Wednesday, October 2, 2013

மகாத்மா காந்தி கோவில்




வாழ்க நீ! எம்மான், இந்த வையத்து நாட்டி லெல்லாம்
தாழ்வுற்று வறுமை மிஞ்சி விடுதலை தவறிக் கெட்டுப்
பாழ்பட்டு நின்ற தாமோர் பாரத தேசந் தன்னை
வாழ்விக்க வந்த காந்தி மஹாத்மா நீ வாழ்க, வாழ்க!


ஒற்றை தண்டமும் பொக்கை வாய் சிரிப்பும், கொண்ட   
கடவுளாக காந்தி உருமாறுவதை உணர முடிகிறது. 
காந்தி தன் வாழ்நாளில் பல இடங்களில் ஆசிரமம் அமைத்தார் 
எதையுமே வழிபாட்டு தலமாக, கோவிலாக மாற்றவில்லை 

ஈரோடு மாவட்டம் கவுந்தப்பாடி அருகே உள்ள செந்தாம் பாளையத்தில் காந்தி கோவில் உள்ளது. இங்கு மூலவராக மகாத்மா காந்தி- கஸ்தூரிபா சிலைகள் உள்ள கோவிலில் தினசரி 2 காலபூஜைகள் நடந்து வருகிறது
ஒவ்வொரு ஆண்டும் காந்தி ஜெயந்தியை யொட்டி 
சிறப்பு பூஜைகள், அபிசேகம் நடக்கும்,
கவுந்தப்பாடி அருகே
 
 காந்தி கோவிலில்
 
 சிறப்பு பூஜை
 
 பக்தர்கள் தீர்த்த குடம்
 
 எடுத்து வந்தனர்
 மகாத்மா காந்தியின் பிறந்த நாளில் செந்தாம்பாளையத்தில் உள்ள 
மகாத்மா காந்தியின் கோவிலில் மக்கள்  மலரஞ்சலி செலுத்தி 
தேச பக்தியுடன் வழிபடுகிறார்கள்..!. 

சிறப்பு பூஜைள், வழிபாடுகள் என கோவில் விழாக் கோலம் கொள்கிறது..
காந்தி பிறந்த நாளிலும் , சுதந்திர தினம், குடியரசு தினம் ஆகியவற்றின்போதும்  மக்கள் கூடி வழிபாடு செய்வது வழக்கம். 

ஈரோடு, சேலம், நாமக்கல், கோவை மாவட்டங்களில் இருந்து பெரும் திரளான மக்கள் காந்தி ஜெயந்தி அன்று  செந்தாம்பாளையம் காந்தி கோவிலில் கூடி வழிபாடு செய்வது வியப்பளிக்கிறது..!. 

அம்மன் கோவில்களில் செய்யப்படுவது போலவே கோவிலில் அமைந்துள்ள காந்தி சிலைக்கு  காவிரி ஆற்றிலிருந்து கொண்டு வரப்பட்ட நீரைக் கொண்டு  அபிஷேகமும் பால், தயிர், தேன், இளநீர், தானிய அபிஷேகங்கள் செய்யப்படுகிறது..!

 கோவிலின் முதன்மை தெய்வமாக மகாத்மா இருக்கிறார். 

காந்தி தவிர கோவிலில் அமைந்துள்ள சிவன், சனீஸ்வரன் சிலைகளுக்கும் 
 சிறப்பு அபிஷேகங்கள் செய்யப்படுகிறது..!

கோவிலை சேந்தாரம்பாளையம் கிராம மக்கள்  1997ம் ஆண்டு கட்டியது. 
முதல்  தொடர்ந்து வழிபாடு நடந்து வருகிறது. 

காந்தி கோவிலுக்கு முன்பு, மகாத்மாவின் துணைவியார் கஸ்தூரிபா காந்திக்கும் கோவில் அமைக்கப்பட்டுள்ளது. 

காந்தி கோவிலுக்கு கும்பாபிஷேகம் செய்ய திட்டமிட்டும். கோவிலுக்கு வந்து செல்லும் பாதையை செப்பனிட்டு நல்ல சாலையாக அமைத்துத் தர வேண்டும் எனவும். கிராமத்தை சுற்றுலா தலமாக அறிவிக்க வேண்டும் எனவும் அரசுக்கு கோரிக்கை விடுத்து ஏராளமான மக்கள் கோவிலுக்கு வர ஏற்படு செய்து வருகிறார்கள்..!

காந்தி கோவில் கட்டிய வையாபுரி முதலியார்  பல இடங்களில் தேச விடுதலைக்கு பாடுபட்ட காந்தியின் சிலை உடைந்து பராமரிக்கப்படாமல் இருப்பதை கண்டு வேதனை அடைந்து தெய்வமாக மதிக்கப்பட வேண்டிய காந்திக்கு கோவில் கட்ட வேண்டும் என்று கருதி இந்த காந்தி கோவிலை கட்டினாராம்..!
காவிரி ஆற்றிலிருந்து கொண்டு வரப்பட்ட நீரைக் கொண்டு சிறப்பு அபிஷேகங்களும் செய்யபடுகின்றன. . 
கோவிலில் அமைந்துள்ள காந்தி சிலைக்கு பால், தயிர், தேன், இளநீர், தானிய அபிஷேகங்கள் செய்யபடுகின்றன.
மகாத்மாவுடன் சுதந்திர போராட்டத்தில் கலந்து கொண்டவரான வையாபுரி அவர்கள் முயற்சியல் செந்தம்பாளையம் ஊர் பொது மக்களின் உதவியுடன் கட்டிமுடிக்கப்பட்டது
 மகாத்மா காந்தியின் உருவச்சிலை  அமைந்த கோவில் 
கோவை சரவணம் பட்டியிலும் அமைந்துள்ளது..

கோவில் வாசல் மற்றும் சுற்றுப் புறத்தை கூட்டி, தண்ணீர் தெளித்து, சுத்தம் செய்கிறார்.கதர் ஆடை அணிந்த பெரியவர் ஒருவர், "பளீர்' தோற்றத்துடன்....! 
பூஜைக்குரிய தேங்காய், பழம், சந்தனம், விபூதி, ஊதுபத்தி போன்ற பொருட்களுடன் கோவிலை திறக்கிறார். 

கோவையில், 1947ல் பிறந்த தங்கவேலு  சுதந்திரம் வாங்குவதற்கு பட்ட கஷ்டங்கள் குறித்து பெரியவர்கள் பேசுவதை, கேட்டு வளர்ந்ததால், காந்திஜி மீது அளவுகடந்த பாசமும், பக்தியும் ஏற்பட்டது.

ரத்தம் சிந்தி யுத்தம் செய்து பெற்ற சுதந்திரம் ..!

தண்ணீர் விட்டோ வளர்த்தோம் இப்பயிரை 
கண்ணீரால் காத்தோம் ..சர்வேசா கருகத்திருவுளமோ ..??

அவரைப் பொறுத்தவரை, காந்திஜிதான் கடவுள். காந்திஜிக்கு மாலை அணிவித்து, ஊதுபத்தி ஏற்றி, வந்தே மாதரம் பாடல்கள் பாடி, "மகாத்மா காந்திக்கு ஜே' என்ற, கோஷத்தை, மந்திரம் போல சத்தம் போட்டு சொன்னபடி, கற்பூர ஆரத்தி காட்டுவதற்கும், வெளியே பொதுமக்கள் வந்து நிற்பதற்கும் சரியாக இருக்கிறது.

 சுதந்திர தினம் என்பதால், ஜிலேபி, கடலை உருண்டை, சாக்லெட் போன்ற, இனிப்புகளும், காந்திஜியின் சத்திய சோதனை புத்தகமும், தேசிய கொடியும் வழங்கப்படுகிறது. 

இது முடிந்ததும், , தன் இரண்டு சக்கர வாகனத்தில், ஆயிரக்கணக்கான தேசிய கொடிகளையும், காந்தி படத்தையும், சத்திய சோதனை புத்தகத்தையும் எடுத்துக்கொண்டு கிளம்பினார். அவரது இருசக்கர வாகனத்தை, சிறிய தேர் போல செய்து, அதனுள், காந்தி சிலையை வைத்திருந்தார். 

காந்தி மார்க்கெட் சென்று பொதுமக்கள் முன், சுதந்திர தினத்தின் சிறப்பையும், காந்திஜியின் போதனைகளையும் எடுத்துச் சொல்லி, தேசிய கொடி, காந்தி படம், சத்திய சோதனை புத்தகத்தை வழங்கிவிட்டு, அடுத்த இடத்திற்கு விரைகிறார். 
காந்திஜியின் போதனைப்படி, எளிய வாழ்க்கை வாழ்ந்த தங்கவேலு,  மும்பை சென்று தன் கடுமையான உழைப்பின் மூலம் உயர்வுக்கு வந்து வருமானத்தில் பெரும்பகுதியை சமூக சேவை, பார்வையற்றோர், ஊனமுற்றோர்களுக்கு உதவி, அவர்களுக்கு பக்க பலமாக இருந்தார். 

தனது  எளிமை மற்றும் சமூக பணியின் காரணமாக, 
முன்னாள் பிரதமர் மொரார்ஜி தேசாயின், நண்பரானார்.

இவரது வளர்ச்சி பிடிக்காத, சிவசேனாவின் பால்தாக்கரே, "தமிழன்' என்று, இனம் சார்ந்த, பிரித்தாளும் அரசியலில் இறங்கினார். 

"இந்தியர் அனைவரும், ஒரு தாய் மக்கள்' என்ற எண்ணம் கொண்ட தங்கவேலு, இதனால், மனம் வேதனையடைந்து, கோவையை வந்தடைந்தார். 

 தீவிர காந்திய பிரசாரத்தில் இறங்கியவர், காந்திஜிக்கு, கோவில் 
கட்ட முடிவு செய்து, தன் சொத்தை விற்று, கோவில் கட்டினார். 

காந்தி கோவிலில், தினமும் வழிபாடு உண்டு. 

 இவரை ஈர்த்த திருவள்ளுவர் மற்றும் காமராஜரும் தற்போது, 
தெய்வமாக கோவிலுனுள் காந்தி அருகே இருக்கின்றனர்.

ஊரும், உறவும் ஆரம்பத்தில், ,தங்கவேலுவை  ஒரு மாதிரியாக பார்த்தாலும், இப்போது, "இப்படி ஒரு அபூர்வ மனிதர் நம்மிடையே இருக்கிறாரே...' என்று, மரியாதையுடன் பார்க்கின்றனர். 

வாழ்வாதாரத்திற்கு, பல்பொருள் அங்காடி வைத்திருக்கிறார்.. 

நேரம் கிடைக்கும் போதெல்லாம், பள்ளி, கல்லூரி மற்றும் பொது 
இடங்களுக்கு சென்று, காந்தியின் கொள்கைகளை பிரசாரம் செய்கிறார். 

நேர்மையும், எளிமையும் கொண்ட, ஒரு உண்மையான காந்தியவாதியாக வாழும் தங்கவேலு, , . மற்றவர்கள் பார்வையிலே, எப்படி இருந்தாலும் .....
"திருவள்ளுவரும், காந்தியும், காமராஜரும் கோவிலினுள் சிலையாக, பேசாமல் நின்று கொண்டு இருக்கின்றனர். கோவிலுக்கு வெளியே, பேசிக்கொண்டு இருக்கிறார் தங்கவேலு, ..' என்று பெருமைபடுகின்றனர் கோவை மக்கள்..

பொள்ளாச்சி சந்தையில் உள்ள மாரியம்மன் கோவில் கோபுரத்தில் 
முதல் அடுக்கின் மையத்தில் காந்தியடிகள், அவருக்கு வலது புறம் ராமகிருஷ்ண பரமஹம்சர், இடது புறம் புத்தர் இருப்பதைக்காணலாம் ..! .

மதுரை மேலமாசி வீதி- வடக்கு மாசி வீதி சந்திப்பில் உள்ள நவநீத கிருஷ்ணன் ஆலய கோபுரத்தில் மகாத்மா காந்தி, அவர் மனைவி கஸ்தூரிபாய், ஜவஹர் லால் நேரு, நேதாஜி ஆகியோரின் சிலைகள் இடம் பெற்றுள்ளன.


ஐயன்பாளையம் முத்தாலம்மன் கோவில் கோபுரத்திலும் 
காந்தி, நேரு ஆகியோரின் சிலைகளைக் காணலாம்

இலங்கையில் வல்வை சிவன் கோவில் கோபுரத்தின் தெற்குப் பக்கத்தில், மகாத்மா காந்தியின் நூல் நெய்தபடி உள்ள திருவுருவச் சிலையைக் காணலாம்.








 Yonge Street towards Richmond Hill

Statue of Mahatma Gandhi at the Padmavati temple in Ralegan Siddhi.


Mahatma Gandhi Temple in Gandhinagar

9.5 Feet Bronze Statue Of Mahatma Gandhi


சம்பல்பூரில் உள்ள காந்தி கோவில்


The Gandhi Mandir At-Bhatra, P.O. Dhanupali, Sambalpur – 768005, Orissa, India, 



  • NOVEL IDEA:About 1,012 students of Amar Concept School dressed as Gandhi took out a rally, organised by YUVA, an NGO, to promote Gandhian principles and to get listed in the Guinness Book of World Records on Beach Road on Saturday in Visakhapatnam



Tuesday, October 1, 2013

திருவேங்கடத்தின் ஆனந்த பூந்தோட்டம் ..!







மலர்களிலே பல நிறம் கண்டேன் - திரு மாலவன் வடிவம் அதில் கண்டேன்
மலர்களிலே பல மணம் கண்டேன். அதில் மாதவன் கருணை மனம் கண்டேன்

பச்சை நிறம் அவன் திருமேனி பவள நிறம் அவன் செவ்விதழே
மஞ்சள் முகம் அவன் தேவி முகம் வெள்ளை நிறம் அவன் திரு உள்ளம்

பக்தி உள்ளம் என்னும் மலர்தொடுத்து பாசமென்னும் சிறுநூலெடுத்து
சத்தியமென்னும் சரம் தொடுத்து - நான் சாற்றுகின்றேன் உன் திருவடிக்கு

நாநிலம் நாரணன் விளையாட்டு நாயகன் பெயரில் திருபாட்டு
ஆயர்குல பிள்ளை விளையாட்டு... இந்த அடியவர்க்கொன்றும் அருள் கூட்டு
[3d.jpg]
ஆதிசேஷனின் அம்சமாகக் கருதப்படும் அனந்தாழ்வார் இராமனுசரின் தலையாய சீடராகத்திகழ்ந்தார்..

அக்காலத்தில், ஆழ்வார்களால் மங்களாசாசனம் செய்யப்பட்ட திருமலைக் கோயிலும், சுற்றுப்புறமும் மிகவும் பாழ்பட்டுக் கிடந்ததைக் கண்ட ராமானுஜர், தனது சீடர்களை அழைத்து, திருமலைக் கோவிலையும், சுற்றுப்புறத்தையும் சீர்படுத்தி பராமரிக்கும் பொறுப்பை எவர் ஏற்க விரும்புவதாக வினாவெழுப்பினார். 

கடினமான வாழ்க்கைச் சூழலுக்கு அஞ்சி, பலரும் வாய் மூடி இருந்தபோது, , தான் திருமலை சென்று உபயம் செய்ய ஒப்புக் கொண்டார் அனந்தாழ்வார்.

ராமானுஜர், "அனந்தார்யா, நீயே ஆண்பிள்ளை!" என்று கூறவே. அன்றிலிருந்து, அவர் திருமலை 'அனந்தாண்பிள்ளை' என்று போற்றப்பட்டார். 

ஆச்சார்ய கட்டளையின் பேரில், திருமலை சென்ற அனந்தாழ்வார், அங்கு ஒரு பூவனத்தை நிறுவி, பெருமாளுக்கு மலர்ச் சேவை செய்து வந்த தோடு, 
ஒரு கிணறு வெட்டி, அதற்கு ராமானுஜர் என்ற பெயர் சூட்டினார். 
திருமலையில் செய்த பகவத் கைங்கர்யத்தின் பலனாக, பன்னிரு ஆழ்வார்களுக்கு இணையாகக் கருதப்பட்டு, அனந்தாழ்வான் என்ற திருநாமம் பெற்றார்

முதன்முதலில் அத்தோட்டத்தில் பூப்பூத்த மகிழ மரத்தின் மேல்  அனந்தனுக்கு தனிப்பற்று!

இன்றும் உத்சவரான மலையப்ப சுவாமி, வனபோஜன உற்சவத்தின்போது இந்த மகிழ மரம் முன் எழுந்தருளுகிறார்! 
அந்த மகிழ மரத்துக்கே அனந்தன் நினைவாகப் பரிவட்ட மரியாதையும் தரப்படுகிறது. அத்தோட்டம், இப்போது 'அனந்தாழ்வான்' தோட்டம் என்றே அழைக்கப்படுகிறது.
கொஞ்சம் கோபக்காரரான  அனந்தாழ்வார் ஒரு முறை தனது நிறைமாத கர்ப்பிணியான மனைவிக்கு தோட்டத்தில் உதவி செய்ய முற்பட்ட சிறுவன் ஒருவனை (தான் மட்டுமே திருவேங்கடமுடையானுக்கு சேவை செய்ய வேண்டும் என்ற அதீத விருப்பத்தில் ஏற்பட்ட சினத்தால்) கடப்பாரையால் தாடையில் அடித்து விட்டார். 

அச்சிறுவனைத் அவர் துரத்திச் சென்றபோது, அவன் கோயிலுக்குள் நுழைந்து மாயமாய் மறைந்து விட்டான். 

கோயில் அர்ச்சகர்கள், மூலவப் பெருமாளின் தாடையில் ரத்தம் வருவதைக் கண்டு, அனந்தாழ்வாரிடம் கூறினர். 

சிறுவனாக வந்தவர் பெருமாளே என்பதை உணர்ந்து  அடிபட்ட தாடையில் பச்சைக் கற்பூரம் வைத்து, தன்னை மன்னித்தருளுமாறு மனமுருக வேண்டினார்! இரத்தம் வருவதும் நின்றது! 

இன்றும், திருமலை கோபுர வாசலில், வடதிசைச் சுவரின் மேற்புறத்தில், 'அந்தக்' கடப்பாரையைக் காணலாம்! 

 அனந்தாழ்வார் நினைவாக, இன்றும், மூலவரின் தாடையில், பச்சைக் கற்பூரம் சாத்தப்படுகிறது. அது பிரசாதமாகவும் பக்தர்களுக்கு அளிக்கப்படுகிறது.




தனது ஆச்சார்யனான இராமனுஜர் மீது அளவு கடந்த பக்தியும், பாசமும் கொண்டவராக விளங்கினார் அனந்தாழ்வான், குருவின் வாக்கே வேதவாக்கு என்பதற்கும் எடுத்துக்காட்டாக விளங்கினார்! 

உடையவர் இராமனுசரின் சன்னிதியை திருமலையில் நரசிம்மருக்கு அருகில் .அனந்தன் நிறுவினார். . 

திருமலையில் ராமானுஜருக்கு அமைத்த சிலை மற்றைய தலங்களில் அமைந் துள்ளதுபோல் அஞ்சலி ஹஸ்தத்துடன் (கூப்பிய கரங்கள்) காட்சியளிக்காமல், உபதேசம் செய்யும் பாவனையில் அமைந்திருப்பது தனிச்சிறப்பு.
இராமனுஜர் சன்னிதியில் உள்ள சடாரி, 'அனந்தாழ்வான்' என்றே அழைக்கப்படுகிறது.

எப்படியும் அனந்தாழ்வானைச் சீண்டி  விளையாட வேண்டும் என்று விரும்பி  இரவு வேளை களில் அனந்தாழ்வாரின் நந்தவனத்துக்கு அரசன்- அரசி வேடத்தில் தன் பிராட்டியுடன் சென்று, பூக்களைப் பறித்து விளையாடிவிட்டு அப்படியே போட்டுச் செல்வதை வழக்கமாக்கிக் கொண்டது திருமலை தெய்வம..!

காலையில் நந்தவனத்துக்கு வந்த அனந்தாழ்வார்  பூக்கள் பறித்துப் போடப்பட்டி ருப்பதையும் தோட்டம் பாழாக்கப்பட்டது போலுள்ள நிலையையும் கண்டு, இப்படிச் செய்த வர்களைக் கண்டுபிடித்து தண்டிக்க வேண்டும் என நினைத்து, அன்றிரவு நந்தவனத்தின் ஒரு பகுதியில் ஒளிந்திருந்தார்.

வழக்கம்போல்  வந்த பெருமானும் பிராட்டியைம் கையும் களவுமாகப் பிடிக்க நினைத்தபோது, அரசனாக இருந்த வன் தப்பியோடிவிட, அகப்பட்டுக் கொண்ட அரசகுமாரியைத் தேடி அரசன் வருவான் என்று நினைத்து அவளை ஒரு மரத்தில் கட்டிப் போட்டார் அவர்கள் பெருமானும் பிராட்டியும்தான் என்று தெரியாமல்...!

மறுநாள் காலை திருவேங்கடமுடையானின் சந்நிதியைத் திறந்த அர்ச்சகர்கள் பிராட்டியைக் காணாமல் தவிக்க, பெருமாளே அவர்களிடம் நடந்தவற்றைக் கூறி அனந்தாழ்வாரையும் பிராட்டியையும் அழைத்து வரச் சொன்னதன்படி அனந்தாழ்வார் சந்நிதிக்கு வந்த போது, உடன் வந்த பிராட்டி பெருமாளின் திருமார்பினில் ஒன்றிவிட்டதைக் கண்டு பதறி தன் தவறுக்கு வருந்திட, பெருமாளோ அர்ச்சகர்களைக் கொண்டு அனந்தாழ்வானுக்கு மாமனாருக்குரிய சகல மரியாதைகளையும் செய்து அனுக்கிரகித்தார்.

பெருமாளுடன் பிராட்டியைச் சேர்த்து வைத்ததால், குருவருளால் தனக்கு இந்த பாக்கியம் கிடைத்தது என்று மகிழ்ந்தார் ஆழ்வார்..!

அனந்தாழ்வார்  பரமபதம் அடைந்தபோது ஏழுமலையானே அவருக்கு இறுதிக்கடன்களைச் செய்தருள, அனந்தாழ்வார் ஒரு மகிழ மரமாய் மாறி இன்றும் நந்தவனத்தில் காட்சி கொடுத்துக் கொண்டிருக்கிறார். 
[magilam3.jpg]
இன்றும் வருடத்திற்கு ஒருமுறை ஏழுமலையான் அந்த நந்தவனத்துக்கு எழுந்தருளி ஆழ்வானுக்கு அருள்புரிந்து வருகிறார்.

அனந்தாழ்வார்அமைத்த ஏரி, நந்தவனம் ஆகிய வற்றையும் இன்றும் திருமலையில் தரிசிக்கலாம். 

ஆழ்வார் மலையப்பன்மீது வீசிய கடப்பாரையையும் பிரதான கோபுர வாயிலில் இடது பக்கம் உட்புறத்தில் மாட்டி வைத்துள்ளதையும் காணலாம்.

மலர்க் கைங்கர்யம் செய்து பூமாலையும் பாமாலையும் சூட்டி மகிழ்ந்த ஆண்டாள் அவதரித்த ஆடிப்பூர நன்னாளில் அனந்தாழ்வார் ஏழுமலையானோடு இணைந்தார்.


அனந்தாழ்வானுக்கு குரு பக்தியும் , வைராக்கியமும் அதிகம்.

ஒரு நாள் அவரை நாகம் ஒன்று தீண்டி விட்டது. இருந்தபோதிலும் அதைக் கருத்தில் கொள்ளாது வேங்கடவனின் கைங்கர் யத்திலேயே
ஒன்றியிருந்ததைக் கண்ட வேங்கடவன் அனந்தாழ்வானிடம், ""பாம்புக் கடிக்கு சிகிச்சை எடுத்துக் கொள்ளவில்லையே- ஏன்?'' என்று கேட்டார்.
Cover art
ஆழ்வாரோ, ""எளியேனுக்கு உமக்கு கைங்கர்யம் செய்வதிலேயே விருப்பம். பாம்பு வீரியமுடையதாயின் அடியேன் மரணத்தைத் தழுவினாலும் தங்களருளால் பரமபதம் சென்று அங்கு கைங்கர்யத்தைச் செய்வேன். 
கடித்த பாம் பினால் அடியேனுக்கு ஆபத்து ஏற்படவில்லை யாயினும் இத்திருமலையில் இருந்து கொண்டே உமக்குத் தொண்டு புரிவேன். எனக்கு இரண்டும் ஒன்றே'' என்று கூறிவிட்டார்.
Pray Lord Balaji - screenshot
ஆனால் திருவேங்கடமுடையான் அருளால்
ஆழ்வாருக்கு பாம்புக் கடியால் எவ்வித பாதிப்பும் ஏற்படவில்லை.

[12.jpg]





இந்த இணைப்பில் திருவேங்கடவன் பூஜை காணதவறாதீர்கள்...!

https://play.google.com/store/apps/details?id=com.relizen.lordbalaji&hl=hr