ஆஸ்திரேலிய நினைவுச்சின்னம்

ஆஸ்திரேலியாவில் பாராளுமன்றக் கட்டிடத்தின் எதிரே போர் நினைவுச்சின்னம் அமைந்திருக்கிறது ..

பிரதமர் ஏதேனும் முக்கியத்துவம் வாய்ந்த முடிவுகள் எடுக்குமுன் அந்தகட்டிடத்தைப்பார்த்து  போரில் உயிர் தியாகம் செய்த தியாகிகளை எண்ணிப்பார்த்துக்கொள்ள  ஏதுவாக அமைந்திருக்கிறது...

இந்த போர் நினைவுச்சின்ன கட்டிடம் பிரம்மாண்டமாக அமைந்திருக்கிறது ..
 ஏழு ஆண்டுகளாக அங்கே பணிபுரியும் வழிகாட்டி கூட  இன்னும் முழுமையாக அத்தனை பகுதிகளையும் பார்த்ததில்லையாம் .. என்னும் போது வியப்பின் எல்லைக்கே செல்கிறோம் ..

கலிபொலி போர் , முதல் மற்றும் இரண்டாம் உலகப்போர்களில் பயன் படுத்தப்பட்ட ஆயுதங்கள் ,தள்வாடங்கள் , வாகனங்கள் , உடைகள் , என்று காட்சிப்படுத்தியிருக்கிறார்கள்..
 King helicopter at the Australian War Memorial 

போரில் கலந்துகொண்ட வீரர்களின் பெயர்கள் ஆயிரக்கணக்கில் பொறித்து வைத்திருக்கிறார்கள்..அவர்களுக்கு மரியாதை செலுத்தும் விதமாக பாப்பிமலர்களை அர்ப்பணித்திருக்கிறார்கள் ..

தத்ரூபமான மெழுகுச்சிலைகளும் போர்க்களக்காட்சிகளை சித்தரிக்கும் விதமாக காட்சிப்படுத்தியிருக்கிறார்கள்..
ஒரு முறை இந்த காட்சிகளை மனம் கலங்க பார்த்தால் மீண்டும் ஒரு யுத்த நிகழ்வுக்கு ஆட்சியாளர்கள்  மனதளவிலும் துணையாக மாட்டார்களே ..!
Models of battle at australian war memorial museum

மாலை ஆறு மணிக்கு மியூசியத்தை கதவடைக்கும் முன் குளோசிங் செரிமனி என்று வித்தியாசமாக கண்கவரும் வண்ணம் காட்சிப்படுத்துகிறார்கள்..

உலகம் முழுவதும் குளிர்காலமான இந்த டிசம்பர் மாதத்தில் கான்பெராவில் வெயில் காலமாக இரவு ஒன்பது மணிக்கும் சூரிய வெளிச்சத்துடன் திகழ்வது கண் கொள்ளாக்காட்சி ...

தென் முனையில் இருக்கும் டாஸ்மேனியா நகரில் நள்ளிரவு பன்னிரன்டு மனிக்கும் சூரிய வெளிச்சத்தை காணமுடியுமாம் ..இதற்கு சுற்றுலாவாகவும் அழைத்துச்செல்கிறார்களாம் ...

பூமிப்பந்தின் தென் அரைக்கோளத்தில் இங்கே அமெரிக்காவின் நாஸா விண்வெளி ஆராய்ச்சி நிலையம் பெரிய டிஷ் ஆண்டெனா  கருவியை அமைத்திருக்கிறது ... விண்வெளி ஆராய்ச்சிப்படிப்பு மாணவர்கள் பயன்படுத்தி பல கண்டுபிடிப்புகளை நிகழ்த்துகிறார்கள்...