சாந்நித்யம் தரும் ஸ்ரீசக்கரத்தாழ்வார்

மஹா சுதர்ஸன மஹாமந்திரம்
ஓம் க்லீம் க்ருஷ்ணாய ஹ்ரீம் கோவிந்தாய ஸ்ரீம் கோபி
ஜனவல்லபாய ஓம்பராய பரமபுருஷாய பரமாத்மனே!

மமபரகர்ம மந்த்ர தந்த்ர யந்த்ர ஒளஷத அஸ்த்ர
ஸஸ்த்ர வாதப்ரதிவாதானி ஸம்ஹர ஸம்ஹர

ம்ருத்யோர் மோசய மோசய ஓம் மஹா சுதர்சனயா
தீப்த்ரே ஜ்வாலா பரிவ்ருதாய ஸர்வதிக் க்ஷோபன

கராய ஹும்பட் பரப்ரஹ்மணே ஸ்வாஹா
ஓம் மஹா சுதர்சன தாராய நம இதம்

சென்னை பழவந்தாங்கல் ரயில் நிலையம் அருகே ஏழூர் அம்மன் கோயிலுக்கு பக்கத்தில் ஸ்ரீலக்ஷ்மி நரசிம்ம நவநீத கிருஷ்ணன் கோயில் அமைந்துள்ளது.! ஐந்து நிலை ராஜகோபுரத்துடன் அற்புதமாகத் திகழும் இந்த ஆலயத்தில் திருப்பதி தேவஸ்தானத்தால் வழங்கப்பட்ட கொடிமரம், அரசமரத்தடியில் நாகர் விக்கிரகம், அருகில் கோசாலை என ரம்மியமாக அமைந்துள்ளது.

இங்கு சிறிய பீடம் ஒன்றில் அமைந்துள்ள பிரார்த்தனைச் சக்கரம் வெகு பிரசித்தம்.
பெருமாளின் கையில் உள்ள சக்கரம் என்று இதைப் போற்றுகின்றனர்,

இந்தப் பிரார்த்தனைச் சக்கரத்தைத் தொட்டு வணங்கினால்,
தீராத நோய் மற்றும் பிரச்னைகள் யாவும் தீரும் என்பது நம்பிக்கை.

ஸ்ரீசக்கரத்தாழ்வார் சந்நிதியில் எப்போதும் பக்தர்களின் கூட்டத்தைக் காண முடியும். தேர் வடிவத்தில் அமைந்துள்ள சந்நிதியில், பதினாறு திருக்கரங்களும் பதினாறு ஆயுதங்களுமாகத் திகழும் ஸ்ரீசக்கரத்தாழ்வார், தன்னை நாடி வந்து வணங்குவோருக்கு, சகல ஐஸ்வரியங்களையும் தந்தருள்கிறார்!

பள்ளிகொண்ட பெருமாள் அலங்காரம் 

ஸ்ரீசுதர்சனர் எனப்படும் ஸ்ரீசக்கரத்தாழ்வாருக்குப் பின்னே எப்போதும் போலவே ஸ்ரீநரசிம்மரின் அற்புதத் தரிசனம்! ஐந்து தலை நாகத்தின் மீது அமர்ந்தபடி காட்சி தருவது, அரிதான ஒன்று எனப் போற்றுகின்றனர். கைகளில் நான்கு வேதங்கள் மற்றும் நான்கு சக்கரங்களில் நான்கு வேதங்கள் மற்றும் நான்கு சக்கரங்களுடன் காட்சி தருவதாக ஐதீகம்!

அஷ்ட லட்சுமியரும் இவர் சந்நிதியில் உறைந்து அருள்பாலிப்பதாகச் சொல்கிறார்கள். எனவே ஸ்ரீநரசிம்மர் மற்றும் ஸ்ரீசக்கரத்தாழ்வாரை வணங்கி பிராகாரமாகச் சுற்றி வந்தால், நான்கு வேதங்களையும், பஞ்ச பூதங்களையும், அஷ்ட லட்சுமிகளையும், எட்டு திசைகளையும் வணங்கிய பலன் கிடைக்கும்.

புதன்கிழமை வலம் வந்தால் பதினாறு வகைச் செல்வம் கிடைக்கும். சனிக்கிழமையில் வலம் வந்தால், கிரக தோஷம் நீங்கும்! தை மாத மூன்றாம் வெள்ளிக்கிழமையில், ஸ்ரீலட்சுமி மற்றும் ஸ்ரீநரசிம்மர் திருக்கல்யாணக் கோலத்தில் காட்சி தருவர். அதைத் தரிசித்து, மாங்கல்யச் சரடு பிரசாதத்தை வாங்கிக் கொண்டால், விரைவில் திருமண வரம் கிடைக்கும் என்பது ஐதீகம்!

புரட்டாசி முதல் சனிக்கிழமை  ஸ்ரீ ஸ்ரீநிவாசபெருமாள் 
வெள்ளி கருட வாகனத்தில் திருவீதி புறப்பாடு 

.