கோலாகல வைகுண்ட ஏகாதசி விழா

https://play.google.com/store/apps/details?id=com.relizen.lordbalaji
இந்த சுட்டியில் திருப்பதி பெருமாளை ஆராதிக்கலாம்..!

 கதிரவன்குணதிசைச்சிகரம் வந்தணைந்தான் 
கனவிருளகன்றது காலையம் பொழுதாய்

மதுவிரிந்தொழுகின மாமலரெல்லாம்
வானவரரசர்கள் வந்து வந்தீண்டி

எதிர்திசை நிறைந்தனரிவரொடும் புகுந்த
இருங்களிற்றீட்டமும் பிடியொடு முரசும்

அதிர்தலிலலை கடல்போன்றுள தெங்கும்
அரங்கத்தம்மா! பள்ளியெழுந்தருளாயே. 

ஏகாதசிக்கு ஈடான விரதமில்லை!' என்பது ஆன்றோரின் அருள்வாக்கு.

மார்கழி மாத சுக்ல பக்ஷ-  வளர்பிறை  ஏகாதசி "வைகுண்ட ஏகாதசி' என சிறப்பாகக் கொண்டாடப்படுகிறது. 

மனிதர்களின் ஓராண்டு தேவர்களுக்கு ஒரு நாள் ஆகும். அதன்படி மார்கழி மாதம் தேவர்களுக்கு விடியற்காலை நேரம் ஆகும். 

மார்கழி மாதம் மகாவிஷ்ணு அறிதுயிலிலிருந்து விழித்தெழும் மாதம். ஆகவேதான் இந்த மாதத்தில் வரும் ஏகாதசி சிறப்பு பெறுகிறது

அரங்கனான நம் பெருமாள் சிவப்பு நிற ரத்ன அங்கியில்  

கஸ்தூரி திலகத்துடன், ரத்னங்கியில் சிவப்பு, வெள்ளை, பச்சை, முத்து , பவளம் என்று எல்லா நிற மணிகளும் மின்னி ஒளிர  

மெல்லிய சல்லாத் துணி இடையினில் உடுத்தி, 

கிளி மாலையுடன் , கோல விளக்கே , கொடியே, விதானமே என்று ஆண்டாள் பாடியபடி அழகாக எம்பெருமான் தங்க தோளுக்கினியாளில் எழுந்தருளுவார்   அரங்கன் ..

பட்டர் வம்சத்தினரின் வேத விண்ணப்பம் கண்டருளி 

அரையர்கள் திருவாய்மொழி தொடங்க 

இரத்தின அங்கியில் சிம்ம கதியில்  வைகுண்ட பேற்றை வழங்க ரங்கா, ரங்கா என்ற கோஷத்துடனே எழுந்தருளுவது கண்கொள்ளாக்காட்சி ..!

வைகுண்ட ஏகாதசி விழா கோலாகலமாக திருநெடுந்தாண்டகம் நிகழ்ச்சியுடன் தொடங்கி உற்சவர் நம்பெருமாள் தினமும் ஒவ்வொரு அலங்காரத்தில் மூலஸ்தானத்திலிருந்து புறப்பட்டு அர்ச்சுன மண்டபத்தில் எழுந்தருளி பக்தர்களுக்கு காட்சி அளிப்பார்..!!

பகல் பத்து நிகழ்ச்சியின் நிறைவு நாளில் நம்பெருமாள் 

மோகினி அலங்காரத்தில் மோகனமாக தரிசனம் த்ருவார்..!

நம்பெருமாள் ரத்தின அங்கி, கிளி மாலை, பாண்டியன் கொண்டை உள்பட பல்வேறு ஆபரணங்கள்    அணிந்து மூலஸ்தானத்தில் இருந்து புறப்பட்டு 2-ம்  பிரகாரத்தை வலம் வந்து நாழிகோட்டான் வாசல் வழியாக 3-ம் பிரகாரத்தில் உள்ள தங்க கொடிமரத்தை சுற்றி துரைப்பிரகாரம் வழியாக ரெங்கா... ரெங்கா...' என்ற பக்தி கோஷத்துடன் சொர்க்கவாசல் எனப்படும் பரமபத வாசலை வந்தடைவார்..! 

ஆயிரம் கால் மண்டபத்தில் உள்ள திருமாமணி மண்டபத்தில் அருள்பாலிக்கிறார். 

இரவு 12 மணிக்கு திருமாமணி மண்டபத்தில் இருந்து புறப்பட்டு வீணை வாத்தியத்துடன்  அதிகாலை மூலஸ்தானம்    சென்றடைவார்..1

 அனைத்து வைணவ தலங்களிலும் மூலவர் மற்றும் உற்சவர் வைர அங்கி, ரத்ன அங்கி, முத்தங்கி, புஷ்ப அங்கி அல்லது சிறப்பு அலங்காரத்தில் இன்று சேவை சாதிக்கின்றனர்.