Saturday, September 28, 2013

ஸ்ரீனிவாசா வேங்கடேசா..!





மாதவனே கேசவனே மதுசூதனா கோவிந்தா கோபாலா
வாமனனே நாராயணனே திருவேங்கடவனே வைகுந்தா
ஸ்ரீனிவாசா வேங்கடேசா ஸ்ரீதரனே ஜெய் கிருஷ்ணா - என்று
என்ன சொல்லி அழைத்தாலும் எங்கிருந்து நினைத்தாலும்
பக்தி ஒன்றே போதுமென்று பரிவுடனே வந்தருளும் திருமலை தெய்வம்..!
நாராயணாய வித்மஹே வாஸுதேவாய தீமஹி
தந்நோ விஷ்ணு ப்ரசோதயாத் 

 என்னும் விஷ்ணு காயத்ரியில் நாராயண மந்திரம், 
வாசுதேவ மந்திரம், விஷ்ணு மந்திரம் ஆகிய மூன்று மந்திரங்கள் உள்ளன
Lord Venkateswara Wallpaper
விஷ்ணு காயத்ரிமந்திரம் மிகவும் சக்தி வாய்ந்தது. 
புரட்டாசி சனியன்று இந்த எளிய மந்திரங்களை மனச்சுத்தத்துடன் 
சொன்னால் பெருமாளின் பூரண அருள் கிடைக்கும்.
வைகுண்டத்தில் வீற்றிருக்கும் விஷ்ணு, வெங்கடாஜலபதியாக, புரட்டாசி சனிக்கிழமை திருவோண நட்சத்திர நன்னாளில் அவதரித்தார். ஏழுமலையான் அவதரித்த மாதமான புரட்டாசி விஷ்ணு வழிபாட்டிற்கு உரியதாக போற்றப்படுகிறது. 
சத்தியலோகத்தில் இருந்து பிரம்மா, பூலோகம் வந்து, திருப்பதி ஏழுமலையானுக்கு திருவிழா நடத்துகிறார். இதற்கு புரட்டாசி நவராத்திரி பிரம்மோற்ஸவம் என்று பெயர். 

காலை,மாலையில் வெவ்வேறு அலங்காரத்துடன் திருப்பதியிலுள்ள உற்சவர் மலையப்ப சுவாமி பவனி வருவார். 

திருப்பதி வெங்கடாஜலபதி மட்டும் தன் திருக்கரத்தை கீழ்நோக்கி காட்டியபடி, ""பக்தர்களே! கலியுகத்தில் உய்வதற்குரிய ஒரே வழி என் திருவடியை பற்றிக் கொள்வது மட்டுமே!'' என்று உணர்த்தியபடி இருக்கிறார். 

தன்னை சரணடைந்தவர்களை கையால் அணைத்து ஆதரிப்பதை பெருமாளின்  இடது கை உணர்த்துகிறது. 

பன்னிரு ஆழ்வார்களும், ராமானுஜர் போன்ற ஆச்சாரியர்களும் வெங்கடாஜலபதியைச் சரணடைந்து வாழ்வில் நற்கதி அடைந்தனர்.

திருப்பதியை "வேங்கடம்' என்கிறோம்.. 

"வேங்கடம்' என்றால் "பாவம் பொசுங்கும் இடம்' என்று பொருள். 

புரட்டாசி மாதத்தில் திருப்பதி பெருமாளை மனதால் நினைத்தாலே பாவம் தீரும் என்பது ஐதீகம். 
சந்திரதோஷத்தால் திருமணத்தடை, பணப்பிரச்னை, நோயால் அவதி, கல்வித்தடை உள்ளவர்கள், திருவோண விரதமிருந்து பெருமாளை வழிபட்டால் பிரச்னை தீர்ந்து நன்மை உண்டாகும். 

புரட்டாசியில், சனிக்கிழமை மட்டுமின்றி திங்கள், புதனும் பெருமாள் வழிபாட்டிற்கு உகந்தவை. புண்ணியம் மிக்க புரட்டாசி மாதத்தில் ஏழுமலையானைச் சரணடைந்து புண்ணியம் பெறலாம்.
திருப்பதியில் புரட்டாசி பிரம்மோற்ஸவ விழா நாட்களில் ஸ்ரீதேவி, பூதேவியுடன் ஏழுமலையான் மலையப்பனாக  எழுந்தருளுவார். 
Tirupati

Friday, September 27, 2013

உலக சுற்றுலா தினம்









உலகம் முழுவதும் ஆண்டுதோறும் செப்டம்பர் மாதம் 27ஆம் தேதி சர்வதேச சுற்றுலா தினம் (World Tourism Day Tour Tourist) 
ஆகக்  கொண்டாடப்படுகிறது.

உலகின் இரண்டாவது மிகப் பெரிய தொழில் சுற்றுலா. 

(முதலிடத்தில் இருப்பது கச்சா எண்ணெய்த் துறை)


சுற்றுலா மூலமாக வேலை வாய்ப்பு, அந்நியச் செலவாணி வருமானம், மக்களின் வாழ்க்கை தரம் உயர்தல் என  ஏராளமான பலன்கள் நாட்டுக்குக் கிடைக்கும் ! 

வளரும் நாடுகளுக்கு மிகப் பெரிய மூலஆதாரமாக சுற்றுலா விளங்குகிறது. 

இந்திய அரசு சிறந்த சுற்றுலாப் பகுதிகளுக்கு என தேர்வு செய்துள்ள சுமார் 60 இடங்களில் சுமார் 20 இடங்கள் தமிழகத்தில் உள்ளது பெருமைப்படத்தக்கது ..!

கோவில் நகரங்கள். கலாச்சார மையங்கள், மலை வாஸ்தலங்கள், வர்த்தக மையங்கள் போன்றவை முக்கிய சுற்றுலா இடங்களாக திகழ்ந்து வருகின்றன.  
குறிப்பாக, தஞ்சாவூர், கும்பகோணம், காஞ்சீபுரம், ராமேஸ்வரம், கன்னியாகுமாரி, தரங்கம்பாடி திருவரங்கம், திருத்தணி, பழனி, சிதம்பரம், மதுரை போன்ற சரித்திரப் புகழ்பெற்ற சுமார் 15 நகரங்களைத் தொன்மை குறையாமல் தமிழக அரசு பாதுகாத்து வருகிறது. 
குடுமப்த்தோடு ம்னம் நிறைந்து பொழுது போக்கவும், 
வழக்கமான பணி சுமையிலிருந்து ஒரு மாற்றத்துக்காகவும் 
கல்வியறிவு பெறவும். தொழில் தொடர்பு கொள்ளவும் 
சுற்றுலா மேற்கொள்ளப்படுகிறது. 

தமிழ்நாடு சுற்றுலா வளர்ச்சிக் கழகம்’ என்ற அமைப்பை ஏற்படுத்தி பல சிறப்பு திட்டங்களுடன் இயங்கி வருகிறது. 

சுற்றுலா பயணிகள் தாங்கள் விரும்பும் இடங்களுக்குச் சென்றுவர சுற்றுலா துறையே தங்கும் விடுதிகள் மற்றும் வாகன வசதிகளை செய்து தருகிறது. 

தமிழகத்துக்கு வரும் சுற்றுலா பயணிகள் தங்குவதற்கு வசதிக்காக மோட்டல்கள் (சாலையோர விடுதிகள்) பல் இடங்களில் மிகச் சிறந்த முறையில் இயங்கிக் கொண்டிருக்கின்றன.

ஹரியானா, ஹிமாச்சலப் பிரதேசம், பஞ்சாப் போன்ற மாநிலங்களில் சுற்றுலா ஒரு முக்கிய தொழிலாக நடந்து வருகிறது.