கணபதி சரணம்

பாலும் தெளி தேனும் பாகும் பருப்பும்

இவை நான்கும் கலந்து உனக்கு நான்

 தருவேன் கோலம் செய் துங்க கரிமுகத்து

 தூமணியே நீ எனக்கு சங்க தமிழ் மூன்றும் தா!

ஈசன் மகன் ,அறுமுகனுக்கு  மூத்தவன்  கணபதியைத் துதித்த பின்பே
 எந்தச் செயலையும் தொடங்குகிறோம். கேட்ட வரம் தரும் பிள்ளைக் குணம் கொண்டு, என்றும் எவர்க்கும் பிள்ளையாகத் திகழ்வதால் பிள்ளையாராகினார் அந்த கணேசன்.

விநாயகர் ஆதி பரம்பொருள். எல்லோருக்கும் மூத்தவர். பிரம்மா, விஷ்ணு, சிவன் என்று எல்லோரையும் உருவாக்கியவர்  பலவித அவதாரங்களை எடுத்தார். 

 சிவன் மகனாக அவர் தோன்றியது ஒரு அவதாரம்தான். அற்பத் தாவரமான அருகம்புல்லையும்  அவர் ஏற்றுக் கொள்கிறார். காட்டுப்பூவான எருக்கம்பூவைக் கூட அவர் மறுப்பதில்லை. 

பூமியிலிருந்து உருவான எதுவும் பூமிக்கே திரும்பப் போகவேண்டும் என்ற தத்துவம்தான் களிமண் பிள்ளையார். களிமண் மட்டும்தான் என்றில்லாமல், உலோகம், கற்சிலை விக்ரகங்களையும் வைக்கலாம்.

கொழுக்கட்டை. தேங்காய் பூர்ணத்தை உள்ளே வைத்து செய்யப்படுவது. இதிலும் ஒரு தத்துவம் இருக்கிறது. மேலே இருக்கும் மாவுப் பொருள்தான் அண்டம். 

உள்ளே இருக்கும் வெல்லப் பூர்ணம்தான் பிரம்மம். அதாவது நமக்குள் இருக்கும் இனிய குணங்களை மாயை மறைக்கிறது. இந்த மாயையை உடைத்தால் அதாவது வெள்ளை மாவுப் பொருளை உடைத்தால், உள்ளே இனிய குணமான வெல்லப் பூர்ணம் நமக்குக் கிடைக்கும். 

விநாயகருக்கு முதன் முதலாக இந்தக் கொழுக்கட்டையை நிவேதனம் செய்தது, வசிஷ்ட முனிவருடைய மனைவியான அருந்ததி. 

அருகம்புல்லை மாலையாகக் கட்டி விநாயகருக்கு அணிவித்து, அவருக்கு விருப்பமான பண்டங்களை செய்து படைத்து,

"இன்று போய் நாளை வா என்று சனியை எழுத வைத்துத் தந்திரத்தை கையாண்ட தலைவனைப் போற்றுகிறேன். ஏழரைச் சனியோடு எச்சனியும் விலகி என்றன் வாழ்வில் நலம் காண வரம் தருவாய் கற்பகமே" 

என்று கூறி வழிபட்டால் சனியின் ஆதிக்கத்தில் இருப்பவர்கள் சிக்கல்களில் இருந்து விடுபட்டு அமைதி அடையலாம்.

ஸ்ரீ நடராசப் பெருமானின் ஆறு அபிடேகங்களில், ஆவணி மாத  வளர்பிறைச் சதுர்த்தியில் அனுட்டிக்கப்படும்  சதுர்த்தி  தினத்தில் நடை பெறும் அபிடேகமும் ஒன்றாகையால், நடேசர் தரிசனத்திற்கும் சிறந்ததாகும்.

Posted by sury Siva to மணிராஜ் at September 15, 2012 3:21 PM

YouTube - Videos from this email