ஸ்ரீ ராம நவமி

ஆயிரம் நாமங்களுடைய தத்துவங்களையும் 

ராம என்ற நாமம் கொண்டுள்ளது. 

எனவே, ஒருவன், ராம நாமத்தை மூன்று முறை ஜபிப்பதால் 

அந்த ஆயிரம் நாமங்களையும் ஜபித்தவன்  ஆகிறான்"

ஸ்ரீ ராம ராம ராமேதி ரமே ராமே மனோரமே 

ஸஹஸ்ர நாம தத்துல்யம் ராம நாம வரானனே.  

ராம நாம வரானனே   என்று ராம நாமத்தை பார்வதி தேவியிடம்

சொல்லிக் கொண்டாடுபவர் சாட்சாத் சிவபெருமான்..

லட்ச தீப ஒளியில் ஒளிரும் ஸ்ரீ கோதண்ட இராமர்

வால்மீகி என்ற மலையில் உற்பத்தியாகி, ராமன் என்ற கடலில் கலப்பதற்கு, பூமியைப் புனிதப்படுத்திக் கொண்டு செல்லுகின்ற மகாநதியே ராமாயணம்.

கிருஷ்ணாவதாரத்தில் என்ன நடக்கும் என்பது கிருஷ்ணனுக்குத் தெரியும். இராமாவதாரத்தில் என்ன நடக்கப் போகிறது என்பது மானுட அவதாரம் எடுத்த ராமனுக்குத் தெரியாது. அதுதான் இந்த அவதாரத்தின் மகிமை

ஸ்ரீராமனுடைய ஜனன காலத்தில் ஐந்து கிரகங்களும் மிகவும் உச்ச நிலையில் இருந்ததாம். 

அதனால் ஸ்ரீராமருடைய ஜாதகத்தை எழுதி பூஜை அறையில் வைத்து பூஜிப்பது மிகவும் விசேஷம்.. 

ஜாதகத்தை வைத்துப் பூஜிப்பவர்களுக்கும், வைத்திருப்பவர்களுக்கும், ஜாதக ரீதியாய் ஏற்படக்கூடிய நவக்கிரக நோஷ நிவர்த்தியும், 
ஸர்வ வியாதி நிவர்த்தியும், ஐஸ்வர்ய அபிவிருத்தியும், 
ஆயுள் ஆரோக்யமும் கிடைக்கும்.

 

 பத்து திசைகளிலும் ரதத்தை செலுத்த வல்லவன் என்பதால், அயோத்தி மன்னனுக்கு தசரதன் என்று பெயர்.

புத்திர காமேஷ்டி யாகம் செய்து யாகத்தில் தோன்றிய யாக 
புனித பாயசத்தை மூன்று மனைவியரும் உண்டார்கள். 


சுமித்திரைக்கு இரண்டு பங்கு பாயசத்தைக் கொடுத்துவிட லஷ்மணன் - சத்ருக்னன் என்று இருவர் பிறந்தனர். கௌஸல்யாவுக்கு ஸ்ரீராமனும், கைகேயிக்கு பரதனும் பிறந்தார்கள்.


புனர்ப் பூச நட்சத்திரமும், கடக ராசியும் ராமனுடையவை.
பரதன் - பூச நட்சத்திரம்; மீன லக்னம்.
லட்சுமணன் - ஆயில்ய நட்சத்திரம் - கடகலக்னம்.
சத்ருக்னன் - மக நட்சத்திரம் - சிம்மலக்னம்.
 
இவர்கள் பிறந்த மாதம் சித்திரை. சிறந்த லக்னம் கடக லக்னம். 
பதினோராம் இடத்திற்குரிய நான்கு கிரகங்களும் உச்ச நிலையில் இருந்தன.
ராமன் என்றாலே ஆனந்தமாக இருப்பவன் என்று பொருள். 
சுகதுக்கங்களில் சலனம்அடையாமல் தான் ஆனந்தமாகவே இருந்து கொண்டு மற்றவர்களுக்கு ஆனந்தத்தை தருபவன்தான் ஸ்ரீராமன்.
 
கடலைத் தாண்டும் பொழுது அனுமனை அரவை என்ற அரக்கியும், சிம்ஹை என்ற அரக்கியும் தடுத்தனர். 
அவர்களைத் தாண்டிச் செல்ல ராம நாமத்தைதான் உச்சரித்தார் அனுமன். 
அப்பொழுதுதான் ராம நாம மஹிமையை உணர்ந்தான் அனுமன்.
 

`ராம' என்னும் பெயர் சிறப்பை கம்பர் அற்புதமாக எடுத்துக் காட்டுகிறார்.

நன்மையும் செல்வமும் நாளும் நல்குமே
திண்மையும் பாவமும் சிதைந்து தேயுமே
சென்மமும் மரணமு மின்றித் தீருமே
இம்மையே ராமவென் றிரண்டெழுத்தினால்'' என்கிறார்.

பள்ளி எழுச்சி பாடுகின்றோம்

     ராமா ஸ்ரீ ராம ராம ராமா ஸ்ரீ ராம ராம எழுந்தருளாய் நாதனே..

 ஸ்ரீராமர் பிறந்த நன்னாளை ஸ்ரீராம நவமி என்று கொண்டாடுகிறோம். இது மகிழ்ச்சி கலந்த நன்னாள். அதை விரத தினமாக அனுஷ்டிக்கிறோம்.
ஸ்ரீராம நவமி உற்சவம் பத்து தினங்கள் கோயில்களில் கொண்டாடுவார்கள்..
நல்ல கணவர், குழந்தைகள் இரண்டையுமே இந்த விரதம் தந்துவிடும்.
 

ஸ்ரீ ராமச் சந்திரனுக்கு ஜெய மங்களம் - 
நல்ல திவ்யமுகச் சந்திரனுக்கு சுப மங்களம்
மாராபி ராமனுக்கு மனு பரந்தாமனுக்கு 
ஈராறு நாமனுக்கு ரவிகுல சோமனுக்கு
 


 


துளசிதளத்தின் கொலுசு அணிந்த லக்ஷ்மி