விஸ்வரூபம்

சூரியனைப் போல ஒளிமிகுந்த, அழகிய முகம் கொண்டவரே, 
கருணை மழைபொழியும் கண்களை உடையவரே, ஆஞ்சநேயா,  நமஸ்காரம். யுத்தத்தில் மூர்ச்சித்தும் இறந்தும் விழுந்தவர்களை, சஞ்சீவி மலை கொண்டுவந்து பிழைக்கச் செய்தவரே, 
அனைவரும் புகழத்தக்க  மகிமை பொருந்தியவரே, 
அஞ்சனாதேவியின் புதல்வரே, ஆஞ்சநேயா நமஸ்காரம். 
மன்மத பாணத்தைக் கடந்தவரே, 
தாமரை இதழ் போன்ற அகண்ட  அழகிய கண்களைக் கொண்டவரே, 
சங்கு போன்ற கழுத்தை உடையவரே, 
வாயுதேவனின் பாக்ய புதல்வரே, ஆஞ்சநேயா, நமஸ்காரம்.

கண்ணன் அர்ச்சுனனின் தேர்ச் சாரதியாய் இருந்தார். 
அனுமன் அர்ச்சுனன் தேரில் வெற்றிக் கொடியாய் இருந்தார். 
கண்ணன் பாண்டவர்களுக்காக துரியோதனனிடம் தூது சென்றார். 
அனுமன் ராம- லட்சுமணர்களுக்காக இராவணனிடம் தூது சென்றார். 

கண்ணன் கோகுலத்தவர்களைக் காப்பாற்ற கோவர்த்தன கிரியைக் குடையாய்ப் பிடித்தார். அனுமன் லட்சுமணன் மூர்ச்சை தெளிவிக்க சஞ்சீவி மலையைத் தூக்கி வந்தார். 

இருவருமே விஸ்வரூப தரிசனம் காட்டியவர்கள் தான்.

அசோக வனத்தில்அனுமன் அஷ்டமா சித்துவாலே மகிமாவாகிய விஸ்வரூபம் கொள்ளத் தொடங்கி விறுவிறுவென்று வளர்ந்து வானை முட்டத் தொடங்கியது அனுமனது திருவுருவம்.
நினைத்தபோது, நினைத்த வடிவைத் தான் எடுக்க முடியும் என சீதைக்குக் காட்ட வேண்டி, விண்ணுக்கும், மண்ணுக்குமாய் வளர்ந்து நிற்கின்றார் ஆஞ்சநேயர், வானர வீரன், வாயுகுமாரன், மங்களங்களை அள்ளித் தரும் சுந்தரன். மேலும், மேலும், மேலும் வளர்ந்து கொண்டே போகும் அந்த அனுமனின் விசுவரூபத்தைக் கண்டு வியக்கின்றாள் வைதேஹி. 


சிவபெருமானும்  மஹாவிஷ்ணுவும் விஸ்வரூபம் எடுத்திருந்தாலும்,ஆஞ்சநேயருக்கு மிகப்பெரிய உருவம் உடைய கோயில்கள் அதிகம் உள்ளது.

திண்டுக்கல்லில் உள்ள அபயவரத ஆஞ்சநேயர் மார்பில் 
சிவலிங்கம் வடிக்கப்பட்டுள்ளது.

தூத்துக்குடி அருகில் உள்ள தெய்வச்செயல்புரம் என்ற ஊரில்
 75 அடி உயர ஆஞ்சநேயர் அருள்பாலிப்பது சிறப்பு.


தருமபுரி ஆஞ்சநேயர் கோயில். 300 ஆண்டுகள் பழமையானது.
அனுமன் சிலையின் தலையில் ஒரு சிறு பள்ளம் அமைந்துள்ளது. தினமும் காலை நேரத்தில் மட்டுமே  நடத்தப்படும் தேனாபிஷேக காலத்தில் அனந்த பத்மநாத சுவாமி ஆவிர்பவித்துள்ள சாளக்கிராமத்தை இப்பள்ளத்தில் வைத்து அபிஷேகம் செய்வது  தனிச்சிறப்பு. 
அப்போது 41 பாடல்கள் கொண்ட ஹரிவாயுதுதி பாடுவார்கள். 












Statue  Shiva Sur Lîle Samui En Thaïlande Banque Dimages