அன்பென்ற நதி மீது படகாகு அறியாத பேரின்ப கரை சேர்க்கும்
அன்பென்ற வில்லின் முன் இலக்காகுஅகம் எங்கும் படிந்துள்ள குறை நீக்கும்
அன்புக்கு ஈர்க்கின்ற பலம் உண்டு இழந்தாலும் மகிழ்கின்ற குணம் உண்டு
தன் துன்பம் பிறர் வாழும் உரமாகும் அன்புள்ளம் இறை தந்த வரமாகும்
அன்பையும், அருளையும் போதித்த இயேசு பெருமான் பகைவர் தமக்கு இழைத்த கொடுமைகளையெல்லாம் சகித்துக்கொண்டு ஏழை எளிய மக்களுக்கு மிகுந்த இரக்கத்துடனும், கருணையுடனும் தொண்டுகள் புரிந்தார்.
இன்னல் நீங்கி இன்பம் கண்ட நன்னாளாகக் கிறிஸ்தவ மக்கள் கொண்டாடும், ஈஸ்டர் திருநாள் ஞாயிற்றுக்கிழமை மிகுந்த
மகிழ்ச்சியோடு கொண்டாடப்படுகிறது.
நியாமும், சத்தியமும் என்றைக்கும் மரிப்பதில்லை என்பதை எடுத்துக்காட்டும் விதமாகவே இயேசு உயிர்தெழுதல் நிகழ்வு அமைந்துள்ளது.
![Jesus Christ Resurrection clip art(clipart) gallery](https://blogger.googleusercontent.com/img/b/R29vZ2xl/AVvXsEgyURy7WDkOiS5L8KF8H-M5tGwHEHYwCGPnOc07rIX5X6MD6ltrwh4JcOJEnJwGyh_-z5AKeVVmO8n1Z5Q2Z98In-UBu4GYP-8YElLBpEJdvUZJzOviTqKNo153jRXEhgJDp3CdipuSHDR6/s320/easter7.jpg)
உயிர்த்தெழுதல் என்பது மனித இனத்துக்குக் கிடைத்த கடவுளின் அன்பளிப்பு என்று கிறித்துவர்கள் நம்புகிறார்கள்.
ஈஸ்டர் கொண்டாட்டங்கள் . மனிதருள் உறைந்திருக்கும் மரணத்தை வெல்லும் சக்தியை நினைவுபடுத்தி வாழ்வைப் புதுப்பிக்கவும் ரணமாகிவரும் புவியின் புண்களை ஆற்றவும் அளிக்கப்படும் அறைகூவல்.
சிலுவையில் அறையப்பட்டு மரணித்த ஏசுபிரான் மீண்டும் உயிர்த்தெழுந்த வரவிற்காக நோன்பிருந்து கொண்டாடும் பண்டிகை ஈஸ்டர் திருநாள்.
அகத்தின் மரணத்தை வென்று நிஜ வாழ்வின் தாத்பர்யத்தை விளக்கும் உயிர்த்தெழுதல் அது.
அஞ்ஞானத்திலிருந்து விடுதலை பெற்று ஆன்மீக சுயத்தை உணர்த்திய சாகாவரம் அது.
ஈஸ்டர் மாதத்தில் விரதம் இருக்கும் கிருஸ்துவ மக்கள் தாங்கள் விரதகாலத்தில் செலவழிக்காமல் இருந்த பணத்தை ஏழைகளுக்கு அளிக்கின்றனர்.
இதனால் அனைத்து தரப்பினரும் மகிழ்ச்சியோடு ஈஸ்டர் பண்டிகை கொண்டாட முடிகிறது.
இந்த நன்னாளில் அனைவரும் ஒருவரை ஒருவர் சந்தித்து இயேசு உயிர்தெழுத்தார் என்று மகிழ்ச்சியை பரிமாறிக்கொள்கின்றனர்.
இயேசுபிரான் கடவுளைப் பற்றிய புரிதலை மக்களுக்கு ஏற்படுத்தினார். பாவங்களுக்குத் துணைபோகக் கூடாது என்பதைத் தனது வாழ்முறையால் உணர்த்தினார்.
தனது மக்களாலேயே மரண தண்டனை வழங்கப் பெற்று, வேதத்தின் கூற்றுப்படி மூன்றாம் நாள் உயிர்த்தெழுந்தார்.
இந்த நன்னாள் ஈஸ்டர் எனப் கொண்டாடப்படுகிறது.
![](https://blogger.googleusercontent.com/img/b/R29vZ2xl/AVvXsEiNtGXa31vKQ4kueBZ1x9zvvKp_bD9gsSbobGFw9p7pT_kr9pfCo4d_nSvJThyphenhyphenMrA_i022S2Su3xDMEC5R2SXb_M_4rawdlHIPF0NuVl50QNjXmOIFZPbVhzL6KzQnH0xIV4c3XwSyW6Zc/s400/The_Last_Supper_Restored_Da_Vinci.jpg)
இயோஸ்டன் என்ற வசந்த கால தேவதையின் விலங்கு முயல். வசந்த காலத்தில் மீண்டும் பிறப்பதை முட்டையால் அடையாளம் காட்டப்படுகிறது. புதிய வாழ்வின் தொடக்கத்தின் அடையாளமாக கருதப்படுகிறது.
வசந்த காலத்தில் தான், நிறைய பறவைகள் முட்டையிட்டு இன விருத்தியில் இருக்கும் ..
முட்டை அடைகாக்கப்பட்டு அதிலிருந்து புதிய உயிர் வெளிவருவது புதிய வாழ்வின் குறியீடாக கருதப்படுகிறது.
மிகவும் பாரம்பரியமான கிறிஸ்தவர்களால், ஈஸ்டர் முட்டை என்பது, விரதத்தை முடிப்பதன் கொண்டாட்டத்தில் மட்டுமன்றி, இயேசு மீண்டும் பிறந்ததற்கான அடையாளமாகவும் கருதப்படுகிறது.
பாரம்பரியமாக, ஈஸ்டர் முட்டைகள் சிவப்பு நிறம் பூசப்பட்டு வருகிறது, அது இயேசு சிலுவையில் சிந்திய ரத்தத்தைக் குறிக்கிறது,
அதனுடைய கடின ஓடு கிறிஸ்துவின் மூடப்பட்ட கல்லறையையும், அதனை உடைப்பது, மரணத்திலிருந்து அவர் உயிர்த்தெழுதலையும் குறிக்கிறது.
முட்டை, கல்லறையின் குறியீடாகவும், அதனை உடைப்பதன் மூலம் வாழ்க்கை புதுப்பிக்கப்படுவது அல்லது மீட்டெடுக்கப்படுவது சுட்டிக்காட்டப்படுகிறது.
சிலுவையில் அறையப்பட்டு தியாகம் செய்ததன் மூலமாக உலகம் மற்றும் மனித இனத்தின் மீட்புக்காக இயேசு கிறிஸ்து சிந்திய இரத்தத்தைச் சிவப்பு நிறம் குறிக்கிறது.
முட்டை மறுபிறப்பின் குறியீடாகும்
செயலற்று முடங்கியுள்ள அதில் புதிய வாழ்வு வைக்கப்பட்டிருக்கிறது.
சாக்லேட் போன்ற உண்ணக்கூடிய பொருட்களால் ஈஸ்டர் முட்டைகள் தயாரிக்கப்படுகின்றன.
இந்த முட்டைகள் மறைத்து வைக்கப்பட்டு ஈஸ்டர் தினத்தன்று குழந்தைகள் கண்டறியுமாறு வைக்கப்படுகிறது.
அதிக முட்டைகளை கண்டறியும் குழந்தைகளுக்கு பரிசுகள் வழங்கப்படுகின்றன.
![](https://blogger.googleusercontent.com/img/b/R29vZ2xl/AVvXsEh2x3Sv9nClZeac6WvMNLGNwL-RBKJEkIB2vvvGHTqyatE53JmrScbMZGIgTIl4DHb0gDPh0Tdm0du7bGuRMaxUzM_lL9gPx7Q7bWCWAdsD_6_xrlMpi_nq7lY20M46g97STUGkuhV1cRc/s400/EASTER-HE-IS-RISEN.jpg)
தொடர்புடைய இடுகை
ஈஸ்டர் திருநாள் ..http://jaghamani.blogspot.com/2012/04/blog-post_07.html
![](https://blogger.googleusercontent.com/img/b/R29vZ2xl/AVvXsEg8mgOZcsq8247sm_pA9R42rI4Vmb2H4uDSjDI6EZy-kz3TYiy0K6C17phSf_5VqWW6CNGLu-LjjERRlgfNZ1Yuq0Esnx2DhfPrFBym_OEh8aC2VeCbBUxOnD_mgfGzYAHwog71geyTZJNu/s1600/happy_easter.jpg)
![](https://blogger.googleusercontent.com/img/b/R29vZ2xl/AVvXsEhphJZJ729O0mD-mJMqABo9y8VawAWh2QyeKhoCfsyMIiBiQ6gUuLPTPctBw4in4J5utgrijmiTHMXGZoSNipkGiMMan9f2vgLsXqFiY2wxxusLGgTEsKjVXFcHWEwhK2tTFiV20uTGMWo/s1600/happy+easter+3d+gif+animation++%CE%BA%CE%B1%CE%BB%CF%8C+%CE%A0%CE%AC%CF%83%CF%87%CE%B1+gifs+animated+free+download++e+cards+happy+easter+screensaver+websites+blogger+eggs+flower+flash+banner+powerpoind+clipart+graphic+art+abstract+web++.gif)