்த்தி, ஹயக்கிரீவர் சன்னிதிகளும் உண்டு. 

முகப்பில் 176 உயரத்தில் ஆகம சாஸ்திரப்படி சப்த(ஏழு) நிலை ராஜகோபுரம் அமைகிறது. கோவில் உள்ளே புஷ்கரணியும்(குளம்) உருவாக்கப்படுகிறது. கோவிலுக்கு வரும் பக்தர்களின் வசதிக்காக அன்னதான மண்டபம் எழுப்பப்படுகிறது. 

பாரதியார் பாடியது போல் பசி, பிணிகளை போக்கும்படியும், 
ஞானத்தை வளர்க்கும் படியும், ஆன்மிகம் வளரும்படி அமைக்கப்பட்டுள்ள  ஸ்தலத்திற்கு ஞானபுரி என பெயர் வைக்கப்பட்டு உலகத்திற்கு சேஷமம் ஏற்பட அமைந்துள்ள அருமையான ஆலயத்தில் நாங்கள் சென்ற சமயம் சிறிய திருவடியான அனுமனை பெரிய திருவடியான கருடன் வட்டமிட்டது கண்கொள்ளாக்காட்சியாக மெய்சிலிர்க்கவைத்தது...

முதலில் ஆலங்குடியில் உள்ள ஆபத்சகாயேஸ்வரர் மற்றும் குரு பகவானை தரிசனம் செய்து பிரசன்னம் மூலம் இந்த அருமையான இடத்தை தேர்வு செய்து விஸ்வரூப ஆஞ்சநேயர் சிலை கோவில் அமைக்கப்பட்டது..

சகல ரோக நிவர்த்தியாகஆஞ்சநேயரை தரிசிப்பவர்களுக்கு, எல்லாவிதமான நோய்களும் நீக்கி, எல்லா சிரமங்களை போக்கும் வகையில் சங்கடஹர மங்கல மாருதி என திருவோணமங்கலம் ஞானபுரியில் திகழ்கிறார்.

Gnanapuri site, is a Goshala… Peace..Silence… Happiness

ஆலய விக்ரஹங்கள் -  கோதண்ட ராமர்