ஸ்ரீ தன்வந்திரி ஜெயந்தி

ஓம் நமோ பகவதே மஹாசுதர்ஸன வாசுதேவாய தன்வந்த்ரயே
அம்ருதகலச ஹஸ்தாய சர்வ பய விநாசாய சர்வ ரோக நிவாரணாய
த்ரைலோக்ய பதயே த்ரைலோக்ய நிதயே ஸ்ரீ மகாவிஷ்ணு ஸ்வரூப
ஸ்ரீ தன்வந்த்ரி ஸ்வரூப ஸ்ரீ ஸ்ரீ ஸ்ரீ ஔஷத சக்ர நாராயணாய நமஸ்தே.'

 16 முறை கூறினால் நோய்கள் அகலும் என்பது நம்பிக்கை ..

ஸ்ரீ மஹாசுதர்சனராகவும், வாசுதேவராகவும் விளங்குபவரும்; 

அமிர்த கலசத்தைக் கரங்களில் ஏந்தி, 

அனைத்து பயங்களைப் போக்குபவரும்; 

எல்லா நோய்களுக்கும் நிவாரணம் அளிப்பவரும்; 

மூன்று உலகங்களுக்குத் தலைவராக விளங்குபவரும்; 

அனைத் துச் செல்வங்களுக்கும் அதிபதியாக விளங்குபவருமான 

ஸ்ரீ மகாவிஷ்ணு ஸ்வரூபியான 

ஸ்ரீ ஔஷத (மருந்து) சக்ர நாராயணரான 

ஸ்ரீ தன்வந்திரிப் பெருமானை வணங்குகிறேன்.

ஸ்ரீ மகாவிஷ்ணு மக்களுக்கு மருத்துவராகத் தோன்றிய நாளே தன்வந்திரி ஜெயந்தியாகும். 

நோய்கள் வராமலிருக்கவும், நல்ல உடல் ஆரோக்கியமும் நீண்ட ஆயுளும் கிடைக்கவும் தன்வந்திரி வழிபாடு சிறப்பிடம் பெறுகிறது..

திருமாலின் 24 அவதாரங்களில் 17-ஆவது அவதாரமாக தன்வந்திரி அவதாரம் விளங்குகிறது.

இறைவன் மருந்தாகவும், மருத்துவராகவும் 

இருந்து மக்களைக் காப்பாற்றுகிறான் என்ற அரிய தத்துவத்தை 

இந்த அவதாரம் சுட்டிக்காட்டுகிறது.

..ஐப்பசி மாதம், கிருஷ்ணபட்ச திரயோதசி, ஹஸ்த நட்சத்திரம் தன்வந்திரியின் அவதார தினமாகக் கொண்டாடப்படுகிறது. 

தன்வந்திரி ஜெயந்தியன்று கோதுமை மாவும் வெல்லமும் சேர்த்து தயாரித்த பிரசாதம்  முக்கிய நைவேத்தியமாகப் படைக்கப்படுகிறது..

 தீபாவளி லேகியம் தயாரிக்கும் வழக்கமும் தன்வந்திரி வழிபாட்டிலிருந்தே தொடங்கியதாம்.... 

அமாவாசைக்கு இரண்டு நாட்கள் முன்பாக வரும் திரயோதசி நாளன்றே துவங்கும் தீபாவளி தன்வந்திரி ஜெயந்தி தன்திரேயாஸ் என்றும், தன்திர யோதசி என்றும் கொண்டாடப்படுகிறது. 

இந்நாளில் 13 வெள்ளி அல்லது தங்கக் காசுகள் வாங்கினால் வீட்டில் செல்வம் கொழிக்கும் என்பது வடமாநில மக்களின் நம்பிக்கை. 

இதே தன்திரேயாஸ் நாள் எமனுக்குரிய நாளாகவும் அனுஷ்டிக்கப்பட்டு, அன்றிரவு யமதீயா என்ற யம தீபம் ஏற்றப்படுகிறது. 

கோவையில் தன்வந்திரி ஆலயம் பிரசித்தி பெற்றது...

கேரள மாநிலத்தில் தன்வந்திரி பகவானுக்கு பல ஆலயங்கள் உள்ளன..

ஸ்ரீ தன்வந்திரி பகவான் பற்றி எமது இன்னொரு பதிவு..
http://jaghamani.blogspot.com/2012/02/blog-post_23.html 
ஓம் நமோ பகவதே வாசுதேவாய