உலக சகோதரத்துவ தினம்

1893 ஆம் ஆண்டு செப்டம்பர்  11-ஆம் தேதி இடம் அமெரிக்காவின் சிக்காகோ மாநிலத்தில் உலக ஆன்மீக மாநாட்டில் கலந்துகொள்வதற்காக  பல்வேறு நாடுகளிலிருந்து பல சமயங்களை சேர்ந்த பேச்சாளர்கள் கூடியிருந்தனர். மிடுக்காக உடையணிந்த மேற்கத்திய மத போதகர்கள் லேடீஸ் & ஜெண்டில்மேன் என்று தொடங்கி தங்கள் சொற்பொழிவை ஆற்றினர். 

அன்பெனும் அட்சய பாத்திரத்தை நெஞ்சில் ஏந்தி உலகிற்கு அள்ளி வழங்கிய ஞான வள்ளல் ,பேரறிவாளர் விவேகானந்தர் - காவி உடுத்திய கீழை நாட்டுத் துறவி,- மேலை நாட்டினரின் மனங்களை   " Sisters and Brothers of America " என்ற ஐந்தே ஐந்து சொற்களின் மூலம் வென்று,பிற மதங்களை மதித்தல், ஏற்றுக்கொள்ளுதல் என்ற இந்துப் பண்புகளை உரத்து முழங்கினர் ...

பிரிவினை வாதத்திற்கும் மதவெறிக்கும் அழிவுக்காலம் வந்து விட்டது , எழுமின்;விழிமின்;ஓயாது உழைமின் என்றுஅறுதியிட்டு அறிவித்தார் அந்த நிகழ்வில்.  ...

கன்னியாகுமரி விவேகானந்த கேந்திரம் 2008 ஆம் ஆண்டு முதல்   

செப்டம்பர்  11  உலக சகோதரத்துவ தினமாக அனுசரிக்கிறது.

செப்டம்பர் 11ம் தேதி , உலக மகாகவியான பாரதியார் நினைவு நாள். 

புரட்சிக்கவிஞர் பாரதிதாசன் பாரதியாரை 

""பைந்தமிழ்த்தேர்ப்பாகன், 

அவனொரு செந்தமிழ்த்தேனீ, 

சிந்துக்குத் தந்தை'' என்று பாராட்டி மகிழ்ந்தார். 

பாரதியார் தன்னுடைய கடமையாக, 
""நமக்குத் தொழில் கவிதை! நாட்டிற்கு உழைத்தல், இமைப்பொழுதும் சோராதிருத்தல்'' என்று குறிப்பிட்டுள்ளார்.

செப்டம்பர் 11ஆம் நாளன்றுதான் வீரத்துறவி விவேகானந்தர் பாரதத்தின் ஞானதீபத்தால் சர்வமதப் பேரவையில் ஒளிபெருகச் செய்தார்

 
விவேகானந்தரும் (1893 ) 
மகாத்மா காந்தியும் (1906) 
மகாகவி பாரதியும் (1921) இந்நாளை புனிதப்படுத்தி இருக்கிறார்கள்.

‘பகைவனுக்கு அருள்வாய் நன்னெஞ்சே’ என்று பாடிய பாரதியும், அஹிம்சையை ஆயுதமாக்கிய மகாத்மா காந்தியும்,

 ‘அனைவரும் சகோதரர்கள்’ என்று உணர்த்திய சுவாமி விவேகானந்தரும் விரும்பியது உலக நன்மையைத்தான் .... 

 உலக சகோதரத்துவ தினமாகக் கொண்டாடப்பட 
அனைத்து தகுதியும் கொண்டது செப்டம்பர் 11 ...

http://jaghamani.blogspot.com/2011/04/blog-post_29.html

ஒளிர்ந்து.. உயர்ந்து... சுவாமி விவேகானந்தர்