பாங்காய் அருளும் பாடலாத்ரி நரசிம்மர்..!

கருணைக்கடலான மகாவிஷ்ணு சிறுபாலகனின் ஆணித்தரமான "இறைவன் எங்கும் உளன்'' என்ற சொல்லை நிலை நாட்டுவதற்காகவும், மெய்ப்பிக்கவும் மாலை வேளை துவாரப்ரதேசத்தில் (வாயிற்படியில்) நரமிருக ரூபியாய் (மனித உடல் சிங்கமும்) அவதாரம் செய்து நகரங்களினாலே இரணியனை ஸம்ஹாரம் (வதம்) செய்தார்.அவர் (மஹா உக்ரத்தில்) பெருஞ்சினத்துடன் மூன்று கண்களுடன் காணப்பட்டார்.

நரசிங்க விண்ணகரம் எனப் போற்றப்படும் பாடலாத்திரி நரசிம்ம பெருமாள் கோவில் பல்லவர் காலத்தில் எடுக்கப்பட்ட குடைவரைக் கோவில்.  சிங்கபெருமாள் கோவிலில் திருமாலின் நான்காவது அவதாரமான ஸ்ரீநரசிம்ம சுவாமி நான்கு திருக்கரங்களுடன் அமர்ந்த நிலையில் சுதை சிற்பமாக அழகாக வீற்றிருக்கிறார். 

வலது மேல் கரத்தில் சக்கரம், இடது மேல் கரத்தில் சங்கு, கீழ் வலது கரத்தில் அபயமுத்திரையுடன் காட்சி தருகிறார்.  வலது காலை மடித்துக் கொண்டு, இடது காலை தாமரை மலர்மேல் வைத்துக் கொண்டு "த்ரிநேத்ரதாரியாய்'' (மூன்று கண்களுடன்) திருமார்பில் மகாலஷ்மியோடு, சாளக்கிராம மாலை, ஸஹஸ்ரநாத மாலை மற்றும் லஷ்மிஹாரங்நாம மாலை மற்றும் லஷ்மி ஹாரங்களுடன் கிழக்கு நோக்கி கம்பீரமாக காட்சி தருகிறார்.

மூலவரின் திருப்பெயர்: பாடலாத்ரி நரசிம்மர் உற்சவரின் திருப்பெயர்: பிரஹலாத வரதர், ஸ்ரீதேவி, பூதேவியுடன் எழுந்தருளியுள்ளார். 

தாயாரின் திருப்பெயர்: ஆஹோபிலவல்லித் தாயார். 

 

விமானம்: ப்ரணவ கோடி விமானம்

தீர்த்தம்: சுத்த புஷ்கரணி

ஸ்தல விருட்சம்: பாரிஜாதம்

 அடர்ந்த  காட்டில் ஸப்த (ஏழு) ரிஷிகளுள் ஒருவரான ஜாபாலி இறைவனை நேரில் காண வேண்டி தவமிருது பிரார்த்தித்த வேண்டுகோளுக்கிணங்கி இரணியனை ஸம்ஹாரம் செய்த திருக்கோலத்துடன் உக்கிர நரசிம்மராக அதே கோபத்துடன்  சிறு குகையினுள் காட்சி கொடுத்ததாக ஐதீகம் ... 

சுவாமி குகைக்குள் வீற்றிருப்பதால் கோவிலை வலம் வருபவர்கள் சுமார் நூறு படிக்கட்டுகள் கொண்ட சிறு குன்றினையும் சேர்த்து தான் வலம் வரவேண்டும் த்ரிநேத்ர தரிசனம், கிரிவலம்  தனிச்சிறப்பாகும்.

 

 மணமாகாதவர்களும் குழந்தை பேறு இல்லாதவர்களும் மாமேதை ஆகும் எண்ணம் உள்ளவர்களும் தாங்கள் அணிந்திருக்கும் ஆடையிலிருந்து ஒரு நூலிழையை எடுத்து தெய்வீக அதிசயகுணம் படைத்த அழிஞ்சல் மரத்தின் கிளையில் எம்பெருமானை நினைத்து ஒரு நுனியில் கட்டி மரத்தின் அடியில் மஞ்சள், குங்குமம் பூசி, நெய் விளக்கேற்றி அர்ச்சனை செய்தால் அருள்கிட்டும். இது மகான்கள் கண்ட உண்மை. 

தெய்வாம்சம் பொருந்திய மரம் கோவில் கிரி பிரதட்சிணத்தில் மேற்கு பக்கத்தில் அமைந்துள்ளது.

ஆண்டு தோறும் வைகாசி மாதம் பிரம்மோற்சவ விழா கொண்டாடப்படும். விழாவின் 7ம் நாள் தேர் திருவிழா கோலாகலமாக கொண்டாடப்படும். 

சென்னை-திண்டுக்கல் தேசிய நெடுஞ்சாலையில் சென்னையில் இருந்து 5 கி.மீ. தொலைவிலும், செங்கல்பட்டிலிருந்து 10 கி.மீ. தொலைவிலும் அமைந்துள்ளது