முத்திரை பதிக்கும் சித்திரைத் திருவிழா

மீனாக்ஷி திருக்கல்யாணம்


 இறைவன் திருக்கல்யாணம் நடக்கும் மிகச்சிறப்பான முறையில் அலங்கரிக்கப்பட்டுள்ள கல்யாண மண்டபம்.

ம்துரை மாநகரில் சித்திரை மாதத்தில் கொண்டாடப்படும் பிரம்மோத்ஸவம் மீனாட்சி பட்டாபிஷேகமும், மீனாட்சி திருக்கல்யாணமும் நடக்கும் மாதத்தில் மதுரையும் அதனைச் சுற்றியுள்ள பகுதிகளும் விழாக்கோலம் பூணுகிறது ..

மதுரையில்  சித்திரை திருவிழாவின் கடைசி நாள் அன்னை மீனாட்சியும், சுந்தரேஸ்வரரும் வெள்ளி ரிஷப வாகனத்தில் பவனி வருவார்கள். 

சித்திரை திருவிழாவில் ரிஷபத்திற்கு மட்டும் இரண்டு நாள் இறைவனைச் சுமக்கும் பாக்கியம் கிடைக்கிறது. 

எதைத் தவற விட்டாலும், ரிஷப வாகன தரிசனத்தை மட்டும் தவற விடவே கூடாத அளவுக்கு மிகவும் புண்ணியமான தரிசனம் ....

ரிஷபம் என்றும் காளை தர்மத்தின் சின்னமாகும். 

காளையின் கட்டான உடல் நமக்கு திடமனது வேண்டும் என்பதையும் கால்கள், எவ்வளவு சுமை இருந்தாலும் அதை தாங்கும் தன்னம்பிக்கை வேண்டும் என்பதையும், 

காதுகள் இறைவனின் திருநாமத்தை மட்டுமே கேட்க 
வேண்டும் என்பதையும், 

கண்கள் நல்லதையே பார்க்க வேண்டும் என்பதையும் 
ஆடும் வால், தீயவற்றை ஒதுக்க வேண்டும் என்பதையும், 

கழுத்தில் கட்டப்பட்ட கிண்கிணி மணிகள் இறைவனை மந்திரம் சொல்லி வழிபடுவதையும் குறிக்கின்றன. 

ரிஷப தரிசனம் மட்டும் ஏதோ ஒரு முன் பிறவியில் புண்ணியம் செய்திருந்தால் மட்டுமே கிடைக்கும். 

ரிஷப வாகனத்தில் பவனிவரும் சுவாமியை தரிசித்தால் இவ்வுலகில் என்னென்ன தான தர்மங்கள் உண்டோ அத்தனையும் செய்த புண்ணியம் கிடைக்கும். 

இந்த புண்ணியத்தை தனது அடியார்களுக்கு வழங்குவதற்காகவே மீனாட்சியும் சுந்தரேசுவரரும் ஒன்றாக ரிஷப வாகனத்தில் எழுந்தருளுகின்றனர்.