Sunday, February 10, 2013

சீனாவில் வசந்த விழா














பூமி பூப்பூக்கும் இனிய வசந்தத்தில் புத்தாண்டு மலர்வது இயற்கை அன்னையே மலர்களால் பூமியை ஆசிர்வதித்து புதிய ஆண்டை தொடக்கி வைப்பது  இனிய வரவேற்பாக. சீனர்களின் வசந்த விழாவான சீன புத்தாண்டாகக்  கொண்டாடப்படுகிறது ...

ஒவ்வொரு வருடங்களையும் ஒவ்வொரு விலங்கினங்களைக் கொண்டு அழைக்கும் சீனர்கள் பிறக்கவுள்ள புத்தாண்டை பாம்பு வருடமாக அழைக்கின்றனர். 
சீனர்களின் நம்பிக்கைப்படி பாம்பு என்பது நெருப்பை குறிக்கிறதாம். ஆகையால் அதிக சக்தியை அளிக்கவுள்ளதாக மகிழ்கின்றனர் ...







சீனா, ஜப்பான், மலேசியா போன்ற நாடுகளில் சீனர்களுடன்  அனைத்து மக்களும்  புத்தாண்டை மகிழ்ச்சியாக உற்சாகத்துடன் வரவேற்கிறார்கள்..




சீனாவில்  12 விலங்குகளின் பெயர்களை ஆண்டின் 
பெயராகச் சூட்டியுள்ளார்கள் ..

அவர்களுடைய புராணம் புத்தர் பூமியைவிட்டுப் பிரியும் வேளையில் எல்லா விலங்குகளையும் சந்திக்க அழைத்தாராம். ஆனால், வந்தது எலி, எருமை, புலி, முயல், பாம்பு, குதிரை, குரங்கு, சேவல், நாய், பன்றி!  
உட்பட மொத்தம்   12 விலங்குகள்தானாம். 

அதனால், அந்த விலங்குகளுக்கு நன்றிக்கடன் பாராட்டும் வகையில் அவை வந்து சேர்ந்த நேரப்படி வரிசைப்படுத்தி ஒவ்வொரு ஆண்டுக்கும் பெயர் சூட்டப்பட்டதாக  நம்பிக்கை ....


வீட்டு வாயில் கதவில் கெட்ட ஆவிகளின் வருகையைத் தடுக்கவும் அதிர்ஷ்ட தேவதையை வரவேற்கவும் இரண்டு கடவுள்களின் உருவங்களை ஒட்டி வைத்திருப்பார்கள்.

புத்தாண்டு அன்று புதிய உடைகள், புதிய காலணிகள் அணிவது ஆண்டு முழுவதும் அவை கிடைக்கும் என்ற உத்திரவாதத்தைத் தருமாம்.

அதிர்ஷ்ட தேவதையை வெளியில் தள்ள விரும்பாததால் .. புத்தாண்டு அன்று வீட்டைப் பெருக்க மாட்டார்கள்.  துடைப்பம், குப்பைத்தொட்டி, தூரிகை(Brush) போன்ற பொருள்களை எடுத்து மறைத்து வைத்துவிடுகிறார்கள். 

ஏனெனில், அன்றைய நாளில் வீடுகூட்டுதல், தூய்மைப்படுத்துதல் முதலான வேலைகளைத் தவிர்க்கிறார்கள். இப்படிச் செய்வதால் விட்டில் உள்ள நற்பேறு (Luck) விலகிப்போய்விடும் என்று நம்புகிறார்கள்...

கருப்புத் துணிகள் அணியக் கூடாது. கூர்மையான கத்தி, கத்தரிக் கோல் பயன்படுத்தக் கூடாது. அன்று கை தவறிப் பொருட்கள் விழுந்து உடைந்தால் அபசகுனம். 

அதை நிவர்த்தி செய்ய, வீட்டிலுள்ள பெரியவர்கள் "luo di kai hua" என்று 
சொல்லி விட்டால் விழுந்த பொருளின் சாபம் பலிக்காது.

புத்தாண்டு பிறப்பானது தங்களின் ஆற்றலைப் புதுப்பிக்கிறது; நம்பிக்கையை அதிகரிக்கிறது; புதிய எதிர்ப்பார்ப்புகளை உண்டாக்குகிறது என்று சீனர்கள் நம்புகிறார்கள். 

புத்தாண்டு வாழ்க்கையில் பல ஆக்கமான மாற்றங்களை ஏற்படுத்துகிறது என எண்ணுகிறார்கள்.
புத்தாண்டு நாளில் சீனர்கள் தங்கள் வீடுகளைத் தூய்மைப்படுத்தி அலங்காரமும் செய்கின்றனர். 

சிவப்பு நிறத்திலான ‘தங்லுங்’ (காகிதத்தைக் கொண்டு அழகழகான வடிவத்தில் செய்யப்பட்டு உள்ளே மெழுகுவர்த்தி ஏற்றி வைக்கப்படும் ஒருவகை ஒளியணிப் பொருள்) வீட்டின் முன்னால் கட்டப்படும். வீட்டு நுழைவாயிலில் மங்கல வாழ்த்து பொறிக்கப்பட சிவப்புப் பதாகைகள் தொங்கவிடப்படும். இப்படிச் செய்வதால் வீட்டுக்குள் மகிழ்ச்சியும் செல்வமும் பெருகும் என்பது நம்பிக்கை.
,பட்டாசு வெடிப்பது சீனப் புத்தாண்டின் குறிப்பிடத்தக்க நிக்ழ்வாகும் . மனிதர்களைப் பிடித்து விழுங்கும் ‘நியன்’(Nian) என்ற ஓர் அரக்கனை விரட்டவே பட்டாசு வெடிக்கப்படுவதாகக் கூறப்படுகிறது. 

, கெட்ட சத்திகளை விரட்டியடிக்கும் நோக்கத்திலேயே சீனர்கள் பெரிய அளவில் பட்டாசு கொளுத்துவதை வழக்கமாகக் கொண்டுள்ளனர். இதற்காகவே, சீனாவில் மணிக்கணக்காக வெடிக்கும் சரவெடிகள் தயாரிக்கப்படுகின்றன. 

சீனநாக நடனமும் சிங்க நடனமும் புத்தாண்டின்போது சீன ஆலயங்களிலும் வீடுகளிலும் படைக்கப்படுகின்றன...




File:சீனப் புத்தாண்டு அலங்காரம் 2.JPG



Saturday, February 9, 2013

வலிமை சேர்க்கும் வால் வழிபாடு


அன்னைகை மோதிரத்தை அளித்தலும் மணியைத் தந்து
இன்னெடும் கடலைநீயும் எங்ஙனம் கடந்தாய், என்ன
உன்னத நெடியமாலாய் உயர்ந்தெழுந் தடங்கி நின்று
மன்னுதாய் ஆசி பெற்ற மாருதி பாதம் போற்றி


அஞ்சனை மைந்தா போற்றி அஞ்சினை வென்றாய் போற்றி
வெஞ்சினக் கதிர்பின் சென்று பிழுமறை யுணர்ந்தாய் போற்றி
மஞ்சன மேனிராமன் மலர்ப்பாதம் மறவாய் போற்றி
எஞ்சலில் ஊழியெல்லாம் இன்றென் விருப்பாய் போற்றி
அன்பு, அறம், அருள் ஆகியவற்றின் முழு வடிவமாகத் திகழும் ஸ்ரீஆஞ்சனேயர் வழிபாடு சர்வமங்களங்களையும் அளிக்கக்கூடியது. 

அனைத்து உயர்ந்த குணங்களுக்கும் உறைவிடமாகத் திகழும் ஸ்ரீஆஞ்சனேயரின் வலிமை முழுதும் அவரது வாலில் இருக்கிறது. 


அனுமனது வாலில் நவகிரகங்களும் ஐக்கியமாகி இருப்பதாக ஐதீகம். 

ஆஞ்சனேயரின் வாலின் நுனியில் சந்தனம், குங்குமம் இட்டு 48 நாட்கள் பூஜித்து வந்தால் நவகிரகங்களை வழிபட்டதற்கு ஒப்பான பூஜையானது நவகிரக பூஜைக்கு இணையானது ...

முதன் முதலில் பஞ்ச பாண்டவர்களில் ஒருவரான  பீமன் செய்த வால் வழிபாடு பிரசித்தமானது ...

பீமன் பாரிஜாத மலரைத் தேடி காட்டில் சுற்றி அலைந்து வழியின் குறுக்கே  ஆஞ்சனேயரின் வால் என்பதை அறியாத பீமன், ""பாதையை விட்டு உன் வாலை நகர்த்து'' என்று கோபமாகக் கூறினான்.

அதற்கு ஆஞ்சனேயர், ""முதுமையின் காரண மாக என் வாலை நகர்த்த முடியாமல் படுத் திருக்கிறேன். நீயே வாலை ஓரமாக நகர்த்தி வைத்து விட்டுப் போ'' என்றார்.

பலமுறை கடுமை யாக முயற்சித்தும் வாலை நகர்த்த முடியவில்லை. அனுமனே தன்னுடைய வாலை நகர்த்திக் கொண்டு, தான் வாயுபுத்திரனான அனுமன் என்று கூறி பீமனை ஆசீர்வதித்தார்.

பீமன், அனுமனின் வலிமையை வியந்து பாராட்டி, அனுமனையும் அனுமனின் வாலையும் வணங்கினான்.

 வாலைப் பூஜித்து வழிபடுபவர்களுக்கும் சகல சௌபாக்கியங் களையும் அருள வேண்டும்'' என வரம் வேண்ட அனுமனும் வரம் அருள, அனுமன் வாலை வழி படும் வழக்கம் ஏற்பட்டது.

ஸ்ரீராம காரியத்தில் பங்குகொள்ள சிவபெருமானே ஆஞ்சனேய வடிவம் எடுத்ததாகவும், சிவபெருமானைப் பிரிய விரும்பாத பார்வதி தேவி அனுமனின் வாலாக உருவெடுத்ததாகவும் புராணங்கள் கூறுகின்றன. 

அனுமனை வணங்குவது சிவபெருமானை வணங்குவதாகவும்; அனுமனது வாலை வணங்குவது பார்வதி தேவியை வணங்குவதாகவும் கருதப்படுகிறது.

அனுமனது வாலை வணங்குபவர்கள் தாங்கள் பூஜிக்கும் ஸ்ரீஅனுமன் படத்தில், உடலில் வால் ஆரம்பமாகும் பகுதியில் பொட்டு வைக்க வேண்டும். முதலில் சந்தனப் பொட்டு வைத்து அதன்மேல் குங்குமப் பொட்டு வைக்க வேண்டும். 

அடுத்த நாள் அதன் அருகே பொட்டு வைக்க வேண்டும். இவ்வாறு தொடர்ந்து வாலின் நுனி வரை பொட்டு வைக்க வேண்டும். 

 வால் நுனியில் பொட்டு வைத்து முடிக்கின்ற நாளில் ஆஞ்சனேயருக்கு வடை மாலை சாற்றி பூஜை செய்து ஆஞ்சனேயர் நாமத்தையும் ராம நாமத்தையும் ஜெபித்து அனுமன் வாலை வழிபட்டால் நினைத்த காரியத்தில் பூரண வெற்றி கிடைக்கும்.


திருமணமாகாத பெண்கள் ஆஞ்சனேயர் வால் வழிபாடு செய்வதன் மூலம் பார்வதி தேவியின் அருள் பெற்று விரைவில் திருமண பாக்கியம் பெறுவர்.


ராகிகுட்டா அனுமன் வஜ்ர கவசம்
ஸ்ரீ ஓனி ஆஞ்சநேயர்
வஜ்ர கவசம், அலங்காரம்