மலர்களின் அரசாங்கம்

தென்கிழக்கு ஆசியாவில் உள்ள பிரம் மாண்டமான பூ அங்காடி தோவாளை..கன்னியாகுமரி மாவட்டம், நாகர்கோவில்- திருநெல்வேலி இருப்புப் பாதையையொட்டி அமைந்துள்ளது தோவாளை என்னும் அழகிய கிராமம். 

கேரளம், கர்நாடகம், ஆந்திர மாநிலங்களுக்கும் வெளிநாடுகளுக்கும் அதிக அளவில் மலர்கள் இங்கிருந்துதான் செல்கின்றன.

இயற்கை எழில் சூழ்ந்ததோவாளையின் ஒரு சிறு மலைக்குன்றின்மீது அமைந்துள்ளது தேவாளை முருகன் கோவிலில் ஆருளும் ஸ்ரீ பாலசுப்பிரமணியர் மிகவும் சக்தி வாய்ந்தவர். நான்கு கரங்களுடன் வேல் ஏந்தி காட்சி தருகிறார். மயிலின் முகம் வலப்புறம் உள்ளது.


வேண்டிய வரங்களை அள்ளித் தரும் இந்த முருகனை சாதி மத வேறுபாடின்றி மக்கள் வணங்குவது  சிறப்பு.....

 திருமலை முருகன் பக்தர்கள் சங்கத்தினரால் ஆண்டுதோறும் மலர் முழுக்கு விழா மிகப் பெரிய அளவில் நடத்தப்படுகிறது.
Thovalai Lord Murugan temple

தோவாளை கிராமத்தில் பயிரிடப்படும் ஜாதிப் பூ எனப்படும் அரிய வகை பிச்சிப் பூ நல்ல வாசனையுடன் கூடிய ஒரு வித்தியாசமான வகை ஆகும்.



 பேச்சிப் பாறை என்ற இடத்திலிருந்து வரும் காட்டாறு  ஊருக்கு அருகில் ஓடுகிறது. 

மேற்குத் தொடர்ச்சி மலையும் கிழக்குத் தொடர்ச்சி மலையும் அருகில் அமைந்துள்ளதும் சிறப்பாகும். 

மிகவும் பழமையான கைலாசநாதர் ஆலயம் ஒன்றும் உள்ளது. மேலும் இங்கிருந்து சுமார் நான்கு கிலோமீட்டர் தூரத்தில் உள்ள "சக்கரகிரி' என்ற இடத்திலும் ஒரு முருகன் கோவில் உள்ளது. திருச்செந்தூர் போன்று புஷ்பத் திருவிழா இங்கும் சிறப்பாகக் கொண்டாடப்படுகிறது. இந்த சக்கரகிரி மலைமேல் உள்ள முருகன் ஆலயத்திலும் சூரசம்ஹாரம் மிகவும் சிறப்பாகும்.