கல்பாத்தி தேர்

கேரளாவின் புகழ் மிக்க திருவிழாக்களுள் ஒன்றுபாலக்காட்டிற்கு அருகேயுள்ள கல்பாத்தியில் வரலாற்று சிறப்பு மிக்க விஸ்வநாதசுவாமி ஆலய தேர் திருவிழா ...

தமிழகத்தில், மயிலாடுதுறையைச் சேர்ந்தவர் தன் தள்ளாத வயதில் காசிக்குச் சென்று திரும்பி வரும்போது ஒரு 'ஜ்யோதிர்’ லிங்கத்தைக் கொண்டு வந்தார். 

வழியில்... நதிக் கரைகளில் தங்கி, சிவலிங்கத்தை வைத்து பூஜிப்பதுமாக இருந்தார்.

இப்படியாக, பாலக்காடு - கல்பாத்திக்கு வந்தவர், அங்கிருந்த நிலா பாகீரதி ஆற்றங்கரையில் ஜ்யோதிர் லிங்கத்தை வைத்து வழிபட்டார். 

அங்கு வந்த பொதுமக்களும் வணங்கி வழிபட்டனர். சிலநாட்கள் கழித்து அங்கிருந்து கிளம்பும் வேளையில், அந்த சிவலிங்கம் அசையவே இல்லை. '

இந்த சிவலிங்கம் இருக்கவேண்டிய இடத்தை, அந்த சிவபெருமான் தேர்வு செய்துவிட்டார்’ என உணர்ந்து கொண்டார்... 

அப்போது பாலக்காடு பகுதியை ஆட்சி செய்த மன்னன் 
இட்டி கோம்பி ஆலயம் எழுப்பினாராம்..

கேரள மாநிலத்தில் உள்ள சிவன் கோயில்களில் இங்கு மட்டுமே நடராஜருக்கு கனகசபை அமைந்துள்ளது. 

இத்தலத்தில் நவகிரகங்கள் தம்பதியருடன் அருள்பாலிப்பது சிறப்பு. 

விஸ்வநாத சுவாமி கோயிலுக்கு தெற்கு ,கிழக்கு திசைகளிலிருந்து 18 படிகள் கீழே இறங்கி செல்லும் அமைப்பிருப்பதால் குண்டுக்குள் கோயில் என்று அழைக்கின்றனர். 

கோயிலிருந்தே கல்பாத்தி ஆற்றங்கரைக்கு செல்லும் வழியிருப்பதும் சிறப்பு வாய்ந்ததாகும். 

காசியில் பாதி கல்பாத்தி என்ற புகழ் பெற்றது... . 

சிவபார்வதி, கணபதி, நடராஜர், சிவகாம சுந்தரி, பிரதோஷமூர்த்தி, வள்ளி, தெய்வானை சமேத சுப்பிரமணிய சுவாமியும் எழுந்தருளியுள்ளனர். 

மயிலாடுதுறை மாயூரநாத சுவாமி கோயிலில் நடப்பது போன்றே ரதோற்ஸவம் இங்கும் நடக்கிறது.

காசி போல ஆறுகால் பூஜை உண்டு..

நூறு ஆண்டுகளுக்கு முன் தமிழக சிற்பிகளால் கவினுற வடித்துக்கொடுக்கப்பட தேர் மிகுந்த சிறப்பு வாய்ந்தது..

ஐப்பசி மாதம் மிகப்பெரிய அளவில் நடைபெறும் தேர் திருவிழா சுற்றியுள்ள 18 கிராமங்களையும் தேர் சுற்றிவந்து கார்த்திகை மாதத்தில் நிலைக்கு வருகிறது..

மனித சக்தியை மட்டுமே நம்பி தேர் இழுப்பதில்லை.

யானைகள் தேரை முட்டித்தள்ள மனிதர்கள் இலகுவாக 
இழுக்க சிரமம் குறைவு..

தேரோட்டம். இதற்கென சிறப்பு பயிற்சி அளிக்கப்பட்ட யானைகள் இருக்கின்றன. எத்தகைய இரைச்சலிலும் மிரளாமல் கருமமே கண்ணாயினராக தேர் தள்ளுகின்றன யானைகள்

















Kalpathi River




GOVINDARAJAPURAM-THE ABODE OF KANCHI VARADARAJA PERUMAL IN KERALA