மகாலட்சுமி மந்திர்

துர்கை, லக்ஷ்மி, சரஸ்வதி, ஈச்சனாரி மகாலட்சுமி கோவில்.

ஸ்ரீ தேவிஹி அம்ருதோத் பூதா-கமலா-சந்த்ர சேபாநா

விஷ்ணு-பத்னீ வைஷ்ணவீச வராரோஹீ ச ஸார்ங்கிணீ

ஹரி-ப்ரியா தேவ-தேவி மஹாலக்ஷ?மீ ச ஸுந்தரீ

லஷ்மி ஹ்ருதயம்  ஸ்தோத்திரம் தினம் காலையில் 10 முறை; வெள்ளிக்கிழமை மாலையில் நெய்தீபம் ஏற்றி, அதில் லட்சுமி பூஜை செய்து 108 முறை ஜபித்தால் செல்வம் உண்டாகும். வேலை கிடைக்கும் என்ப்து நம்பிக்கை !

பாற்கட லிடைப் பிறந்தாள் - அது பயந்தநல்லமுதத்தின் 
பான்மை கொண்டாள்
ஏற்குமோர் தாமரைப் பூ  - 
அதில் இணைமலர்த் திருவடி இசைத்திருப்பாள்
நாற்கரத் தானுடையாள் - அந்த நான்கினும் பலவகைத் திருவுடையாள் 

அன்னை மகாலட்சுமியின் கடைகண் பார்வை இருந்தால் வெற்றி, சௌந்தர்யம், சௌபாக்கியம், கீர்த்தி, வீரம், சந்தானம், மேதை, கல்வி, துஷ்டி, புஷ்டி, ஞானம், சக்தி, சாந்தி, சாம்ராஜ்யம், ஆரோக்யம், மோட்சம்   ஆகிய பதினாறு செல்வங்களும் பெற்று பெரு வாழ்வு வாழலாம்..

கோவை ஈச்சனாரியில் உள்ள மகாலட்சுமி மந்திரில் 
நடுவே மகாலட்சுமியும் வலப்புறம் துர்க்கையும் இடப்புறம் சரஸ்வதியும் முப்பெருந்தேவியராக  ஒன்றாக அமர்ந்து அருள்பாலிக்கின்றனர்.
தினமும் காலை 7.00 மணி முதல் 8.00 மணி வரை நடுவேயுள்ள லட்சுமி முகத்தில் சூரிய ஒளி படும்.
பகல் 12.00 மணிக்கு மூன்று தேவியர் முகங்களிலும் சூரிய ஒளி படும் தரிசனத்தைக் கண்டு மகிழலாம்.

ஆடி மாதம் முழுதும் திருவிழாக்கோலம் பூண்டிருக்கும்.
மூன்று தேவிகளுக்கும் முதல் மூன்று வாரங்கள் பூக்களால்
தினமும் அலங்காரம் செய்வார்கள்.

நான்காவது வாரம் காய்கறி களால் அலங்காரம் செய்வர்.

ஐந்தாவது வாரம் பல வகை பழங்களால் அலங்காரம் செய்வார்கள்.

 வரலட்சுமி நோன்பு விழா  மாங்கல்ய சரடு வைத்துப் பூஜித்து, வரும் பெண்மணிகள் அனைவருக்கும் வழங்குவார்கள்.

யாருக்காகவும் எந்த பெயரிலும் அர்ச்சனை செய்யப்படுவதில்லை..
அம்மனுக்கு மட்டுமே அர்ச்சனை உண்டு.. 

கருவறை மும்பை மஹாலஷ்மி ஆலயத்தைப்போலவே அமைக்கப்பட்டுள்ளது..

மேற்குப்பிரகாரத்தில் பத்ம நாப ஸ்வாமி அறிதுயில் கொண்டு யோக நித்திரையில் அருகில் திருமகளுடன் அருள் புரிகிறார்..
மிகப்பெரிய சங்கும் சக்கரமும் கருத்தைக் கவருகிறது..

வட இந்திய கலாச்சாரத்தில் அமைக்கப்பட்ட தனிச்சிறப்பான 
கோபுரம் கருத்தைக் கவருகிறது..