மாறியது வடிவம்

பீர்பால் பானைக்குள் பூசனிக்காயை வளர்த்து 

பானைக்குள் பூசணியைப் போக வைத்து 

அக்பரிடம் பாராட்டுப் பெற்றார்.

இப்போது அணு உலை, மற்றும் பஞ்சபூதங்களாலும்

பாதிக்கப்பட்ட ஜப்பான் சதுரமாகவும், முக்கோணமாகவும்

பல வடிவங்களிலும் தர்பூச்ணி விளைவித்து சாதனை

படைத்தார்கள்.

சூடான கோடைக்கு குளிர்ச்சியான தர்பூசணி

[ 100 டிகிரி வெப்பத்தைத்தாண்டி கோடைக்காலம் மக்களை வாட்டி  எடுக்கும் இந்நேரத்தில் குறைந்த விலையில் கிடைக்கக்கூடிய  ஒரு குளு குளு பழம் சந்தேகமில்லாமல் தர்பூசணிதான் என்று  சொல்லித்தெரிய வேண்டியதில்லை. தர்பூசணிக்கு என்ன சிறப்பு? அமெரிக்காவில் உள்ள டெக்சாஸ் ஏ&எம் புரூட்ஸ் அண்ட் வெஜிடபிள்  இம்ப்ரூவ்மெண்ட் மையத்தின் இயக்குனரான பீமு பாட்டீல் என்ற இந்தியர்,  இதுகுறித்து மேற்கொண்ட ஆய்வில் பல்வேறு ஆச்சரியமான தகவல்கள் தெரியவந்துள்ளன. அதன்படி, தர்ப்பூசணியில் உள்ள  ஃபைட்டோ - நியூட்ரியன்ட்ஸ்  என்ற சத்துக்கள், உடம்பை ஆரோக்கியமாகவும்,  சுறுசுறுப்பாகவும் வைத்திருக்கின்றன. இதில் உள்ள மூலப்பொருட்கள் ரத்தம் வழியாக  சென்று நரம்புகளுக்கு கூடுதல் சக்தியை தருகிறது. இது தொடர்பான ஆய்வுகள் தொடர்ந்து நடைபெற்று வருகின்றன. மனித உடலில் நல்ல மாற்றங்களை ஏற்படுத்தும் சத்து பொருள்கள்  சில காய்கறிகளிலும், பழங்களிலும் உள்ளன. தர்பூசணியில் அதுபோல்  உள்ள `சிட்ரூலின்' என்ற சத்துபொருள், ரத்த நாளங்களை விரிவடைய  செய்து, ரத்த ஓட்டத்தை அதிகரிக்குமாம். தர்பூசணியை சாப்பிட்ட பிறகு,ஏற்படும்  வேதியல் மாற்றம் காரணமாக `சிட்ரூலின்', `அர்ஜினைனாக' எனும் வேதிப்பொருளாக  மாற்றப்படுகிறது. அது இதயத்துக்கும், ரத்த ஓட்டம்  சம்பந்தமான உடல் உறுப்புகளையும் ஊக்குவிக்கிறது. வெள்ளை பகுதியில்தான்... இந்த சிட்ரூலின்-அர்ஜினைன் வேதி மாற்றமானது, சர்க்கரை நோய்க்காரர்களுக்கும்,  இதய நோயாளிகளுக்கும் கூட நன்மை பயக்குமாம். இதில், முக்கியமானது என்னவென்றால், தர்பூசணியில் உள்ள மேல்பகுதி அதாவது, வெண்மை பகுதியில்தான்  சத்து உள்ளதாம். இது தெரிந்தால் நம்மவர்கள், வாழைப்பழத்தை விட்டு தோலை மட்டும்  சாப்பிடுவதைப் போல்,தர்பூசணியின் சிவப்பு பகுதியை விட்டுவிட்டு  வெறும் வெள்ளை பகுதியை மட்டுமே சாப்பிடுவார்கள் என்பது நிச்சயம். தர்பூசணியின் பயன்கள்: கோடைக் காலத்தில் கிடைக்கும் தர்பூசணிப் பழம், உடலுக்குக் குளிர்ச்சியை  தருவதோடு, இரும்புச் சத்தும் நிறைந்ததாகும். இதில் இருக்கும்  இரும்புச் சத்தின் அளவு, பசலைக் கீரைக்கு சமமானதாகும். பழத்தின், சிவப்பு பகுதியை மட்டும், கத்தியால் செதுக்கி எடுத்து , முள் கரண்டியால் விதைகளை நீக்கி விட்டு, துண்டுகளாக்கி அப்படியே சாப்பிடலாம். சிறிது உப்பும், மிளகுத்தூளும் அதன் மேல் தூவியும் சாப்பிடலாம். மிகவும் எளிமையான, புத்துணர்ச்சியூட்டும் பானமாகவும் தயாரிக்கலாம். விதை நீக்கப்பட்ட, தர்பூசணித் துண்டுகளை,  மிக்ஸியில் போட்டு,  ஒன்று அல்லது இரண்டு வினாடி ஓடவிட்டு, குளிர்பதனப் பெட்டியில்  வைத்து பரிமாறலாம். விருப்பமானால், சிறிது சர்க்கரை, எலுமிச்சம் பழச்சாறு,  ஒன்றிரண்டு புதினாத் தழையும் சேர்க்கலாம். மிகவும் எளிமையான, புத்துணர்ச்சியூட்டும் பானமாகவும் தயாரிக்கலாம். இந்த தர்பூசணி பற்றி சுவையான தகவல் ஒன்று: ஜப்பானில் சில்லறைக்கடைகளும், பழங்கள் விற்பனை  செய்யும் கடைகளும் ஒரு பிரச்சினையைச் சந்தித்தன. அவர்களது கடைகள் மிகப்பெரியதாக இல்லை. ஆகவே கடையிலிருக்கும் சிறிய இடமும் வீணாகக்  கூடாது எனக் கருதினர். தர்ப்பூசணிப் பழங்கள் பெரிய உருளைவடிவானவை. வாடிக்கையாளர்களால் அதிகளவில் விரும்பி வாங்கப்படுபவை. ஆனால் கடைகளில் மிகப்பெரும் இடத்தை அவை அடைத்துக்கொண்டன. இதனால் விவசாயிகளிடமிருந்து கடைச் சொந்தக்காரர்களால் அவை வாங்கப்படும் வீதம் குறைந்தது. எனவே விவசாயிகள் ஒன்று கூடிச் சிந்திக்கத் தொடங்கினர்.தர்ப்பூசணிகளை  பெட்டி வடிவில் வளர்த்தெடுப்பதைப் பற்றி கலந்தாலோசித்தனர். அதன் முடிவில் தர்ப்பூசணிகள் சிறிதாக இருக்கும்போதே பெட்டியில் வைத்து வளர்ததால்பெரிதாகும் போது பெட்டி வடிவிலேயே இருக்குமெனக் கண்டறிந்தனர். அதன்படியே காய்களை உருவாக்கத்தொடங்கினர் .கடையிலும்,வீட்டுக் குளிர்சாதனப்பெட்டியிலும் பெரும் இடத்தை  அடைக்காத காரணத்தால் கடைக்காரர்களாலும்,வாடிக்கையாளர்களாலும்  விரும்பி வாங்கப்பட்டன அப்பெட்டி வடிவக் காய்கள்.