Tuesday, October 8, 2013

நகரேஷு காஞ்சியில் நவராத்திரி அலங்காரம்




சுந்தரி சவுந்தரி நிரந்தரி துரந்தரி சோதியாய் நின்ற உமையே,
அந்தரி துரந்தரி நிரந்தரி பரம்பரி யனாத ரட்சகியும் நீயே,

சிவசிவ மகேஸ்வரி பரமனிட யீச்வரி அழகான காஞ்சியில் 
புகழாக வாழ்ந்திடும் அம்மை காமாட்சி யுமையே .

பத்துவிரல் மோதிரம் எத்தனை பிரகாசமதுபாடகந் தண்டை கொலுசும்,
பச்சை வைடூரியம் மிச்சையா இழைத்திட்ட பாதச் சிலம்பின் ஒலியும்,

முத்து மூக்குத்தியும் ரத்தினப் பதக்கமும் மோகன மாலை யழகும்,
முழுதும் வைடூரியம் புஷ்ப ராகத்தினால் முடிந்திட்ட தாலி யழகும்,

சுத்தமாயிருக்கின்ற காதினிற் கம்மலுஞ் செங்கையிற் பொன் கங்கணமும்
ஜெகமெலாம் விலைபெற்ற முகமெலா மொளியுற்ற சிறுகாது கொப்பினழகும் ,

அத்திவரதன் தங்கை சக்தி சிவரூபத்தை யடியனால் சொல்ல திறமோ
அழகான காஞ்சியில் புகழாக வாழ்ந்திடும் அம்மை காமாட்சி யுமையே

ஆறதனில் மணல் குவித்தரிய பூசை செய்த என் அம்மை ஏகாம்பரி நீயே,
அழகான காஞ்சியில் புகழாக வாழ்ந்திடும் அம்மை காமாட்சி யுமையே.
அன்னை காமாட்சியின் விருத்தம் பாட வருத்தமெல்லாம் சூரியனைக் கண்ட பனிபோல - தீயில் பட்ட தூசு போல - மறைவதைக் காணலாம் ..
அகிலங்கள் அனைத்திலும் அருளாட்சி செய்யும் நாயகியாகத் திகழ்ந்து, தன அருட்கருணை பொங்கும் திருவிழிப் பார்வையினால், தன்னை நாடி வந்து துதித்துத் தொழுகின்ற அடியார்களின் விருப்பங்களைஎல்லாம் நிறைவேற்றி அருள்பவள், அன்னை காமாட்சி.
காமாக்ஷி என்றால் கருணையும், அன்பும் நிறைந்த 
கண்களையுடையவள் என்று பொருள்.
காமாட்சி அன்னைக்கு மகாதேவி, திரிபுரசுந்தரி, ராஜராஜேஸ்வரி, காமேஸ்வரி, லலிதா, ஸ்ரீ சக்கர நாயகி என்னும் திருப்பெயர்களும் உண்டு.
காஞ்சி காமாட்சியம்மன் கோயிலில் முப்பெரும் தேவியரான சரஸ்வதி, லட்சுமி, பார்வதி ஆகியோரின் ஒரே வடிவமாக கொண்டு குழந்தை வடிவில் அருள்பாலிப்பதால்  நவராத்திரி காலத்தில் காமாட்சியம்மனை தரிசனம் செய்வது மிகவும் விஷேசம். 
ஒவ்வொரு ஆண்டும் காமாட்சியம்மன் கோயிலில் ஸ்ரீ சாரதா நவராத்திரி மஹோற்சவம் மிகவும் கோலாகலமாக கொண்டாடப்படும்.

தினமும் காமாட்சியம்மனுக்கு விஷேச அபிஷேக, அலங்காரம், ஆராதனைகளும்   கன்யா பூஜை, ஸூவாஸினி  பூஜைகளும், லட்சார்ச்சனையும் நடைபெறும்.
இரவில் ஸ்ரீ காமாட்சியம்மனை கொலு மண்டபத்தில் எழுந்தருளச் செய்து சூரசம்ஹார உற்சவம் நடைபெறும். சங்கீத கச்சேரி, தீபாராதனை நடைபெறும்.
காமாட்சி அம்மன்  கையில் கரும்பு வில், தாமரை கிளி  ஆகியவற்றை ஏந்தி , இரண்டு காலையும் மடித்து பத்மாசன யோக நிலையில் அமர்ந்திருப்பது மிகச் சிறப்பான அம்சம். 
மிகவும் உக்கிரமாக இருந்த காளியன்னையை, சௌம்யமான காமாட்சியாக ஆதிசங்கரர்  ஸ்ரீசக்ரம் பிரதிஷ்டை செய்து சாந்தப்படுத்தினார் 
அன்னை காமாட்சியின் பிரகாசமான முகத்தை தீர்கமாக தரிசிப்பவர்களுக்கு, அம்மனின் கண்கள் சிமிட்டுவது போன்று உணரலாம்..

அன்னை காமாட்சி ஸ்தூலம், சூட்சுமம், காரணம் எனும் மூவகை வடிவிலும் அமைந்து அருள் புரிகின்றாள். 

காமகோடி காமாட்சி - ( ஸ்தூல வடிவம் ) - (மூல விக்கிரக உருவில் )

அஞ்சன காமாட்சி ( அரூப லக்ஷ்மி ) - ( சூட்சும வடிவம் )

காமகோடி பீடம் எனப்படும் ஸ்ரீ சக்கரம் - ( காரண வடிவம் )




2013-10-07 20.09.11.jpg2013-10-07 20.05.31.jpg2013-10-07 20.05.46.jpg


Indian devotees hold earthen lamps as they take part in the Maha Aarti ritual at Hindu deity Umiya Mata temple on the eighth night of Navratri or nine nights festival in Surat, 
Gujarat state, India,  Every year thousands of devotees participate in this ritual
APTOPIX India Hindu Festival Pictures & Photos

Monday, October 7, 2013

நவராத்திரி நாயகி அன்னை மீனாட்சி









மரகதவல்லி மீனாட்சி மதுரை நகரை ஆளுகிறாள்
கொண்டைமுடி அலங்கரித்து கொஞ்சும் கிளி கையில்வைத்து
அஞ்சுக மொழி உமையாள்  சிம்மாசனத்தில் வீற்றிருந்தாள்
வான்மதி சூடிய கணவர் சொக்கேசருடன் ஆனந்தமாய் 
மாணிக்க தேரினில்  தேனாள் மரகதப்பாவை வந்தாள் ...
File:Meenakshi Amman Madurai.JPG
வைரமுடி மின்னிட மரகத பாவை வந்தாள்
வானவர் பூமாரி பொழிந்திடவே

சிவ கானமும் ஒலித்திட தேவி வந்தாள்
அழகிய மாநகர் மதுரையிலே.மீனாட்சி வந்தாள்

தேனமர் சோலையாம் கதம்பவனம்
அங்கு வானளாவும் தங்க கோபுரம் எங்கும் காணும்

தேன்தமிழ் பாவலரின் தேனான கானம்
ஆனந்த வெள்ளம் பெருகும் மீனாக்ஷி சன்னிதானம்
 
மதுரை மீனாட்சி அம்மன் கோயில் நவராத்திரி கலை விழா கொலு கண்காட்சி 108 சிவதாண்டவ சிலைகள் ,மதுரையின் மகத்துவத்தை உணர்த்தும் வகையில், "தச தத்துவம் விளக்கும் பொம்மைகளும் வைக்கப்படுகின்றன.

பூஜை காலங்களில், தேங்காய் உடைத்தல், அர்ச்சனைகள், மூலஸ்தான அம்மனுக்கு செய்யப்படாது. கொலு மண்டபத்தில் எழுந்தருளும், அலங்கார அம்மனுக்குதான் அர்ச்சனை செய்யப்படும்.

நவராத்திரி விழாவின்போது அன்னை மீனாட்சி  விஷேச சக்தி வாய்ந்து திகழ்வதால் சிறப்பு பூஜைகள் வழிபாடுகள் செய்யப்படுகின்றன.

கொலு அரங்கில்  சிறப்பு அலங்காரத்துடன்அன்னையின் 
அருட்கோலம் கண்கொள்ளாக்காட்சியாகத்திகழ்கிறது..

ராஜராஜேஸ்வரி அலங்காரம் .


முருகனுக்கு வேல் வழங்குதல் அலங்காரம்


தட்சிணாமூர்த்தி அலங்காரம்,

ஊஞ்சல் அலங்காரம்

 மீனாட்சி திருக்கோலம்,

சிவசக்தி அலங்காரம்,


மஹிஷாசுரமர்த்தினி அலங்காரம்,

சிவ பூஜை அலங்காரம்,

விஜயதசமி அலங்காரம்

என அன்னை  அருட்காட்சி அளிக்கிறார்.

 கொலு காட்சி  பொம்மைகளை கொண்டு திருக்கோயிலில் அம்மன் சன்னதி, வெளிப் பிரகார பகுதிகளில் கொலு காட்சிக்கு வைக்கப்படும்.

அம்மன் சன்னதி வெளிப்பிரகார மேற்பகுதி கலை வேலைப்பாடுகளுடன் அலங்கரிக்கப்பட்டு , மூலவர் அறையில் பிரதான கொலு அலங்காரத்தில் அம்மன் அருள் பாலிக்கும் வகையில் அமைக்கப்படும்.

கொலுவில் 3 அங்குலம் முதல் 3 அடி வரையிலான சுவாமி சிலைகள்
இடம் பெறும்.

காட்சியில் நடுநாயகமாக அருள்மிகு மீனாட்சி அம்மன், சொக்கநாதர், அதிகார நந்தி  இடம் பெறுகின்றனர்.

பெரிய அளவிலான துர்க்கை, லட்சுமி, சரஸ்வதி, சப்த் கன்னியர்,
ரிஷப வாகனர், தட்சிணாமூர்த்தி, பூதகணங்கள், தத்தாத்ரேயர், தசாவதாரம், அஷ்டலட்சுமி, விஷ்ணு, விஷ்வரூபம் என பல கடவுளர் திருவுருவ பொம்மைகளும் கொலுவில் இடம் பெறும்..

 திருக்கோயில் திருவிழாக்களில் சுவாமி, அம்மன் எழுந்தருளி பவனி வரும் தங்க, வெள்ளி முலாம் பூசப்பட்ட வாகனங்களும் கொலுவில் இடம் பெறும்..


கோயில் பிரகாரங்கள், பொற்றாமரைக்குளம், கோபுரங்கள் ஆகியவை மின் விளக்குகளால் அலங்கரிக்கப்பட்டு சிந்தை கவரும் ...

கொலு மண்டபத்தில் 12 அடிக்கு 12 அடி என்ற அளவில் செயற்கையாக அமைக்கப்பட்டுள்ள பொற்றாமரைக் குள வடிவமைப்பு  சிறப்பு..!