அகிலாண்டகோடி பிரம்மாண்ட நாயகி

உன்னையல்லால் வேறே தெய்வம் இல்லையம்மா
உலகெல்லாம் ஈன்ற அன்னை ...நீயே
மீனாக்ஷி காமாக்ஷி நீலாயதாக்ஷிஎன பல பெயருடன்
எங்கும் நிறைந்தும் மனக்கோவிலிலும் உறையும்
அகிலாண்டகோடி பிரம்மாண்ட  நாயகியாம் அன்னை பார்வதிதேவி ஆதியில் தவம் புரிந்த புண்ணியதிருத்தலம் விண்ணவர், மண்ணவர் என யாவரும் வந்து தொழும் அரனாரின் அளப்பரிய புகழ் கொண்ட திருப்பழுவூர் சிவாலயம். தற்போது கீழப்பழுவூர் என்று அழைக்கப்படுகிறது.

அம்பாள் சந்நிதி ஒரு சுற்றைக் கொண்டு தனிக் கோவிலாகவே காணப்பெறுகிறது

அம்பாள் ஸ்ரீயோக தபஸ்வினி என்னும் திருநாமம் கொண்டு நின்ற கோலத்தில்பேரருள் புரிகிறாள். 
தவக்கோல அம்மன்

தமிழில் அருந்தவ நாயகி ,. மகாதபஸ்வினி என்றும் அம்பிகை துதிக்கப்படுகிறாள். 
அம்மன் அருந்தவ நாயகி

யோகக் கலையையும் திருமணவரத்தையும் ஒருசேர அளிப்பவள் அன்னை ..!

பெரும்புகழும் அருளும் கொண்ட பழுவூர் சிவாலயம்  சிந்தையைத் தூண்டும் அளவிற்கு கலையெழில் கொண்டு திகழ்கிறது.

 கஜமுகாசுரனை அழித்த களிப்பில் கணபதி ஆனந்த நடனம் புரிந்த அற்புதத்திருத்தலம்...

தாயைக் கொன்ற பழி நீங்கிட பரசுராமர் வழிபட்டு பரமனாரின் அருள் பெற்றுள்ளார்.

பிரம்மா, திருமால், இந்திரன், சந்திரன், சண்டிகேஸ்வரர், அகத்தியமாமுனிவர், காசிப மகரிஷி, வியாசர் போன்றோரும்  திருப்பழுவூர் சிவபெருமானை வழிபட்டுவரங்கள் பல பெற்றுள்ளனர்.

திருஞான சம்பந்தர் தேவாரப் பதிகம் பாடியருளியுள்ளார்.

ராமலிங்க வள்ளலாரும் தனது அருட்பாவில்  புகழ்ந்துரைத்துள்ளார். 

அருணகிரிநாதர் திருப்பழுவூர் தல முருகன்மீது திருப்புகழ் பாமாலைஒன்றைச் சூட்டியுள்ளார்

பிருத்வி தத்துவத்தை விளக்கும் புற்று வடிவான இத்தல சிவன்மீது, வருடந்தோறும் பங்குனி மாதம் 18-ஆம் தேதி காலை 6.30 மணிக்கு சூரியக் கதிர்கள் படர்வது சிறப்பான காட்சியாகும்.

தஞ்சை மற்றும் திருவாரூர் ஆலய வாயில் கோபுரங்களை நினைவுபடுத்தும் வகையில் ஏராளமான சிற்பங்களைக் கொண்டு, சற்று அகலமாக உருவாக்கப்பட்டுள்ளது மூன்றுநிலைகள் கொண்ட கிழக்கு நோக்கி அழகிய  ராஜகோபுரம்.மாமன்னன் இராஜேந் திர சோழனால் அமைக் கப் பெற்றது,,

கருவறையுள் கருணாமூர்த்தியாய் அருள்பாலிக்கின்றார் ஸ்ரீவடமூலநாதர். 

"பழு' என்றால் ஆலமரம். எனவே சுவாமி "ஆலந்துறையார்' எனப்படுகிறார். ஆலயத்திற்கு வெளியே தல மரமான ஆலமரம பிரம்மாண்டமாக வளர்ந்து நிற்கிறது.  தல தீர்த்தமாக பிரம்ம தீர்த்தமும் கொள்ளிடமும் விளங்குகின்றன. புற்று வடிவாய்,மண் லிங்கமாக சதுர ஆவுடையாரின் நடுவே அபூர்வ தோற்றத்துடன் அருட்காட்சிநல்குகிறார்.

அபிஷேகத்தின்போது குவளை சாற்றப்படுகின்றது. மிகவும்அரிய தரிசனம் ....
மூலவர் ஆலந்துறை நாதர்

லிங்கம் மிகச்சிறியது என்பதால் அடையாளம் காட்ட, அதன் மீது ஒரு 

குவளை கவிழ்த்தப்பட்டிருக்கிறது. 

இந்த குவளைக்கே அபிஷேகம் நடக்கும். 

பெரம்பலூர் மாவட்டம், அரியலூர் தாலுகாவில், அரியலூரிலிருந்து 12கிலோமீட்டர் தொலைவில், திருச்சி- அரியலூர் பேருந்து சாலையில் முக்கியநிறுத்தமாக உள்ளது கீழப்பழுவூர். 

திருச்சியிலிருந்து  ஊருக்கு வரநேரடி பஸ்கள் உள்ளன.