முத்திரை பதிக்கும் சித்திரைத்திருவிழா

மதுரை மீனாட்சியம்மன் கோயிலை தாமரை மொட்டைப் 

போல்  வைத்துக் கொண்டால் அதைச் சுற்றியுள்ள தெருக்கள் 

தாமரை இதழ்களாக எழிலுடன் திகழ்கின்றன....

ஒருமுறை தேவேந்திரன் - விருத்ராசுரன், விஸ்வரூபன் என்ற பிறப்பால் அந்தணர்கள் ஆன இருவரை  கொன்றான். 

 இந்திரனை பிரம்மஹத்தி தோஷம் பிடித்துக் கொண்டது. 

அதிலிருந்து விடுபட குருபகவான் இந்திரனிடம் பூலோகம் சென்று பல்வேறு சிவஸ்தலங்களில் வழிபட்டால் ஓரிடத்தில் கெடுதல் நீங்கும் என்று கூறினார். 

அதன்படி இந்திரன் காசி முதலிய பல ஸ்தலங்களில் வழிபட்டு 

தெற்கு நோக்கி வந்தான். 

ஓரிடத்தில் கடம்ப மரத்தின் கீழ் சென்றவுடன் தன்னைப் 

பற்றியிருந்த தோஷம் விலகக் கண்டான். 

 மகிழ்ச்சியடைந்த இந்திரன் முன் தேரோடும் சீரான மதுரையிலே 

கடம்ப மரத்தடியில் சிவபெருமான் திருஆலவாய் சோமசுந்தரர் இந்திரனுக்கு காட்சி கொடுத்தார்.

இந்திரன் சிவபெருமானுக்கு கோவில் கட்ட நினைத்து தேவலோகத்தில் இருந்து ஒரு விமானம் வரவழைத்தான். மதுரைத்தலத்து இறைவனுக்கு இந்திரன் விமானம் அமைத்ததால் அதற்கு இந்திர விமானம் என்றும், விண்ணில் இருந்து வந்ததால் விண்ணிழி விமானம் என்றும் சொல்லப்படுகிறது.

ஆலயம் எடுத்த இந்திரனிடம் ஒவ்வொரு வருடமும் சித்ரா பௌர்ணமி நாளில் என்னை இங்கு வந்து வழிபடுக என்று ஈசன் கட்டளையிட்டார். 

அதன்படி ஒவ்வொரு வருடமும் சித்ரா பௌர்ணமி நாளில் இந்திரன் இங்கு வந்து வழிபடுகிறான் என்று திருவிளையாடல் புராணம் கூறுகிறது. 

அதனால் தான் சித்ராபௌர்ணமி மதுரையில் சிறப்பாகக் கருதப்படுகிறது.

மன்னர்கள் காலத்தில் குறிப்பிட்ட மாதங்களில் நடைபெறும் விழாக்கள் அந்த மாதங்களின் பெயரிலான தெருக்களில்தான் நடைபெறும்.

இதுவே  மதுரையில் தெருக்களுக்கு தமிழ் மாதங்களின் பெயர் வைக்கப்பட்டிருப்பதற்கும்  காரணம் ஆகும்..

சீர்மிகு தெப்பத் திருவிழா