சுபிட்சம் அருளும் ஸ்ரீஅதிர்ஷ்ட தேவி வழிபாடு..

கனகதாரா துதி

இல்லங்களில் சுபநிகழ்ச்சிகள் நடைபெறும்போது, 

அதிகாலையில் எழுந்து தீபம் ஏற்றி, வாசலில் கோலம் போடுகிறோம்

 மங்களகரமான் ஐஸ்வர்யம் நிறைந்த இல்லம என்று, மனிதர்களின் மனம் சஞ்சலமின்றி இருக்கும் நேரமான  .பிரம்ம முகூர்த்த வேளையில் வாசல் வழியாகச் செல்லும் மகாலட்சுமி வீட்டினுள் நுழைந்து வாழ்க்கையில் வெற்றியாளர்களாகத் திகழவைத்து விடுவாளாம். 

 அதிகாலையில் எழுந்து செய்யும் வழிபாடு, பெறுகின்ற ஆசிகள் அனைத்தும் இரட்டிப்பான பலன்களைத் தரும் என்பதால்தான் இல்லங்களில் பிரம்ம முகூர்த்த காலத்தில் புதுமனை புகுதலைச் செய்துவிடுவது வழக்கம்..

கணபதி ஹோமம் சூரிய உதயத்திற்கு 

முன்பே நிறைவேற்றப்படவேண்டும்..

காயத்ரி மந்திரமும் பிரம்ம முகூர்த்த வேளையில் ஜபிப்பது 

நலம் தரும் என்பதை அனுபவத்தில் உணரலாம் ..!

 அமைதியுடன் மிகச் சாந்தமாக வழிபாட்டைத் தொடர்ந்தால், 

அதிர்ஷ்ட தேவியின் அருள் பரிபூரணமாகக் கிடைக்கும்.

ஞானநூல்கள், அதிர்ஷ்ட தேவி வழிபாட்டை பௌர்ணமி, பூரம் நட்சத்திர நாள், வெள்ளிக் கிழமை ஆகிய நாட்களில்  செய்ய வழிகாட்டுகிறது..

பூஜையறையைக் கழுவிக் கோலமிட்டு அலங்கரித்து, 

ஸ்ரீஅதிர்ஷ்ட தேவி திருவுருவப் படத்தை நடுநாயகமாக இருத்தி, 

சந்தன-குங்குமம் இட்டு, பூமாலைகள் சார்த்தவேண்டும். 

 இனிப்பு, பழங்கள், தாம்பூலம் நைவேத்தியம் செய்யவேண்டும்..

முதலில், விநாயகர் துதி! 

அடுத்து, அதிர்ஷ்ட தேவியின் தியான ஸ்லோகம் கூறவேண்டும். 

அன்றைய திதி, நாள்- நட்சத்திரத்தைச் சொல்லியபடி, 

கூப்பிய கரங்களில் மலர்களை வைத்துக்கொண்டு, 

தியான ஸ்லோகத்தைப் படிக்க வேண்டும்.

பங்கஜாட்சீம் சுவர்ணாபாம் சுரத்ன மகுடான் விதாம்

நாகாபரண சம்யுக்தாம் புஜத்வய சமன்விதாம்

சுதா பேடக சாலீஞ்ச வாம ஹாஸ்தேன தாரிணீம்

ஸவ்யேகரே சுபத்மஞ்ச லம்ப கேசேன சோபனாம்

பத்மோபவிஷ்டாம் ஸுவஸ்த்ராம் லம்பபாத யுகாம் சுபாம்

பாதாதஹ பங்கஜோ பேதாம் சங்கோலூக சமன் விதாம்

தீர்த்த மத்யே ஸ்திதாம் தேவீம் தான்ய லக்ஷ்மீ மஹம் பஜே.

தலையில் மாணிக்கக் கிரீடம் அணிந்து, 

செந்தாமரை மீது அமர்ந்தவளாக, 

வலக் கையில் தாமரையும் இடக்கையில் பொற்கிழியும் ஏந்தியவாறு, தன்னை வழிபடுபவர்களுக்கு மனமுவந்து கொடுப்பதற்காக நெற்கதிரும் வைத்திருக்கிறாள் அதிர்ஷ்ட தேவி. 

தாமரைக் குளத்தில் செந்தாமரையில் அமர்ந்திருக்கும் இந்தத் தேவியைக் கண்ட குபேரன் வலம்புரிச் சங்கின் வடிவிலும், திருமகள் சிந்தாமணி மற்றும் சாளக்கிராம வடிவிலும் அருகில் திகழ, மங்கலப் பொருட்களும் நிறைவாகச் சிதறிக் கிடக்கின்றன. 

இந்த அதிர்ஷ்டதேவிக்கு ஆந்தையே சகுனப் பட்சியாக அமர்ந்துள்ளது.

அதிர்ஷ்டதேவியின் திருவுருவைச் சிறப்பிக்கும்  தியான ஸ்லோகத்தைச் சொல்லி, தேவியை வணங்க வேண்டும். 

 காமாட்சி விளக்கு  ஏற்றி வைத்து, யோக சக்தியான அதிர்ஷ்டதேவியை வர்ணித்து, 26 நாமாவளிகளைக் கூறி பூக்களால் அர்ச்சனை செய்ய வேண்டும்.

26 திருநாமங்கள்: 

ஓம்ஸ்ரீம் தாராயை, 

ஓம்ஸ்ரீம்வித்யாயை, 

ஓம்ஸ்ரீம்ஓம்ஸ்ரீம்முநின்யை 

ஓம்ஸ்ரீம்சரத்தாயை, 

ஓம்ஸ்ரீம்ஜராயை, 

ஓம்ஸ்ரீம்மேதாயை, 

ஓம்ஸ்ரீம்ஸ்வதாயை, 

ஓம்ஸ்ரீம்ஸ்வஸ்தியை, 

ஓம்ஸ்ரீம்வர்மின்யை, 

ஓம்ஸ்ரீம்பாலின்யை, 

ஓம்ஸ்ரீம் ஜ்வாலின்யை, 

ஓம்ஸ்ரீம்க்ருஷ்ணாயை, 

ஓம்ஸ்ரீம் ஸ்மிருத்யை, 

ஓம்ஸ்ரீம் காமாயை, 

ஓம்ஸ்ரீம்உன்மத்யை, 

ஓம்ஸ்ரீம்ப்ரஜாயை, 

ஓம்ஸ்ரீம்சிந்தாயை, 

ஓம்ஸ்ரீம்க்ரியாயை, 

ஓம்ஸ்ரீம் க்ஷ£ந்த்யை, 

ஓம்ஸ்ரீம்சாந்த்யை, 

ஓம்ஸ்ரீம்தாந்த்யை, 

ஓம்ஸ்ரீம்தயாயை, 

ஓம்ஸ்ரீம்ஸ்வஸ்திதாயை, 

ஓம்ஸ்ரீம்தூத்யை, 

ஓம்ஸ்ரீம்கத்யாயை, 

ஓம் அதிர்ஷ்ட கலாயை நம

நாமாவளி அர்ச்சனை முடிந்ததும், தூப- தீபங்கள் காட்டி, நிவேதனம் செய்து,

'ஓம் ஸ்வர்ண ரூப்யைச வித்மஹே 

                                           கமல ஹஸ்தாய தீமஹி 

                                          தந்தோ அதிர்ஷ்டதேவி ப்ரசோதயாத்’ 

என்ற அதிர்ஷ்டதேவி காயத்ரீ மந்திரத்தை மூன்றுமுறை சொல்லி, 

ஆரத்தி செய்ய வேண்டும். 

அதிர்ஷ்ட தேவி படம் முன்பு அமர்ந்து, '

ஓம் ஸ்ரீம் அதிர்ஷ்ட தேவ்யை ஸ்வர்ண வர்ஷின்யை சுவாஹா’ 

என்று 108 முறை ஜபம் செய்வது விசேஷம்!

 அதிர்ஷ்ட தேவியை வழிபடுவதோடு உழைப்பும், தன்னம்பிக்கையும், விடாமுயற்சியும், இன்முகப் பேச்சும் இருந்தால்... அதுவே, அதிர்ஷ்டதேவி   அந்த இல்லத்திற்குள் அடி எடுத்து வைக்கும் தெய்வீகப் படிகளாகும். 

.உழைப்பாலும், சரியான நேரத்தில்  கடமையைச் செய்வதாலும், 

அதிர்ஷ்டம் தடை இன்றி தேடிவரும் 

அதிர்ஷ்ட தேவையை வணங்குகிறபோதும்,  தலையாய பணிகளையும் காலத்தில் செய்துவிட வேண்டும் என்பதை நினைவில் கொள்ளவேண்டும்..!

இஷ்ட வரம் தரும் அஷ்டவிதார்ச்சனை..!

ஜனனீ..ஜனனீ .. ஜகம் நீ அகம் நீ.. ஜஹத் காரணி நீ....

தெய்வங்களுக்கான பூஜைகளில் அர்ச்சனை 
செய்யும் நிகழ்ச்சி சிறப்பிடம் வகிக்கிறது.

அர்ச்சனை என்பது தெய்வங்களின் வீரதீரங்களையும், அளப்பரும் கருணையால் அவர்கள் விளைவித்த அற்புதச் செயல்களையும் குறிக்கும் சிறப்புப் பெயர்களைக் கூறி நமது வாழ்த்தையும் வணக்கத்தையும் தெரிவித்துப் பூக்களைத் தூவி வழிபடுவதாகும்.

தெய்வங்களை அவர்கட்கே உரிய தலை சிறந்த எட்டுப் பெயர்களைக் கூறி வாழ்த்தி வணங்கும் மரபு ஆதியில் இருந்தது.

பின்னாளில் அத்துடன் 100, 1000 என்ற எண்ணிக்கையில் பெயர்களைச் சேர்த்துக் கூறி வணங்கியபோதும், அவை எட்டுக்கும் அதிகமான நூறு (அஷ்டோத்ர சதம்),
ஸ்வர்ண புஷ்பங்கள்...!

எட்டுக்கும் அதிகமான ஆயிரம் ( அஷ்டோத்ர சகஸ்ர நாமம்) 
என்றே அழைக்கப்பட்டன.

ஆயிரம் பெயர்களை நூறு முறை கூறி வணங்கும் 
அஷ்டோத்திர லட்சார்ச்சனை முறையும் உள்ளது.

 தெய்வங்களின் இயல்புக்கும் சிறப்புக்கும் ஏற்ப பல்வேறு 
அர்ச்சனைகளும் செய்யப்படுகின்றன.

செந்தாமரை மலர்களால் அர்ச்சனை செய்தால் தன லாபம், தொழில் முன்னேற்றம் கூடும். சூரியனின் அருள் கிடைக்கும். 

மனோரஞ்சிதம், பவழமல்லி மலர்களால் அர்ச்சனை செய்தால் நீண்ட ஆயுள், இல்லறத்தில் ஒற்றுமை நிலவும். சந்திரன் அருள் கிட்டும். 

மல்லிகை, இருவாட்சி, வெண்தாமரை, நந்தியா வட்டை மலர்களால் செய்யும் அர்ச்சனை மன சஞ்சலம் நீக்கும். புத்திக் கூர்மை, கலைகளில் மேம்பாடு போன்றவற்றைத் தரும். செவ்வாய் அருள் கிடைக்கும். 

புதனின் அருள் பெற, மருக்கொழுந்து, மாசி பச்சை ஆகியவற்றால் அர்ச்சனை செய்யலாம். வித்தைகளில் தேர்ச்சி கிட்டும்.

குருவின் அருள் பெற, செவ்வந்தி, மஞ்சள் அரளி, தங்க அரளி மலர்களால் அர்ச்சிக்க வேண்டும். கடன் தீரல், திருமண பாக்கியம் போன்றவை கிடைக்கும்.

சுக்கிரன் அருள் பெற தெத்திப்பூ, செம்பருத்தி, அடுக்கு அரளி மலர்களால் அர்ச்சிக்கலாம். ஞானம், புகழ், தொழில் விருத்தி உண்டாகும்.

சனி பகவான் அருள் பெற, நீலநிற சங்கப்பூ அர்ச்சனை செய்யலாம். வறுமை, அவச்சொல், அபாண்டங்கள் நீங்கி ஆயுள், ஆரோக்கியம் கூடும். தெய்வ அருள் கிடைக்கும். கருந்துளசி, வில்வம், மகிழம்பூ அர்ச்சனை, சங்கடங்களை நீக்கி சகல காரிய சித்தி தரும். ராகு, கேது அருள் கிடைக்கும்

சிவபெருமானுக்கு ஐந்து முகங்கள் இருப்பதையொட்டி ஐந்து அர்ச்சகர்கள் சிவலிங்கத்தைச் சுற்றி நின்று ஐவகை மலர்களால் அர்ச்சிக்கும் முறைக்குப் பஞ்சமுகார்ச்சனை என்பது பெயர்.



ஆறுமுகப் பெருமானுக்கு ஆறு பேர் சுற்றி நின்று செய்யும்
ஷண்முக அர்ச்சனை வழக்கில் உள்ளது.

பைரவருக்கும் எட்டு என்ற எண்ணிற்கும் மிகுந்த தொடர்பு உள்ளது. அதையொட்டி அவருக்கு அஷ்ட விதார்ச்சனை என்னும் சிறப்பு அர்ச்சனை செய்யப்படுகிறது.

இதில் எட்டு விதமான மலர்கள், எட்டு விதமான தளிர்கள், இலைகள் கொண்டு எட்டு பேர் சுற்றி நின்று பைரவரின் ஆயிரம் திருநாமங்களைச் சொல்லி அர்ச்சிக்கின்றனர்.

ஆகம நுல்கள் பல வகையான மலர்களைக் குறித்தாலும் நடைமுறையில் கிராமங்களில் எளிதில் கிடைக்கும் 1.தும்பை, 2.செம்பரத்தை, 3.வண்ண மலர் ஆத்தி, 4.கொன்றை, 5. மதமத்தம் 6. செண்பகம், 7 கள்ளி, 8. நெருஞ்சி ஆகிய எண் மலர்களைக் கொண்டும் பூஜிக்கின்றனர்.

அதைத் தொடர்ந்து எட்டு விதமான நிவேதனங்கள் நிவேதிக்கப்படுகின்றன.

 வெண்ணெய், நெய்யில் நனைத்த வடை, தேனில் அமிழ்த்திய வடை, தேனில் ஊற வைத்த இஞ்சி, இளநீர், பானகம் முதலியவைகளும் நிவேதிக்கப்படுகின்றன. மிளகுசாதம்(சம்பா சாதம்), தயிர்சாதம், புளிசாதம், வெண் பொங்கல், சர்க்கரைப் பொங்கல், பருப்புசாதம், எள் சாதம், எலுமிச்சம் சாதம் போன்ற எண் வகை அன்னங்களும், பாயாசங்களும் நிவேதிக்கப்படுகின்றன.

அஷ்டவிதார்ச்சனை செய்வதால் பைரவர் மனம் மகிழ்ந்து அன்பர்களின் வாழ்வில் தோன்றும் அச்சத்தை நீக்கி, வாழ்வில் வளம் தந்து காப்பார் என்பது உறுதியான நம்பிக்கை.

 1008 வடைகளைக் கொண்ட மாலையுடன் அஷ்டவிதார்ச்சனை நடைபெறுவது சிறப்பு!