சந்தோஷ சந்தோஷி மாதா

துணை புரிவாய் துணைபுரிவாய் சந்தோஷிமாதா
தூயவளே நாயகியே ஸந்தோஷிமாதா
எண்ணமெல்லாம் நிறைவேற இனிதருள்வாயே
இகலோக நாயகியே சந்தோஷிமாதா 

முழுமுதற் பரம்பொருளான கணபதி  பூலோகத்திற்கு தன் இருமனைவியரான சித்தி, புத்தியுடனும் குமாரர்களான லாபம், சுபத்துடனும் வருகை தந்த அந்த நாள் ஆவணி மாதம் பவுர்ணமி நாளை பூலோக மக்கள்  சகோதர உறவின் கையில் ரக்ஷா எனப்படும் கயிறுகளைகட்டி மகிழ்ந்தனர். 

லாபம், சுபத்திற்கு மனதில் ஏக்கம் சுபா! நமக்கும் ஒரு சகோதரி இருந்தால் இவ்வாறு கயிறு கட்டி மகிழ்ந்திருக்கலாமே! தேவலோகத்தினராகிய நாம் பூலோக பெண்களை சகோதரிகளாக ஏற்றுக்கொள்ள இயலாது.

தேவலோகத்தில்  ஒரு சகோதரியை தேடவேண்டும், என்றார் லாபம்

 லாபமும், சுபமும் தாங்கள்  பூலோகத்தில் மக்கள் அருகில் உள்ளவர்களைக்கூட சகோதர, சகோதரிகளாக பாவிப்பதையும், அதற்காக விழா எடுப்பதையும் குறிப்பிட்ட அவர்கள், தங்களுக்கு ஒரு சகோதரி வேண்டுமென கேட்டனர். 

நாரதர் குழந்தைகளின் விருப்பத்தை நிறைவேற்றும்படி 
விநாயகரை வேண்டிக்கொண்டார். 

விநாயகர்  சித்தி, புத்தி  மூவரும் இணைந்து ஒரு பெண் குழந்தையை உருவாக்கிய குழந்தையால்  தங்கள் புத்திரர்கள் சந்தோஷமடைவார்கள் என்பதால் அவளுக்கு சந்தோஷி எனப்பெயரிட்டனர். 

தங்களுக்கு சகோதரி பிறந்த செய்தியறிந்த சகோதரர்கள்
உமையன்னையின் சக்தியும், 
லட்சுமியின் செல்வச்செழிப்பும், 
சரஸ்வதியின் கல்வி ஞானமும் 
அக்குழந்தைக்கு கிடைக்கட்டும் என சகோதரியை வாழ்த்தி மகிழ்ந்தனர்.

சந்தோஷியை வணங்குவோர் பொன்னும், பொருளும் பெற்று அறிவாற்றலுடன் திகழ்வார்கள் என ஆசி கூறினர்.

வெள்ளிக்கிழமையில் அந்தக் குழந்தை பிறந்தது. எனவே சந்தோஷி மாதாவிற்கு வெள்ளிக்கிழமைகளில் சிறப்பு பூஜை நடத்தப்படவேண்டுமென சகோதரர்கள் முடிவெடுத்தனர். 

ஆனந்த நகரம் என்ற ஊரில் போலாநாத் என்ற பக்தர் சுனீதி என்ற சந்தோஷி மாதா பக்தையை மணந்தார்.    சுனீதியை கணவன் வீட்டார் கொடுமைப்படுத்தினர். அவளுக்கு ஒரு குழந்தையும் பிறந்தது. 

யார் என்ன சொன்னாலும் விடாப்பிடியாக சந்தோஷி மாதா விரதத்தை மட்டும் அவள் விடாமல் செய்துவந்தாள். 

அவளது பக்திக்கு மெச்சிய சந்தோஷி மாதா குடும்பத்தினரை திருத்தி சுனீதிக்கு அருள்செய்தாள். குடும்பம் ஒற்றுமையானது.  

இப்போதும் சந்தோஷி மாதா விரதம் இருக்கும் இடங்களில் அவளது பக்தையான சுனீதியின் கதை சொல்லப்படுகிறது.  சந்தோஷி மாதா ஒரு ஒற்றுமை தெய்வமாக போற்றப்படுகிறாள்.