புஷ்பயாகம்

ஹிரண்யவர்ணாம் ஹரிணீம் ஸுவர்ண ரஜத் தஸ்ரஜாம் 
சந்த்ராம் ஹிரண்மயீம் லக்ஷ்மீம் ஜாதவேதோ ம ஆவ: 

புஷ்பயாகம் என்பது, ஒரு யாகவிசேடம்.

பிரம்மோத்சவத்தின் முடிவில் (பத்தாவது உத்சவம்) பெருமாளுக்கு எதிரில் மண்டலங்கள் போட்டு, அதில், மற்றைப்பொருள்களையும் நெருப்பையும் கலவாமல், புஷ்பங்களையே கொண்டு அர்ச்சனை செய்வது போன்று யாகம் செய்வது புஷ்பயாகம்...

திருவரங்கத்தில் பிரம்மோத்சவத்தில் இன்றும் செய்யப்பட்டு வருகின்றது.

திருப்பதி கோவிலில் ஆண்டு தோறும் தெலுங்கு கார்த்திகை மாதம் திருவோண நட்சத்திரத்தன்று  ஸ்ரீதேவி, பூதேவி சமேத மலையப்ப சுவாமிக்கு மலர்களை கொண்டு  புஷ்பயாகம் நடப்பது வழக்கம்.

இந்த யாகத்திற்கு மல்லிகை, ரோஜா, தாமரை, துளசி, வில்வம், மந்தாரம், உள்ளிட்ட 25 மலர்கள் பக்தர்கள் நன்கொடையாக வழங்குகிறார்கள்...

பௌர்ணமி நிலவொளியில் ஸ்ரீ ரங்கநாதர் கண்ணாடி கருட சேவை தந்தருளுகின்றார்.

அற்புதமாக திருக்கர  விரல்களில் நவரத்ன மோதிரங்கள்,  திருக்கரம் மற்றும் திருப்பாத  நகங்களில் கண்ணாடி,  திருக்கர கங்கணங்கள், கிரீடம் ஆகியவற்றில் பல வர்ண கண்ணாடிகள்,  பிரபை முழுவதும் அற்புதமாக கண்ணாடி வேலைப்பாட்டுடன்,சர்வ அலங்கார பூஷிதராக பெருமாள் கண்ணாடி கருட சேவை சாதிக்கின்றார்.

இதைத் தொடர்ந்து தேவஸ்தானத்துக்கு சொந்தமான தோட்டத்தில் பூத்த சாமந்தி, லில்லி, ரோஜா, நத்திவர்தானம், துளசி உள்ளிட்ட 18 வகை மலர்கள் யாகத்துக்காக ஊர்வலமாக கொண்டு வரப்பட்டு கோயிலின் பிரதான அர்ச்சகர்கள் வேத மந்திரங்கள் ஓத உற்சவ மூர்த்திகளுக்கு சுமார் 7 டன் மலர்கள் கொண்டு மலர் யாகம் நடத்தப்படுவது கண்கொள்ளாக்காட்சி..!