குறைகளை அகற்றும் திருக்குறையலூர்

 பஞ்ச நரசிம்ம க்ஷேத்திரத்தின் முதல் திருத்தலம்  திருக்குறையலூர்..மூலவர் - ஸ்ரீஉக்கிர நரசிம்மர். ஸ்ரீதேவி பூதேவி சமேதராகக் காட்சி தரும் தலத்தின் தாயார் - ஸ்ரீஅமிர்தவல்லித் தாயார். 

பார்வதியைப் பிரிந்த ஈசனுக்கு ஆறுதல் அளிக்க நரசிம்மர் அவருக்கு காட்டியருளிய திருக்கோலம்கொண்டு வைகுண்ட நரசிம்மராக அருள்கிறார்.
திருமங்கை ஆழ்வாரின் அவதாரத் தலம் எனப் பெருமை கொண்ட இந்தத் திருத்தலத்தில், அவருக்கும் குலசேகராழ்வாருக்கும் சந்நிதிகள் உள்ளன. 



குமுதவல்லி நாச்சியாருடன் திருமங்கையாழ்வார் 
கருட சேவைக்கு புறப்படும் காருண்ய கோலம்

தை அமாவாசையன்றுதிருக்குறையலூர் ஸ்ரீ உக்ர நரசிம்மப் பெருமாள்கோவிலை அடைந்து அவரை மங்களாசாசனம் செய்தவர் திருமங்கையாழ்வார்,

சீர்காழியில் இருந்து சுமார் 13 கி.மீ. தொலைவிலும் திருவெண்காட்டில் இருந்து சுமார் 6 கி.மீ. தொலைவிலும் உள்ளது திருக்குறையலூர். 

குறைகளை அகற்றும் ஊர் என்பதே மருவி, திருக்குறையலூர் என்றானது. முற்றிலும் குறையற்ற ஊர்..

மன நலம் பாதிக்கப்பட்டவர்கள், கடன் பிரச்னை உள்ளவர்கள், குடும்பத்தில் பிரச்னை உள்ளவர்கள் இந்நாளிலும், அஷ்டமி, சுவாதி நாட்களிலும் நெய்விளக்கு ஏற்றி, பானக நைவேத்தியம் செய்து வழிபட்டு நலம் பெறுகிறார்கள்..

சுவாமி மலைக்கும், திருக்கூடலூருக்கும் இடையே காவிரியில் துணை ஆறாக பிரியும் மண்ணியாறு திருக்குறையலூர் வழியாக சென்று கடலில் கலக்கும் சிறப்பை வைணவ ஆச்சாரியார்கள் "மண்ணியில் நீர் தேங்கும் குறையலூர், சீர்கலியன் தோன்றிய ஊர்' என்று சிறப்பித்து பாடியுள்ளனர்.

குலசேகர ஆழ்வார், ராமானுஜர், மணவாள மாமுனிகள் போன்றோர் தரிசனம் செய்து நிறைவுற்ற தலம்.