புற்றுமண் பிரசாதம்

வெய்ய பிணிமாற மண் கொடுக்கும் பேரருள் 

எம்கோமான் பணிமாறு காலம் பணித்தேன்- 

தணியாத ஆனந்த வெள்ளத்தில் தழுந்தினேன்'' 

 சிவபெருமாள் புற்றுக்குள் இருந்ததனால் புற்றே தெய்வ 
மகத்துவம் பெற்று இன்று அருமருந்தாகி விட்டது. 

எல்லா செல்வங்களையும் வாரி வழங்கக் கூடிய அன்னை ஆவுடைத்தாய் கோமதி, ஆவினங்களின் நாயகியாகத்திகழ்கிறார்.. . 

பண்டை காலத்தில் ஒருவரது செல்வம் அவரிடமுள்ள பசுக்களின் எண்ணிக்கையை வைத்தே அறியப்பட்டு வந்தது. கோ என்றால் பசு. 

மதி என்றால் தாயாக (பசுக்களின்) இருந்து இயக்குபவர் என்று பொருள் 

 கோமதி அம்மாள் என்றால் தாயாக இருந்து 
இயக்குபவள் என்று பொருள். 

அதன் காரணமாகவே ஆவுடையம்மன் எனப் பெயர் கொண்டாளாம். 

பசுக்களை மேய்த்து பராமரிப்பது கோமதி அம்பாளின் 

ஆண் ரூபமாகிய கோவிந்தனே. 

அக்காலத்தில் அரசர்கள் ஆயிரமாயிரங்களாக பசுக்களைத் தானம் செய்து வந்த பாண்டிய மன்னர் களை மக்கள் நயினார் என்றே அழைத்தனர். வள்ளல் பெரும் பசுக்கள் நீங்காத செல்வம் என்று ஆண்டாள் கூறியுள்ளாள். 

சங்கர நயினார் கோவில் எனும் பெயர் அதன் காரணமாகவே
ஏற்பட்டது போலும். 

உலக நன்மைக்காகத் தன் இடப்பாகத்தையே அன்னை விட்டுத் தந்தாள் அல்லவா? அதனால் அவளுக்கென்று தனித்தேர்! அவள் மட்டுமே சிறப்பாக வலம் வருவாள்!

 சங்கரநயினார் கோவிலை ஆவுடைத் தாயாகிய 
கோமதியம்மன் ஆட்சி செய்து அருள் பொழிகிறாள்..

தீர்த்தம் சங்கன் பத்மன் ஆகிய நாகர்களால் வெளிவந்த 
ராகுவின் தாயான சிம்மிகையான புற்றில் வசிப்பதையும், 
தவக் கோலத்தில் நிலை கொண்டுள்ளதையும் 
கோமதி சகஸ்ரநாமத்தில் அறியலாம். 

சங்கரன் கோவில் மண்ணைத் தடவினால் தீராத தோல் நோய்கள்
 பலவும் நீங்குகின்றன. 

மண்ணே பிரசாதமாக மக்களே கோமதியம்மன் கோவிலில் இருந்து எடுத்துச் சென்று நண்பர்கள் உறவினர்களுக்கு கொடுத்து மகிழ்கின்றனர். 

புற்று மண் ஒரு குறிப்பிட்ட இடத்தில் கிடைக்கிறது. சில பக்தர்கள் தலைசுமையாக சுமந்து கொண்டு வந்து புற்று மண்ணை கோவிலில் சேர்க்கின்றனர். புற்று மண்ணை எவ்வளவு அள்ளியும் அகழ்ந்தும் பிரசாதமாக வழங்கினாலும் அந்த மண் குறையாத அதிசயம் எப்போதும் நிகழ்கிறது. புற்றுமண் பிரசாதம் தெய்வத் தன்மையும் மருத்துவ குணமும் கொண்டது

சங்கரன் கோவிலில் ஆறு இல்லாததால் கோவிலின் உள்ளே உள்ள தீர்த்தக் கிணற்றில் இருந்து நீரை எடுத்து வந்து நந்திக்கு மட்டும் குடமுழுக்கு செய்யப்படுகிறது. இறைவன் நந்தியில் இருப்பதாக ஐதீகம் என்பதால் நந்திக்கு குடமுழுக்கு செய்வதால் உலகிற்கு சகல பாக்கியமும் கிடைக்கும்.