அழகன் முருகனின் ஆனந்த உற்சவம்

அருவமும் உருவும் ஆகி அனாதியாய்ப் பலவா யொன்றாய்ப் பிரமமாய் நின்ற சோதிப் பிழம்பதோர் மேனி யாகக் கருணைகூர் முகங்கள் ஆறும் கரங்கள்பன் னிரண்டும் கொண்டே ஒருதிரு முருகன் வந்தாங்கு உதித்தனன் உலகம் உய்ய

 

ஆடும் மயிலேறி ஆன்ந்த நடமாடிவந்த முருகன்

சிட்னி மாநகரில் வைகாசிக்குன்று என்று அழைக்கப்படும்
 Mays Hill இல் எழுந்தருளியுள்ள எம்பெருமான சிட்னி முருகனின்
 மகோற்சவம் இந்திய மற்றும் ஈழத்தவர் அயலெங்கும் 
செறிந்து வாழும் பிரதேசமாக மாறிவிட்ட இவ்வூரில் எம்பெருமான்
 முருகனுக்கே தனித்துவமான வைகாசி மாதத்தினையும்
 குறிஞ்சி நிலக்கடவுளாகச் சிறப்பிக்கப்படும் அடையாளமாகவும் 
இணைத்து ஆங்கிலத்திலேயே Mays Hill என்று வழங்கப்பட்டு
 வரும் இவ்வூரில் இந்த ஆலயம் எழுந்தருளியிருப்பது வெகு சிறப்பு.

வள்ளிக்கு வாய்த்தவன்
தேவமகள் தெய்வயானை நாயகன்
திருமணகோலத்தில்.......

கற்பூர ஜோதியில் கருணை பொங்கும் கந்தன்

 வெகு சிறப்பாக சப்பரத்தில் முருகப்பெருமான் பவனி
 வர மூவாயிரத்துக்கும் அதிகமான மக்கள் கலந்து 
சிறப்பித்தார்கள்.ஈழத்தின் புகழ்மிக்க தவில் வித்துவான்களான
 அமரர் சின்னராசாவின் மகன் சுதாகரன், மற்றும்
 தட்சணாமூர்த்தியின் மகன் உதயசங்கர்
தம் நாதஸ்வரக்குழுவினரோடு வந்து இவ்விழாக்காலத்தைச்
 சிறப்பித்தனர். இவர்களின் நாதமுழக்கத்தோடு விழா சிறப்பிக்கப்பட்டது.
.வண்ண விளக்குகள் அலங்கரிக்கப்பட்ட சப்பரத்தில் மிகச்சிறப்பாக
 அலங்கரிக்கப்பட்ட முருகப்பெருமான் வள்ளி தேவசேனா 
சமேதராக வலம் வந்தார்.

நாத உபாசனையில் நாதன் முருகன்..

பன்னிரண்டு கண்களிலே ஒன்றிரண்டு மலர்ந்தாலும்
என்னிரண்டு கண்களிலே இன்பஒளி வீசாதோ??



சேவல் கொடியோனுக்கு ஷோடஷோபசாரம்
நடைபெறுகிறது...