யுரேக்கா டவர்ஸ்

புல்வெளிப்பிரதேசமான மெல்போர்ன் நகரின் உயர்ந்த குடியிருப்புப் பகுதிக்குச் சென்றிருந்தோம்.

ஆர்க்கிமிடிஸ் யுரேக்கா.. யுரேக்கா...என்று ஓடிவந்தது போல மெல்போர்ன் நகருக்கு தனித்துவமான அடையாளச் சின்னமாக விளங்கி கருத்தைக்கவர்ந்தது.

மெல்பர்னின்  உயரமான கட்டிடம் யுரேகா டவருக்குசசென்றோம். நுழைவுச்சீட்டு எடுத்து  அதை பார்க்கப்போனோம்.2002ல் இதன் பணிகள் ஆரம்பமாயின. 2006ல் முடிந்தது. 

·பெண்டர் கட்சாலசிடிஸ் [ Fender Katsalidis] நிறுவனத்தால் வரையப்பட்டு குரோகோன் [ Grocon] நிறுவனத்தால் கட்டப்பட்டது இது. 

அதன் பிரதான சிற்பியான நொண்டா கட்சாலிடிஸ்[ Nonda Katsalidis] ஒரு முக்கியமான கலைஞர்.

297 மீட்டர் உயரமுள்ள இந்த கட்டிடம் 91 அடுக்குகள் கொண்டது. 

கீழே உள்ள ஒன்பது அடுக்குகளும் கார் நிறுத்துமிடங்கள். 

மிச்சமுள்ள அடுக்குகள் எல்லாமே குடியிருப்புகள். தனித்தனி கான்கிரீட்

 துண்டுகளாக கீழே வைத்தே செய்து கிட்டத்தட்ட நான்கு மாதங்களில்

 தூக்கி வைத்து கட்டிமுடிக்கப்பட்ட கட்டிடம் இது.

அதிவேக மின்தூக்கிவழியாக மேலே ஏறிச்சென்றோம். 

அங்கே நான்குபக்கமும் பார்ப்பதற்கான கண்ணாட்சிச்சாளரங்கள்.

 வெளியே இளவெயில் பரவிய நகரம். 

அப்பால் யாரா உருகி வழியும்

வெள்ளி போல சென்று வளைந்து கிளைபிரிந்து கடலில் கலக்கும் காட்சி.

 உயரத்தில் இருந்து பார்க்கும்போது நாம் ஒட்டுமொத்தமாகப் பார்க்கிறோம்.

 நகரங்களை, சமவெளிகளை. அப்போது சிறிய விஷயங்களில் இருந்து மனம்

விலகிவிடுகிறது. ஒருவகையான அமைதியும் தியானநிலையும் கைகூடுகிறது.

பார்வைமேடையில் ஒரு வசதி. ஒரு கண்ணாடிப்பேழைக்குள் நாம் சென்றதும் அந்தப்பேழையை இயந்திரம் மூலம் தள்ளி கட்டிடத்தைவிட்டு வெளியே நீட்டச்செய்கிறார்கள்.

 காலடியில் அதல பாதாளத்தில் வண்டுகள்  வரிசையாகச் செல்வது போல கார்கள். அவற்றின் கண்ணாடிகள் மின்னி சென்றன