பிரஜ்ஞா தட்சிணாமூர்த்தி

குருர் பிரம்மா குருர் விஷ்ணு குருர் தேவோ மகேஸ்வர:

குரு ஸாட்ஷாத் பரம் பிரம்மா: தஸ்மை ஸ்ரீ குரவே நம:

கல்லாலின் புடையமர்ந்து நான்மறை ஆறங்கமுதற் கற்றவேள்வி,

வல்லார்கள் நால்வருக்கும் வாக்கிறந்த பூரணமாய் மறைக்கு அப்பலாய்,

எல்லாமாய் அல்லதுமாய் இருந்தனை இருந்தபடி இருந்து காட்டிச்,

சொல்லாமற் சொன்னவரை நினையாமல் நினைத்து பவத் தொடக்கை வெல்வாம்.

ஞானக் கடவுள் தட்சிணாமூர்த்திக்குத் தேனி ''முல்லைநகர்'' அருகே உள்ள வேதபுரியில் அமைந்துள்ள தனிக் கோயிலில் பிரஜ்ஞா தட்சிணாமூர்த்தி ஒன்பதடி உயரத்தில் தெற்கு நோக்கி அருள்பாலிக்கும் தலம் பல சிறப்புகளைக் கொண்டுள்ளது. 5 கால பூஜைகள்  நடக்கிறது.

பக்தர்களால் எழுதப்பட்ட கோடிக்கணக்கான மூலமந்திரங்கள் 
கோயில் அஸ்திவாரத்தின் கீழ் முறைப்படி வைக்கப்பட்டுள்ளது. 
இதனால், சுவாமிக்கு சக்தி அதிகம். 

கருவறை விமானத்தில் நமசிவாய மந்திரத்தை குறிக்கும் வகையில் ஐந்து கலசங்கள் வைக்கப்பட்டுள்ளது. 

சுவாமிக்கு மாலை அணிவிக்க விரும்புபவர்கள் வில்வ மாலை கொண்டு வரலாம்.கற்பூரம் ஏற்றுவதும்  தடை செய்யப் பட்டுள்ளது.

திருமணத்தடை, குழந்தை பாக்கியம், கல்வியில் சிறந்து விளங்க 
சிறப்பு பூஜைகள் செய்யப்படுகின்றன.

வியாழக்கிழமைகளில் சிறப்பு வழிபாடுகள் செய்யப்படும். 

மூலவருக்கு 16வித உபச்சாரங்களுடன் சாயரட்ஷை பூஜை, 
சகஸ்ர நாம பூஜை . சிறப்பு அபிஷேக, ஆராதனை தீபாராதனையும் இடம்பெறும். 

பிரதோஷ நாட்களில் மாலை 4.30 முதல் இரவு 8.30 வரை நந்திக்கும், சிவனுக்கும் பல்வேறு சிறப்பு ஆராதனை வழிபாடுகள் நடக்கும்.: 

காலை நேரத்தில் மட்டுமே தேங்காய் உடைக்கலாம். 

கேந்திப்பூ, கோழிக் கொண்டைப்பூ போன்றவைகளை 

பூஜைக்குப் பயன்படுத்தக் கூடாது. 

கொண்டைக் கடலைகளை மாலையாக கட்டி கொண்டு வருவதைத் தவிர்த்து பாக்கெட்டுகளாக கொண்டு வர வேண்டும் என கூறுகிறார்கள். 

 பக்தர்கள் தரிசனம் செய்யும் மகா மண்டபத்தின் நீளம் 108 அடி,
அகலம் 54 அடியாக விசாலமாக அமைந்திருக்கிறது..... 

மண்டபத்தின் எப்பகுதியில் இருந்தும் சுவாமியை நன்றாக தரிசிக்கும் வகையில் மண்டபம் வடிவமைக்கப்பட்டுள்ளது. 

 மூலவரையும், விமானத்தையும் ஒன்றாக தரிசிக்க முடியும். 

கோயிலின் நுழைவு வாசலிலிருந்து கூட மூலவரை நன்றாக தரிசிக்க முடியும்.

 வேத பாடசாலை உள்ள்து,

கோவிலை வலம் வருவது  சிறப்பு வழிபாட்டு முறையாகத்திகழ்கிறது.. 

கோவிலை வலம் வருவதற்க்கு தனியாக பாதை அமைக்கபட்டுள்ளது, 

சனகர் ,சனந்தனர் ,சனாதனர்,  சனத்குமாரர் என்னும் நான்கு ,முனிவர்கள் பிரார்த்தனைக்காக  சிவப்பரம்பொருள் தட்சிணாமூர்த்தியாக  அருள்கிறார்.