ஆயிரம் கண்ணுடையாள் லலிதாம்பிகை ..

யாதேவி ஸர்வபூதேஷு விஷ்ணு மாயேதி சம்ஸ்திதா
நமஸ்தஸ்யை நமஸ்தஸ்யை, நமஸ்தஸ்யை நமோ நம

ஆந்திரமாநிலம், விசாகப்பட்டினத்தில் தேவிபுரம் எனும் இடத்தில் லலிதாம்பிகை, ஸஹஸ்ராக்ஷி எனும் பெயரில் திருவருள் பாலிக்கிறாள். தமிழில்  ஆயிரங்கண்ணுடையாள் என பொருள். மூன்று அடுக்குகளாக அமைந்துள்ள ஆலயம், 33.6 சதுர மீட்டர் பரப்பில், 10 மீட்டர் உயரத்தில் மேரு  யந்திர வடிவாக விளங்குகிறது. 

அதன் உள்ளேயும், சுற்றிலும் 100க்கும் மேற்பட்ட யோகினிகளின் எழிலார்ந்த உருவங்கள் சுதை வடிவில் தரிசனமளிக்கின்றன. இந்த யோகினிகள் அனைவரும் தேவி கட்கமாலா எனும் அம்பிகையின் துதியில் வரும் யோகினியர் ஆவர். 

ஸ்ரீவித்யா உபாசகர்கள் விரும்பிச் செல்லும் ஆலயங்களில் இதுவும் ஒன்று. 

மூலக் கருவறையில் உள்ள ஸஹஸ்ராக்ஷியை பக்தர்கள் தங்கள் கரங்களாலேயே அர்ச்சித்து பூஜை செய்யலாம். இந்த நடைமுறை, அஸ்ஸாம் மாநிலம், கௌஹாத்தியில் உள்ள காமாக்யா திருக்கோயிலை பின்பற்றி நடக்கிறது. 1985ல் நிர்மாணிக்கப்பட்ட இக்கோயிலில், காலை 9 மணி முதல் இரவு 8 மணி வரை அம்பிகையை தரிசிக்கலாம். இங்கேயே தங்கிக்கொள்ள நிறைய அறைகள் கொண்ட விருந்தினர் விடுதி உள்ளது. -