தேனீஸ்வரர்

மூர்த்தி தலம் தீர்த்தம் ஆகிய முப்பெருமைகளையும் தன்னகத்தே கொண்டு தென்னஞ்சோலைகள் சூழ்ந்த சோலைவனத்தின் தேனிக்களால் தேனாபிஷேகம் செய்யப்படும் தெனாடுடைய சிவன் சுயம்பு மூர்த்தமாக அருள் பொழியும் , கோவையின் தென் கிழக்கில் அமைந்துள்ள வெள்ளலூர் தேனீஸ்வரர் ஆலயத்திற்கு சித்திரை முதல்நாள் ஆதவன் தன் பொற் கதிர்களால் இறைவனை வணங்கும் அதிசய நாளில் சென்றிருந்தோம்...

கல்லணை கட்டிய கரிகால சோழமன்னனால் கட்டப்பட்ட பழமையான ஆலயம்..

அஷ்டமி சந்த்ர விப்ராஜ

லலிதா ஸஹஸ்ரநாமம் கூறும் – அஷ்டமீ சந்த்ர விப்ராஜ... என்ற நாமத்தின் படி,அம்பிகையின் நெற்றி - எட்டாவது நாளின் சந்திரனின் வடிவத்தினுடைய காந்தியைக் கொண்டுள்ளது என்றும், கீழ் முகம் மற்றும் ஒரு எட்டாவது சந்திரனுடைய ஒளியைக் கொண்டுள்ளது என்றும் புராணங்கள் கூறுகின்றன. 

 -- அதாவது 8 + 8 = 16 – பெளர்ணமி தினத்தை விட மேலான ஒரு ஒளியைக் கொண்டுள்ளவள் அம்பிகை ....


அந்த அஷ்டமி திதியின் அழகிய காட்சியோடு சிவாலயதரிசனம் சிறப்பாக அமைந்தது.. 

காஞ்சிமா நதியென்று சிறப்பிக்கப்படும் நொய்யல் ஆற்றின் தென் கரையில் இயற்கை எழில் கொஞ்ச கிழக்கு நோக்கி ஆலயம் அமைந்துள்ளது..

தேனீக்கள் தேனபிஷேகம் செய்ததால் தேனீஸ்வரர் எனப் பெயர் கொண்டு அழைப்படுகிறார்..

சிவனுக்கு இடப்புறம் இரண்டு கரங்கள் கொண்ட அபூர்வ அமைப்பில் சிவகாம சுந்தரி திகழ்கிறாள்..

ஓம்கார வடிவத்துடன் அபூர்வமான வெங்ச்சங்கல் என்னும் வெள்ளை நிறக்கல்லால் உளி கொண்டு செதுக்காமல் சுயம்புவான 
ஆனை முகனின் அற்புதக் கோலத்தைத் தரிசிக்கலாம்..

அருமையான தட்சிணாமூர்த்தி, வெங்கற்களால் ஆன பஞ்சலிங்க மூர்த்திகள், சிவனின் தீர்த்தத் தொட்டிக்கருகில் அமைந்துள்ள சண்டேஸ்வரர் ஆகியோரை தரிசிக்கலாம்..

சிவராத்திரி, பிரதோஷம், அமாவாசை, வெள்ளிக்கிழமைகள் ,சஷ்டி, ஆகிவைகள் சிறப்பாக ஆராதிக்கப்படுகின்றன..

ஆலயத்திற்குச் செல்லும் வழியில் நிறைய காரம்பசுக்களைக் காணமுடிந்தது மகிழ்ச்சியளித்தது.. 
அவற்றிற்குபூஜை செய்து கொண்டிருந்தார்கள்.. 
நாங்களும்  பசுக்களுக்கு உணவளித்து வணங்கினோம்...

பேரூர் திருக்கோவில் -ஆருத்ரா தரிசனம்



அருகில் கட்டப்பட்டுவரும் கள்ளழகர் ஆலயம்..