குபேர பூஜை

பாற்கடலை தேவர்கள் கடைந்தபோது குபேரன் உருவானான். 

லட்சுமி தேவியின் அருளைப் பெற்ற அவன், வற்றாத செல்வத்துக்குச் சொந்தக்காரன் ஆனான். இவனது எஜமான் ஸ்ரீமன் நாராயணன். 

ரிக் வேதத்தில், குபேரனுடன் மகாலட்சுமி, தன் தேவதைகளுடன் நியமிக்கப்பட்டுள்ளதாக இருக்கிறது. 

மகாலட்சுமியின் அஷ்ட சக்திகளில் இரண்டான
 ‘சங்க நிதி’, ‘பதும நிதி’யை குபேரன்தான் ரட்சிக்கிறார். 

சங்கநிதி, பதுமநிதி இருவரும் குபேரனின் 
இருமருங்கிலும் வீற்றிருக்கிறார்கள். 

சிவபூஜையில் லயிக்கும் குபேரன் ராஜ யோகத்தை அளிக்க வல்லவன், தனலட்சுமியும், தைர்ய லட்சுமியும் சர்வ சக்திகளாக குபேரனிடம் வாசம் செய்வதால் தனத்திற்கும், வீரத்திற்கும் ராஜனாகிறார். 

திருப்தியுடன் கூடிய சுகத்தில் தினமும் லயிப்பதால் கோபதாபங்கள் எழாமல் சாந்தகுணம் கொண்டுள்ளார். 

யட்சர்களுக்கு தலைவனான குபேரன் ஸ்ரீராஜராஜேஸ்வரியின் பஞ்சததி மந்திரத்தை சதா ஜபித்த வண்ணமிருப்பவன். 

இதனால் சகல சக்திகளையும் தன் வசம் கொண்டு பக்தர்களுக்கு ‘இல்லை’யென்று கூறாமல் வாரி வழங்கிடும் பெருங்குணம் கொள்கிறான். 

“எந்த பூஜை செய்தாலும், எந்த தெய்வத்தை துதித்து பூஜை செய்தாலும் முடிவில் ராஜாதிராஜனாகிய குபேரனை வணங்கினால்தான் பூஜையின் முழு பலன் கிட்டும் என்பார்கள். 

ஆகவே, கற்பூர ஆரத்தி காட்டும்போது யஜுர் வேதத்தில் இடம்பெறும்;

“ராஜாதி ராஜாய ப்ரஸய ஸாஹிநே

நமோ வயம் வைஸ்ரவணாய குர்மஹே!

ஸ மே காமாந் காம காமாய மஹ்யம்

கர்மேஸ் வர வைஸ் ரவணாய ததாது!

குபேராய வைஸ்ரவணாய, மஹாராஜாய நம!!

என்ற சுலோகத்தைக் கூறி, மங்கள ஆரத்தி செய்கிறார்கள். 

குபேர பூஜை துவங்குவதற்கு முன்னால் எப்போதும் போல் விநாயகரை தியானித்து அவரை பூஜிக்க வேண்டும். 

தொடர்ந்து லட்சுமி தேவியை விளக்கு வடிவிலோ அல்லது படமாகவோ வைத்து தூப தீபம் போன்ற பதினாறு உபசாரங்கள் செய்து, அஷ்டோத்திர (நூற்றியெட்டு) திருநாமங்களைக் கூறி, அடுத்து நவகிரகங்களை பூஜித்து, தொடர்ந்து தேவி வழிபாடு செய்ய வேண்டும்.

பசுக்களுக்கு பழம் கொடுத்தாலே கோடி புண்ணியம் தேடி வரும். பசுக்களிடம் குபேரன் குடிகொண்டிருக்கிறான். கோமாதா பூஜையை குபேர பூஜையாகக் கருத சாஸ்திரத்தில் இடமிருக்கிறது. 

செல்வம் நிலைத்து நிற்க, நமது வீடுகளில் வெள்ளை புறாக்கள் வளர்க்கலாம். சங்கு, நெல்லிக்காய், பசு சாணம், கோஜலம், தாமரைப்பூக்கள், சுத்தமான ஆடைகள் வைத்திருக்க வேண்டும்.

எண்களை வெள்ளை அரிசிமாவினாலும் , 
கட்டங்கள் சிவப்பு குங்குமத்தாலும்,
வார்தையை மஞ்சள் பொடியினாலும் வரையவேண்டும்..

எண்கள் கலையாமல் நாணயம் வைத்து யந்திரத்தின் 

முன் குத்துவிளக்கு ஏற்றிவைத்து பூஜை தொடங்கவேண்டும்..

மகாலஷ்மி தாயாரிடம் கடன்கள் தீர அல்லது வரவேண்டிய பணம் தடங்கலின்றி கிடைக்க ,நிறைய லாபம் வர  நம் கோரிக்கையை சொல்லி நாணயத்தின் மீது பூக்களைப்போட்டு மனதாரப் பிரார்த்திக்கவேண்டும்..

நம்முடைய பக்திபூர்வமான கோரிக்கையுடன் ஒன்பது முறை வேண்டிக்கொண்டு பூஜை முடிந்து கற்பூர ஹாரத்தி காட்டி பூஜையை

நிறைவு செய்து பலனடையலாம்..

குபேரனை நூற்றியெட்டு திருநாமங்களால் பூக்களைக் கொண்டு அர்ச்சித்து, இனிப்புப் பண்டங்களை நிவேதனம் செய்து பூஜையை நிறைவு பெறச் செய்ய வேண்டும்.

Kubera Rudraksha Mala 

Sri Lakshmi Kubera Yanthram Moola Mantra

Om Shreem Hreem Im Kubera Lakshmiai 

Kamaladharinyai Dhana Akrashinyai Swaaha