ஆனைமுகனும் அனுமனும் !

 
 தாங்க முடியாத சூடு உள்ள சூரியன் தான் விநாயகரின் குரு.

நம் வாயு புத்திரன், வானர வீரன், அஞ்சனை புத்திரன் அனுமந்தனுக்கும்
சூரியன் தான் குரு.
 
இருவரும் சூரியனிடம் தான் வேத சாஸ்திரங்களைப்
பயின்றார்கள்.

விநாயகரையும், அனுமனையும் போல் சக்தி வாய்ந்தவர்களால் தான் தாங்க முடியாத சூடு உள்ள சூரியனிடம் பாடம் கேட்க முடியும்.
 
தினம் தினம் உலகை வலம் வருன் சூரியன் ஒரு நிமி்ஷம் கூடச்
சும்மா இருப்பதில்லை. இதிலே அவன் செய்யும் வழிபாடு வேறு.
 சூரியன் தினமும் ஸ்ரீமன்நாராயணனை வழிபடும் நேரம் அவனை வலம் வந்து பாடம் கேட்டு சாஸ்திரங்களைப் பயின்றவர் விநாயகர்.
இப்படி எல்லாம் கஷ்டப்பட்டுப் பாடம் பயின்றார் விநாயகர்.

வாயுவேகத்தில் சுழன்று கொண்டிருக்கும் சூரியனின் ரதத்திற்கு முன்னால்
கை கூப்பி நின்று ரதம் எந்த வேகத்தில் போகிறதோ
அதே வேகத்தில் பின்புறமாய் நடந்து பாடம் கேட்டானாம் அனுமன்.

இரண்டு பேரும் ஒரே குருவின் மாணாக்கர்கள் என்பதால் தான் நாம்
எந்தக் காரியத்தையும் பிள்ளையாரில் தொடங்கி அனுமனில் முடிக்கிறோம்.

இன்றைய நாளில் “பிள்ளையார் பிடிக்கக் குரங்காய் முடிந்தது”
என்று சொல்கிறார்கள்.

நாம் பூஜையோ பஜனையோ செய்யும் போது எப்போதும் பிள்ளையார்
பூஜையில் ஆரம்பித்து, அனுமன் பூஜையில் முடிக்க வேண்டும்.
அது தான் முறை.

இதைத் தான் யாரோ பிள்ளையார் பிடிக்கக்
குரங்காய் முடிந்தது எனச் சொல்லி வைக்க, நாமும் அனர்த்தமாக்கிக்கொண்டோம்...