Tuesday, September 4, 2012

ஆசிரியர் தின வாழ்த்துகள் !

Teacher's Day Scraps

கண்ணுடையர் என்பவர் கற்றோர் முகத்திரண்டு
புண்ணுடையர் கல்லா தவர்..
கல்வி போதிக்கும் ஆசிரியர் மாதா பிதா குரு தெய்வம் என்ற வரிசையில் வைத்து ஆராதிக்கப்படுபவர்...
பிறப்போரன்ன உடன்வயிற்றுள்ளும்
சிறப்பின் பாலால் தாயும் மனமும் திரியும் 

ஒருகுடிப் பிறந்த பல்லோ ருள்ளும்
மூத்தோன் வருக என்னாது அவருள்
அறிவுடை யோன்ஆறு அரசும் செல்லும்
வேற்றுமை தெரிந்த நாற்பால் உள்ளும் கீழ்ப்பால் ஒருவன் கற்பின்
மேற்பால் ஒருவனும் அவன்கண் படுமே..


வெள்ளத்தால் போகாது, வெந்தணலால் வேகாது
கொள்ளத்தான் இயலாது, கொடுத்தாலும் நிறைவொழிய குறைபடாது
கள்வர்க்கோ மிக அரிது, காவலோ மிக எளிது
கல்வி என்னும் பொருள் இங்கிருக்க 
உலகெல்லாம் பொருள் தேடி அலைவதேனோ" 

இத்தனை சிறப்பு வாய்ந்த கல்விச்செல்வத்தை நம் குழந்தைச் செல்லங்களுக்கு வழங்கி சான்றோனாக்கி உலகுக்கு வழங்கி கௌரவப்படுத்துபவர் ஆசிரியர்...

அன்னையும் தந்தையும் ஒரு குழந்தையை உலகிற்கு தருகின்றனர்.

  ஆசிரியர் உலகத்தையே குழந்தைகளுக்கு தருகிறார்..

ஆசிரியப்பணியே அறப்பணி அதற்கே உன்னை அர்ப்பணி என்று அர்ப்பணிப்புடன் ஆசிரியப்பணியில் ஆரம்பித்த தத்துவ மேதை
பலமுறை டாக்டர் பட்டம் பெற்று நமது நாட்டின் இரண்டாவது ஜனாதிபதியாக பதவி வகித்த சர்வபள்ளி திரு.இராதகிருஷ்ணண் அவர்களின் பிறந்த நாள் ஆசிரியர்கள் தினமாக கொண்டாடப்படுகிறது.
மனிதனை மனிதனாக, உருவாக்கும்  உன்னத சிற்பிகள் ஆசிரியர்கள்

மனிதனை முதன்மை படுத்த உரமாக இருப்பவர்கள் ஆசிரியர்கள்

ஞானத்தின் சுடரை ஏற்றுகிற பணி ஆசிரியருடையது.

பயிற்றிப் பல கல்வி தந்து பாரில் உயரவைப்பவர் ஆசிரியர்...

Teacher's Day Scraps
 வருங்கால தலைமுறையினரான மாணவர்கள்,  வருங்காலத்தை, தங்களுக்குள் நிர்மாணிப்பதில் பெரும் பங்கு வகிக்கும் ஆசிரியர்களுக்காக, அவர்களுக்கு நன்றி தெரிவிக்கும் ஒரு வைபவமாக கொண்டாடுவது ஆசிரியர் தினம்.

சிறந்த அர்ப்பணிப்பு உணர்வுடன், பாடப்புத்தக அறிவும்,  பல்துறை பரந்த அறிவையும் மாணவர்களுக்கு வழங்கி, அவர்களின் உலகை விரியச் செய்து, உத்திரவாதமான எதிர்காலத்தை தொடர்ந்து வழங்கி வரும் ஆசிரியர் பணி போற்றத்தக்கது...

மனிதனுக்குள் புதைந்திருக்கும் பூரணத்துவத்தை
வெளிப்படுத்துவதே கல்வி.
உடல் உள்ள ஆன்மாவின் ஒருமைப்பட்ட வளர்ச்சியே உண்மையான கலவி..
stacking booksReading A Book  PowerPoint animationStick Figure Walking Reading Book PowerPoint animation

கற்றல்-கற்பித்தல் என்பதை தாரக மந்திரமாய் கொண்ட, சமூக உருவாக்கத்தின் மூல ஆதாரங்களாக திகழும் ஆசிரியர்களை போற்றவும், புகழவும், கவுரவிக்கவுமே ஆசிரியர் தினம்.
Teacher's Day ScrapsTeacher's Day ScrapsAnimatedParrotWelcomeKims.gif image by jojo49_01


Monday, September 3, 2012

கலங்காமல் காத்த விநாயகர்’





lor27d.gif ganesha and mushi


ஸ்ரீ கலங்காமல் காத்த விநாயகர்

https://blogger.googleusercontent.com/img/b/R29vZ2xl/AVvXsEiA-PGl6xjN4iU8Ldw7ldYAnVc4X21fjKoX-7ZbNhJ_BCGF-ml-6qTEeGzhwykvkcIyXCgNcgFhvBC1jWpFZyAjub5PEUGaiJglRUSzZOGzZNGiz9tJO1KOAGh9XWkqqeRAoCpo3xokk3Q/s1600/GANA+ALANGUDI.JPG 

ஐந்து கரத்தனை ஆனைமகத்தனை
இந்தியினிளம்பிறை போலுமெயிற்றனை
நந்தி மகந்தனை ஞானக்கொழுந்தனை
‘கலங்காமல் காத்த விநாயகரை
புந்தியில் வைத்தடி போற்றுகின்றேனே

உயரமான மதில்களாலும், தாமரை பூத்த அகழியாலும் சூழ்ந்து ஐந்து நிலை ராஜ கோபுரத்துடன் மிக அழகாகக் காட்சி அளிக்கிறது ஆலங்குடி திருத்தலம்...

 பழமையான சிற்பங்கள் நிறைந்த தெற்குக் கோபுரத்தில் ஆலய வாயிலில் நுழைந்ததும் கலங்காமல் காத்த விநாயகர் சன்னதி ...

கஜமுகாசுரனால் தேவர்களுக்கேற்பட்ட இடுக்கண்களைக் களைந்து காத்தலால்  ‘கலங்காமல் காத்த விநாயகர்’ என அழைக்கப்படுகிறார்.

கஜாசுரன்  தேவர்களைக் கொடுமைப்படுத்தி விண்ணில் இருக்கும் அண்டத்தை காலால் உதைக்க அண்டச்சுவர் உடைந்து ஆகாசகங்கை பூலோகத்தை நோக்கி வந்தது.

 உயிர்கள் அனைத்தும் மரண பயத்தால் கலங்கின. தேவர்கள் விநாயகரிடம் சரணடைந்தனர். கஜாசுரனைக் கொல்ல ஆயத்தமானார் விநாயகர். முதலில் பூலோகத்தைக் காக்க, கால்பெருவிரல் நகத்தால் அண்டச்சுவரில் ஏற்பட்ட துளையை அடைத்தார். ஆகாச கங்கை தடைபட்டது. 

 கஜாசுரனை ஒரே நொடியில் வீழ்த்தினார். 

கலக்கம் தீர்ந்த தேவர்கள் விநாயகரை பூஜித்து மகிழ்ந்தனர். 

தேவர்களின் கலக்கம் தீர்த்த "கலங்காமல் காத்த விநாயகர்' என பெயர் பெற்று குரு தலமான ஆலங்குடியில் (திருவாரூர் மாவட்டம்) அருள்பாலிக்கிறார். வழிபட்டால் மனக்கலக்கம், எதிரிபயம் நீங்கும். மனநிம்மதி உண்டாகும். 

ஆலகால விஷத்தால் கலங்கிய தேவர்களைக் கலங்காமல் காத்து அருளியவர்.
ஆபத்திலிருந்து காப்பாற்றியதனால் ஆபத்சகாயேஸ்வரர் ..
shiva
 ஆலமாகிய விஷத்தை உண்டு அருள் புரிந்த‘ஆலங்குடி’ திருத்தலத்தில் அரவு தீண்டி மரித்தவர் யாரும் இல்லை என்பது சிறப்பு.

குருவே தட்சிணாமூர்த்தியாகவும், தட்சிணாமூர்த்தியே குருவாகவும் எழுந்தருளியுள்ள ஒப்பற்ற குருபீடமாக அமைந்துள்ளது. 

தேவர்களும் முனிவர்களும் சேவிக்கும் சுரகுருவை
மேவுசுடர்ப் பொன்போன்று மிகவும் ஒளிர்பவனை, 
மூவுலகும் வணங்குகின்ற மூர்த்தியினை, ஈஸ்வரனை 
யாவுமிக அறிந்தவனை யான்வணங்கிப் போற்றுகிறேன்.

 

alangudi