ஆடி வெள்ளி - சௌந்தர்ய தரிசனம் ..

பகவதி தேவி பர்வத தேவி  பலமிகு தேவி துர்க் கையளே 
ஜெகமது யாவும் ஜெயஜெய வெனவே  சங்கரி யுன்னைப் பாடிடுமே 

ஹந ஹந தகதக பசபச வெனவே  தளிர்த் திடுஜோதி யான வளே | 
ரோக நிவாரணி சோக நிவாரணி  தாப நிவாரணி ஜெய துர்க்கா 
---ரோக நிவாரண அஷ்டகம்

நம்மை இயக்கும் அதே சக்திதான், ஆங்காங்கு ஆலயங்களில் வெளிப்பட்டிருக்கிறாள். வெளியே தரிசித்த சக்தியை நமக்குள் காண்பதே பிறந்ததன் பயன்' என்பதுதான் ஆடி மாதத்தின் அடிப்படை தத்துவமாகத்ம்திகழ்கிறது ..!

 ஆடி மாதம் முழுவதும் அம்மனின் ஆலயங்களில் திருவிழாக்கோலம்தான். 

ஆடிவெள்ளிக்கிழமைஅம்மன் ஆலயங்களில்   பால்குடம் எடுத்துவந்து அம்மனுக்கு அபிஷேகம் செய்து  சிறப்பு பூஜைகளுடன் வழிபாடுகள் நிகழ்த்தப்படுகின்றன ..!

ஆடிமாதம் செவ்வாய், வெள்ளிக்கிழமைகளில் தமிழகம் முழுவதும் உள்ள அம்மன் ஆலயங்களில் சிறப்பு வழிபாடுகளும், நேர்த்திக்கடன் செலுத்துவதும்
 அம்மனைத் தரிசித்து, கூழ் படைத்து, ஏழைகளுக்கு தானம் செய்வது சிறப்பாகும்.
ஆடிப்பிறப்பில் ஆடிக்கூழ் காச்சி ஆடிப் பாடி உண்ணும் வழக்கம் உண்டு ..

ஆடி முதல் வெள்ளி. ஆடி மாத வெள்ளிக்கிழமைகளுக்கு சிறப்பு மகத்துவம் உள்ளது.ஆடி வெள்ளிக்கிழமைகளில் மாலை நேரத்தில் அம்பிகை, ஆதிபராசக்தி, அகிலாண்டேஸ்வரி, தெய்வங்களை வழிபடுவது சிறப்பு.  ஆலயங்களில் குத்து விளக்கு பூஜை நடைபெறும்.

ஆடி மாதத்தை "சக்தி மாதம்' என்று ஜோதிட நூல்கள் குறிப்பிடுகின்றன.

ஆடி வெள்ளியன்று மகாலட்சுயை வழிபட்டால் நிறைந்த செல்வம் இல்லம் தேடி வரும் என்பது நம்பிக்கை. 

ஆடி வெள்ளியன்று நாகதேவதைக்கு பால் தெளித்து விசேஷ பூஜை செய்வார்கள்.

பராசக்தியின் ஒன்பது அம்சங்களை (சர்வபூதசமனி, மனோன்மணி, பலப்பிரதமணி, பலவிகாரணி, கலவிகாரணி, காளி, ரௌத்ரி, ஜேஷ்டை, வாமை) ஒன்பது சிவாச்சார்யர்கள், ஒன்பது வகை மலர்களால் ஒரே சமயத்தில் அர்ச்சிக்கும் "நவசக்தி அர்ச்சனை' நடைபெறும்.

ஆடி வெள்ளியில் "சண்டி ஹோமம்' போன்ற சக்தி ஹோமங்களும் செய்வார்கள்.

தன்வந்திரி ஆரோக்ய பீடம்..!