கோலா சரணாலயம்

பிரிஸ்பேன் நகரின் பிரதான சுற்றுலாத்தலமான (Lone Pine Koala Sanctuary ) 
லோன் பைன் கோலா சரணாலயத்திற்குச் சென்றிருந்தோம்.

ஆஸ்திரேலியாவின் பிரபலமான அடையாளச் சின்னமாக விளங்கும்

பாலூட்டி வகைப் பிராணி.

பிரபல பாப் பாடகி ஜேனட் ஜாக்ஸன் கோலாவுடன்


மறைந்த புனித போப் ஆண்டவர் கோலாவுடன்.

இன்னும் பலபிரபலங்கள் கடந்த எழுபத்து ஐந்து வருடங்களாக

வ்ருகை தந்தவர்களின் குறிப்பு காணக் கிடைத்தது.ரஷ்ய முன்னாள்

அதிபரும் வந்திருக்கிறார்.

இங்கு கோலாவைத் தூக்கி அணைக்கலாம். உணவு ஊட்டலாம்

புகைப்படம் எடுத்து நினைவுப் பரிசாக பத்திரப் படுத்தலாம். 

இதற்கு வசூலிக்கப்படும் கட்டணத்தொகை சரணாலயத்திற்கும்,

கோலாக்களைப் பாதுகாக்கவும் பயன் படுத்துகிறார்கள்.

ஆஸ்திரேலியாவிற்கே உரித்தான கங்காரு, ஈமு,முள்ளம்பன்றிபோல்

காட்சியளிக்கும் எக்கின்னா,டிங்கோ எனப்படும் காட்டுநாய்,

பறக்கும் நரி, பலவிதமான பறவையினங்கள் எனத்தனி உலகமே

இயங்கிவருகிறது.
டிங்கோ -காட்டுநாய்


 ஈமு
எக்கின்னா


கங்காரு


பறக்கும் நரி

கோலாவின் முக்கிய உணவு யூகலிப்டஸ் இலைகளே ஆகும்.

ஆறு நூறு வகையான யூகலிப்டஸ் வகைகளில் ஐம்பது வகையான

இலைகளை மட்டுமே தேர்ந்தெடுத்துச் சாப்பிடும் விசிதிரக்குணமுள்ளது.

இந்த இலைகளில் ஐம்பது சதவீத அளவு நீர்ச்சத்தும் ஐந்து சதவிகித கார்போ

ஹைடிரேட்டும் இதர சத்துக்களும் கோலாவுக்குக் கிடைத்துவிடுகின்றன.

இவ்வளவு குறந்த சத்துக்களில் வாழவேண்டியிருப்பதால் பத்தொன்பது மணி

நேரத்தைத் தூங்கியே கழித்துப் போதையில் இருப்பதைப் போன்ற தோற்றத்தைத் தருகின்றன. 

 உலகில் அழிந்து வரும் இனங்களில் கோலாவும் ஒன்று.

குடியிருப்புக்காகவும், பயிர்த்தொழிலுக்காகவும்,இன்ன பிறத்தேவைகளுக்காகவும்

காடுகள் அழிக்கப்படுவதால் கோலா இனம் அருகிவரும் இனமாகவும்,

பாதுகாக்கப் படும் இனமாகவும் அறிவிக்கப்பட்டிருக்கிறது.

ஆஸ்திரேலியாவின் கிழக்குப் பகுதியில் மட்டுமே காணப்படும் கோலாக்கள்,

சாம்பல்நிற வழுவழுப்பான உரோமங்களையும், அகன்ற காதுகளையும்,

பெரிய மூக்கும் கொண்டிருக்கிறது.

கோலாவின் முரடான பாதங்களும்,கால்களில் உள்ள கூரிய நகங்களும்

மரங்களைப்பிடித்து ஏறுவதற்குப் பயன்படுகின்றன, 

கோலா என்றால் தண்ணீர் இல்லை என்பது பொருளாகும் ஆஸ்திரேலியப்

பூர்வகுடிகளின் மொழியிலிருக்கும் சொல்லாம்.

கோலாக்கள் தண்ணீரே அருந்தாத விலங்காகும்.

யூகலிப்டஸ் இலைகளில் இருந்தே தேவையான நீர் கிடைத்து விடுவதால்

இருக்கலாம். 

ம்ரங்களிலெயே வசிக்கும் இவை நிலத்திற்கு அபூர்வமாகவே வருகின்றன.

the rare blue-eyed baby koala