ராமாயண மாதம்

கேரளாவில் மலையாள மாதமான கற்கடக மாதம் -தமிழில் ஆடி மாதம் -ராமாயண மாதமாக கொண்டாடப்படுகிறது. 

ஆடி மாதம் முழுவதும் வீடுகளிலும், கோயில்களிலும்
ராமாயண பாராயணம் நடப்பது வழக்கம். 

  16ம் நூற்றாண்டில் வாழ்ந்த, துஞ்சத்து எழுத்தச்சன், வால்மீகி ராமாயணத்தை, மலையாள மொழியில் மொழி பெயர்த்து, "ஆத்யாத்ம ராமாயணம்' 

என பெயரிட்டார்.
எழுத்தச்சன், எழுதிய ராமாயணம், மாதத்தின், 30 நாட்களும், பக்தியுடன் வாசிக்கப்படுகிறது.

ஆடி மாதம் முழுவதும்  எல்லா பகுதிகளிலும் ராமாயணம் எதிரொலிக்கும். ராமாயண பாராயணம். ஆன்மிக உரையாடங்கள், சத்சங்கங்கள் என்று மாதம் முழுவதும் ஆன்மிகத்தில் மக்கள் ஊறி திளைப்பார்கள். 

ஆடிமாதம் முழுவதும் ஆன்மிக ஆரோக்கியம் குறித்து சிந்திக்கும் விதத்தில் அமையும். 

 ராமாயண மாதத்தில் மக்கள் தங்கள் வழக்கமான உணவு முறை,
வாழ்க்கை முறையில் மாற்றங்களை கொண்டு வருவார்கள்..!

ஏராளமான கேரள மக்கள் இந்த ஒரு மாதம் முழுவதும் நோன்பு இருப்பர். 

மழை பெய்து சுற்றுச்சூழல் குளிர்ச்சியாக இருப்பதால் ஆயுர்வேத சிகிச்சைகளைத்துவக்குவதற்கு இந்த காலநிலை சிறந்ததாக கருதப்படுகிறது. 

நோய் இல்லாவிட்டாலும் சுக சிகிச்சைக்காக இந்த மாதத்தில் ஆயுர்வேத ஆஸ்பத்திரிகளை நாடுவோர் ஏராளம். 

ஆடி மாதத்தில் மருந்து கஞ்சி குடிப்பது கேரளாவில் விசேஷமான அம்சம். 

உடலை தூய்மைப்படுத்தும் சக்தி உள்ளதாக நம்பப்படும் கற்கடக கஞ்சியை ராமாயண மாதத்தில் அருந்துவார்கள்..

 தசபுஷ்பம், தழுதாமை, கைதோநி, முயல் செவியன், முக்கூட்டு, விஷ்ணுகாந்தி, கீழாநெல்லி போன்ற30க்கும் மேற்பட்ட மூலிகைகளுடன் தேங்காய்ப்பால், வெல்லம், ஏலக்காய், கிராம்பு, சுக்கு, கிராம்பு, சீரகம் ஆகியன சேர்த்து  மருந்து கஞ்சி தயாரிக்கப்படுகிறது. 

சர்க்கரை நோயாளிகளுக்கு என தனி கஞ்சியும் தயாரிக்கப்படுகிறது.

ராமாயண நாயகன் ராமனின் இளவல் பரதன்  கூடல்மாணிக்கம் 

கோவில்  கொண்டிருக்கிறார்..கோவிலின் தெய்வம் பரதன் ...

திரிபரையாரில் ராமன்,  

இரிஞ்சலகுடா கூடல்மாணிக்கம் கோவிலி்ல் பரதன்,  

மூழிக்குளத்தில் லட்சுமணன்,  

பையமாளில் சத்ருக்கனன் கோவில்கள் உள்ளன.

ஒரே நாளில் நால்வரது கோவில்களையும் சென்று தரிசிப்பது 

" நாலம்பல யாத்திரை "என அழைக்கப்படுகிறது.  

கேரள மக்களின்  வாழ்வோடு பின்னிப் பிணைந்திருக்கும்  யானைகளை 

"மேற்கு மலைத்தொடரின் குழந்தை" என்றே  அழைக்கிறார்கள்.  

யானைகளின்றி கேரளத்தில் எந்த ஒரு விழாவும் கொண்டாடப்படுவதில்லை. 
குறைந்தது ஒரு யானையாவது கட்டாயம் இடம் பெற்றிருக்கும்.  

யானைகள் நெற்றிப்பட்டம் ,கழுத்தாபரணம், மணிகள் அணிந்து வெண்சாமரம் வீசி, ஆலவட்டம் சுழற்றி, பஞ்ச மேளம் ஒலிக்க , திருவீதி ஊர்வலம் காண்பது அழகு . திருச்சூர் பூரத்திருவிழா இதற்கு ஒரு சான்று.  

பொதுவாக கோவில்களில் ஒவ்வொரு நாளும் ஐந்து கால பூஜை, 
மூன்று முறை சிவேலி(சுவாமி ஊர்வலம்) நடத்துவது வழக்கம். 
இதற்கு மாறாக உள்ளது கூடல்மாணிக்கம் கோவில். 
இக்கோவிலில்,மூன்று கால பூஜை மட்டுமே, சிவேலி இல்லை. 

திருச்சூர் பூரத்திருவிழாவிற்கு மறுநாளான சித்திரை மாத உத்திர நட்சத்திரத்தன்று பத்து நாள் திருவிழா கொடியேற்றத்துடன்  தொடங்கும் போது மட்டுமே காலை, மாலை இரு நேரமும் நடைபெறும் சிவேலியில் பங்கேற்கும் பதினேழு யானைகளில் ஏழு பிரதான யானைகளின் முகப்படாம் சுத்தமான தங்கத்தாலும், மற்றவை  வௌ்ளியாலும் செய்யப்பட்டவை. வேறெங்கும் இல்லாத தனிச்சிறப்பு...

செண்டைதாளம்,கொம்பு, குழல் வாத்தியங்கள் முழங்க வரும் திருவீதி உலாவில், இறைவனை சுமந்திருக்கும் யானையின் இருபுறமும் குட்டியானைகள் நடந்து வருவது மற்றுமொரு சிறப்பு.