சித்திரகுப்த பூஜை

அலைகடல் அதனில் நின்று அன்று வந்துதித்த போது
கலைவளர் திங்களாகிக் கடவுள் என்று எவரும் ஏத்தும்
சிலை நுதல் உடையாள் பங்கன் செஞ்சடைப் பிறையாய் மேரு
மலை வலமாக வந்த மதியமே போற்றி, போற்றி!

காலங்களில் நான் வசந்தகாலமாக இருக்கிறேன் என்று கண்ணன் பகவத்கீதையில் கூறுகிறார். 

மாதத்தின் பெயரும் நட்சத்திரத்தின் பெயரும் ஒன்றாகி வரும் பௌர்ணமி தினம் சிறப்புப் பெறுகின்றது

 சித்திரா பௌர்ணமி புண்ணிய நாள் தானங்கள் செய்வது நன்மை தரும் என்று கருதப்படுகிறது. 

வெய்யிலுக்கு இதமாக தயிர்சாதம், கைவிசிறி, பானகம், நீர்மோர் இவற்றை அந்தணர்களுக்குத் தானமாக அளிப்பது வழக்கம். 

 கோவில்களில் சித்திரகுப்த பூஜை செய்யப்படுகிறது.

“சித்திரைப் பருவந்தன்னில் உதித்த நற் சித்ரகுப்தன்,

அத்தின அவனை உன்னி அர்ர்சனைக் கடன்களாற்றில்,

சித்தியும் பெறுவர் பாரந்தீருமே எமந்தன்னூரில்

இத்திறன் அறிந்தேயன்னோன் இரங்குவான் அரங்கள் சொற்றே”

பௌர்ணமி அன்று சூரிய சந்திரசமசப்தமமாக இருப்பது சிவசக்தியின் ஐக்கியம் 

சென்னை திருவான்மியூரில் பாம்பன் சுவாமிகள்  வணங்கிவந்த முருகப்பெருமானுக்கு கோவில் உள்ளது. ஒவ்வொரு மாதமும் பௌர்ணமியில் சிறப்பாக அபிஷேக ஆராதனைகள் நடைபெறும். 

பாம்பன் சுவாமிகளுக்குக் காட்சியளித்து உபதேசம் செய்த நாள்
 சித்திரா பௌர்ணமி. 

ஒவ்வோர் ஆண்டும் சித்திரா பௌர்ணமியன்று இரவு 2 மணிக்கு முழு நிலவையே முருகனாகப் பாவித்து "நிலா பூஜை" செய்து வந்தார். 

நிலா பூஜை இரவு இரண்டு மணி வரை நடைபெறும்.

 மாடவீதிகளில் ஊர்வலமும் தெப்போற்சவம் நடைபெறும்.

அம்மன் ஆலயங்களில் சித்திரா பௌர்ணமி சிறப்பு
வழிபாடுகள் நடைபெறுகின்றன.

சென்னை காளிகாம்பாள் கோவிலில் பெண்கள் பங்குபெறும்
திருவிளக்கு பூஜை

அம்பாள் சன்னதியில் அம்பிகை, லட்சுமி, சரஸ்வதி. இவர்களின் உற்சவ மூர்த்திகள் அலங்காரக் கொலுவிருக்க அவர்கள் முன்பாகப் பெண்கள் திருவிளக்கேற்றி பூஜை செய்வார்கள். 

மதுரையில் சித்திரா பௌர்ணமியன்று கள்ளழகன் ஆற்றில் இறங்கி பக்தர்களுக்குத் தரிசனம் கொடுப்பது ஆண்டுதோறும் நடக்கும் திருவிழா. 

கன்னியாகுமரி சித்திரா பௌர்ணமி அன்றுதான் சூரியன் மறைவதையும் சந்திரன் எழுவதையும் ஒரே நேரத்தில் பார்க்கலாம் 

தாயாரை இழந்தவர்கள் இத்தினத்தில் விரதமிருப்பதால்
இந்நாள் பிதிர்களுக்குரிய விரத நாளாகவும் அமைகின்றது.

அம்பிகை ஆலயங்களில் குளிர்த்தி
பெரு விழாவாக கொண்டாடப்பெறுகின்றது.  

சித்ரா பௌர்ணமியில் ஆதி சங்கரர் ஜயந்தியும், ராமானுஜர் சாத்துமுறையும், சித்ரகுப்தர் திருக்கல்யாணமும், ஸ்ரீரங்கத்தில் கஜேந்திர மோட்சமும் சிறப்பாகக் கொண்டாடப்படுகின்றன.

சித்ரா பௌர்ணமியில் சித்திரை நட்சத்திரமும், பௌர்ணமி திதியும் அற்புதமாகக் கூடுவதால், அன்று ‘கடல் ஸ்நானம்’ செய்வது சிறப்புகளை வழங்கும். 

மரங்களின் வயதைக் குறிக்கும் ஆண்டு வளையங்கள் விழ ஆரம்பிக்கும் காலமும் சித்திரைதான்

. 

சந்திர அண்மித்த நிலை =சந்திரன் பூமிக்கு மிக அருகில் வரும் நாளாகும். இதனால் புவியீர்ப்புவிசைஅதிகமாகத் தொழிற்படுகிறது.

 கடலில் புதிய அலைகளை புரட்டி விடும் காலமாகும்.
தரையில்மட்டுமல்ல கடலிலும் இது புத்தாண்டுதான். 

நெல்லை மாவட்டம் திருக்குற்றால மலையிலுள்ளசித்ரா நதி சித்திரைபௌர்ணமி அன்றுதான் உற்பத்தியானதாகக் கருதப்படுகிறது.

 திருவக்கரை சித்ரா பௌர்ணமி ஜோதிவிசேஷம்.

 வக்ர மகாகாளி கோவில் கொண்டிருக்கிறாள்.எல்லாமே வக்கிரம் தான் சித்திரா பௌர்ணமி அன்று ஜோதி யைத் தரிசிபது தோஷங்களை நீக்கக்கூடியது.

சிவபெருமானை வழிபடுவதற்குரிய நாட்களுள் பௌர்ணமியும் ஒன்று. 

சித்ரா பௌர்ணமி நாளில் மருக்கொழுந்து இலையால் சிவனை அர்ச்சிப்பது மிகவும் புண்ணியத்தைத் தரும். 

சித்ரா பௌர்ணமி பூஜை செய்தால், லட்சுமிகடாட்சமும் சகல சௌபாக்கியங்களும் கிடைக்கும் என்று ஆகமங்கள் சொல்கின்றன.

சித்ரா பௌர்ணமி அன்று திருவண்ணாமலையில் கிரிவலம் செய்வது விசேஷம். காரணம், அங்கே ஈசனை வணங்க வரும் தேவர்களின் அருளாசியும் அன்றைய தினத்தில் கிடைக்கும் என்பது ஐதீகம்.

சந்திரனுக்குஉரிய அதிதேவதை அம்பிகை. சந்திரமண்டலத்தில் பராசக்தியாகிய அம்பிகையின் உலகமான "சக்திலோகம்' இருப்பதாக புராணங்கள் கூறுகின்றன.