தரணி போற்றும் தசாவதாரங்கள்..

கோவை கொடீஷியா அரங்கத்தில் தசாவதார சிலைகள்...
மச்ச  அவதாரம்                 கூர்ம அவதாரம்               வாமன அவதாரம்

                                               

 பரசுராம அவதாரம்     ராம அவதாரம்

கிருஷ்ண அவதாரம்        பலராம அவதாரம்           கல்கி    அவதாரம்

“மீனமென வந்துமறை மீட்ட

மேருமலை தாங்கவரும் ஆமைமுகம் ஒன்று

ஏனமென பூமிதனை ஏந்துமுகம் ஒன்று

தூணதிர சீயமென தோன்றுமுகம் ஒன்று

தானமுற மாபலிமுன் ஓங்குமுகம் ஒன்று

மூணுவித ராமனென மூண்டமுகம் ஒன்று

கானமுர ளீதரமு ராரிமுகம் ஒன்று

ஞாலபரி பாலதச மானபெரு மாளே

தசாவதாரங்களுக்கு ஸ்ரீரங்கத்தில் தனிக்கோவிலே அமைந்துள்ளது. 

சென்னை பெசன்ட் நகர் அஷ்டலக்ஷ்மி கோவிலிலும் 

தசாவதார சந்நிதி உண்டு.

திருவரங்கனே தசாவதாரங்களை எடுத்தவன் என்று குறிப்பிடுகிறார் ஸ்வாமி தேசிகன். தசாவதார ஸ்தோத்திரத்தையும் எழுதியுள்ளார். இவரின் ஆராதனைத் தெய்வமான ஹயக்ரீவரும் திருமால் எடுத்த அவதாரங்களில் ஒன்று என்றும் குறிப்பிடுகிறார். திருக்கோவில்களில் விழாக்காலங்களில் பெருமாளுக்கு தசாவதார அலங்காரங்கள் செய்யப்படுகின்றன.

தசாவதாரங்கள் ஒவ்வொன்றும் ஒவ்வொரு கிரக தோஷங்களிலிருந்து  விடுவிக்கும் என்று குறிப்பிடுகிறார் ஸ்வாமி தேசிகன்.

ஸ்ரீராம அவதாரம்- சூரியன்

ஸ்ரீகிருஷ்ண அவதாரம்- சந்திரன்

ஸ்ரீநரசிம்ம அவதாரம்- செவ்வாய்

ஸ்ரீகல்கி அவதாரம்- புதன்

ஸ்ரீவாமன அவதாரம்- வியாழன்

ஸ்ரீபரசுராம அவதாரம்- சுக்கிரன்

ஸ்ரீகூர்ம அவதாரம்- சனி

ஸ்ரீவராக அவதாரம்- ராகு

ஸ்ரீமத்சய அவதாரம்- கேது

ஸ்ரீபலராம அவதாரம்- குளிகன்

ஸ்ரீபவிஷ்ய புராணத்தில், கலியுகத்தில் நிகழப்போகும் அரசவம்சம், காலநிலை, கல்கி அவதாரம் போன்றவற்றுடன், பாரத தேசம் மட்டுமல்லாது அயல்நாட்டு ஆட்சியாளர்கள், அவர்களது மதம், பழக்க- வழக்கம் பற்றியும் தெளிவாகக் கூறப்பட்டுள்ளதாக ஆன்றோர்கள் கூறுகின்றனர்.

"சாதுக்களை ரட்சிப்பதற்கும் தர்மத்தைக் காப்பாற்றவும் நான் அவதாரம் எடுக்கப் போகிறேன்' என்ற கீதா வாக்குப்படி, உலகம் போகும் போக்கைக் கண்காணித்து வரும் ஜெகத்ரட்சகன், விரைவில் கல்கி அவதாரம் எடுத்து உலகத்தைக் காக்க வேண்டுமென அவன் தாள் பணிந்து போற்றுவோம்.