தரணியில் பரணிபாடும் தஞ்சைக்கோவில் ..

தஞ்சாவூர் பெரிய கோயிலில் வராஹி வழிபாடு சிறப்பாக நடக்கிறது. "

பார்வதிதேவியின் போர்ப்படைத்தளபதியாக விளங்கும் மாபெரும் வரப்பிரசாதி. ராஜராஜ சோழனின் வெற்றித்தெய்வம்' வாராஹி !  

சோழர்களின் குல தெய்வமாக இருந்த துர்க்கை  அம்மனான வராஹி அன்னைக்கு கணபதிக்கு இணையாக முதல் வழிபாடு நடத்தப்படுவது குலதெய்வ வழிபாடு எவ்வளவு முக்கியம் என்பதை உணரவைக்கிறது...
.



நந்தி  ஒரே கல்லால் செதுக்கப்பட்டு உயிர் ஊட்ட பெற்றவர்.



நர்மதை தீரத்திலிருந்து மூலவருக்கு கற்களை கொணர்ந்து, அதில் ஒளி பொருந்தியதும், நீரோட்டம் நிறைந்ததுமான ஒரு லிங்க ஸ்வரூப கல்லை ப்ரஹந் நாயகி என்ற சோழரின் குலதெய்வம் காட்டி மறைந்த கல், லிங்க வடிவில் தானே பெரு வளர்ச்சி அடைந்ததால்  லிங்க மூர்த்திக்கு ‘பெருவுடையார்’என்றே பெயர்...

அஷ்டதிக் பாலகர்கள் - ஆறு அடி உயரம் கொண்ட இந்திரன், வருணன், அக்னி, ஈசானன், வாயு, நிருதி, யமன், குபேரன் போன்ற விக்ரகங்ள் ஜீவன் உடையவை. கொடிய நோய்கள்,முற்பிறவியில் செய்த பாவத்தின் பலனாக தோன்றும் கர்ம வினை நோய் ஆகியவை பிரதோஷ தரிசனங்களால் நீக்கி அருளும் சக்தி பெற்றவை !

பிரதோஷம் முக்கியத்துவத்தை  உணர்த்தும் பாடல் ....

‘பேரிடர்  நீங்குமே பிணி யாதாயினுஞ் சாம்பலாகுமே.

மறை போற்றும் தேவரிட்ட சாபமாயினும் விமோசனம் காணும்.

விவாகமும் விமரிசையாய் நடந்தேறுமே: புவியுறை, 

சம்பத்தெல்லாம் சித்தம்போல் சித்திக்குமே

பூதலத்தே நின்ற சிவனம்பலமெலாம் 

ஏகித் தொழுத பேறு பெறுவீரே ப்ருஹந்நாயகி யுறை

தக்ஷிணமேரு தன்னை கை தொழுதக் கால்

சிவனே தரிசனம் தருவான்  பொய்யல்ல.

தப்பாது மண்டலச் சதுர்த்தசி முன் தொழுபவர்க் கே.’’

,