விஸ்வரூப நவீன ஆஞ்சநேயர்

ராம பிரான் இருக்கிறார் ராம பிரான் இருக்கிறார்

அனுமன் நெஞ்சத்தின் கூட்டுக்குள் ராம பிரான் இருக்கிறார்

இடைவிடாது நினைத்ததால் அனுமனுள்ளே புகுந்தவர்

கோடிமுறை சொன்னாலும் ராம நாமம் சலித்திடுமோ 

ராமபக்தியெனும் நல்லமுதை  இதயத்தில் ஊற்றி இனிக்க இனிக்க 

ஶ்ரீராமர் புகழ்பாடும் அனுமனுக்கு  அனந்தகோடி நம்ஸ்காரங்கள்....

டில்லி கரோல் பாக் பகுதியில் உள்ள ‘சங்கட மோக்ஷன் தாம்’ கோவில்  நூதனமானது..

தலைநகர் டில்லியில்  108 அடி  உயர ஆஞ்சநேயருடன்  அற்புதமாக உருவாகிய ஆலயம் கருத்தைக் கவருகிறது..

பறக்கும் மெட்ரோ ரயில் பாதை அருகே போக்குவரத்து நெரிசல் நிரம்பிய கரோல் பாக் பகுதியில் பிரம்ம்மாண்ட உருவத்தில் ஆரஞ்சு வண்ணத்தில் ஜொலிக்கும் அனுமன் விஸ்வரூப தோற்றத்தில் காட்சிப்பட்டு ஆச்சரியம் அளிக்கிறார்..!
 35 அடி அஸ்திவாரத்துடன் அமைந்த பெரிய அனுமன்  தன் இதயத்தில் ராமபிரானை நெஞ்சைத்திறந்து காட்டுகிறார்..!

ரோம ரோமமு ராம நாமமே என்று  அனுமனின் வாலில்  இருக்கும் ஒவ்வொரு ரோமமும் ராமநாமம் சொல்வதால், வாலுக்குள் மந்திர சக்தி வெகுவாக பரவியிருக்கிறது. 

அனுமனது வாலிலுள்ள ரோமங்கள் சொல்லும் ராமநாமமே எண்ணிக்கையற்றதாகும்.

சிரஞ்சீவியான அனுமன் இருதயத்தில் எப்போதும சீதா ராமன் குடி கொண்டிருக்கிறார்கள்  ..

தன் இதய தெய்வத்தை மக்களுக்கு  உணர்த்தும் வண்ணம் நெஞ்சைத் திறந்து காட்டும் வகையில் எலெக்ட்ரானிக் முறையால் இயக்கப்படும் இந்த அதி நவீன ஆஞ்சநேயரைக் காண மக்கள் கூடி நிற்பது வியப்பளிக்கிறது..!

வாரம் இருமுறை அனுமன் நெஞ்சைத் திறக்க, ராமரும் சீதையும் வெளியே தோன்றும் போது பக்தர்கள் ஜெய் ஸ்ரீராம் என்று கோஷம் இடுகிறார்கள். ஒலிபெருக்கி மூலமும் ராம நாமம் ஒலிக்கிறது.

http://etemplesindia.com/hanuman_108ft.php?id=41

 தினமும் வெல்லம், உளுந்து, எள், கடுகு எண்ணை, கருப்புத் துணி, இரும்புப் பொருட்கள், பூ, பழம் ஆகியன கொண்டு வந்து வணங்குகிறார்கள்..