"சுப்ரமண்யோஹம்" "சுப்ரமண்யோஹம்" "சுப்ரமண்யோஹம்"

 

குக்கே சுப்ரமண்யா, முருகன்,   KARNATAKA,INDIA.

சுப்ரமண்யம் சுப்ரமண்யம் சண்முகநாதா சுப்ரமண்யம்

சுப்ரமண்யம் 

சுப்ரமண்யம் கல்யாண முருகா சுப்ரமண்யம்

வேதங்கள் முருகனை "சுப்ரமண்யோஹம்" "சுப்ரமண்யோஹம்" "சுப்ரமண்யோஹம்" என மும்முறை சொல்லி ஆராதிக்கின்றது. 

அந்த வேதத்தையே, அவற்றின் பொருளையே தன் தகப்பனுக்குப் போதிக்கின்றான் அந்தத் தகப்பன் சாமி.
மூலவர் முருகன் ஓவியம்

தீராத வினைகள் யாவையும் தீர்க்கும் கந்தவேள் நம் சொந்தவேள் 

என்பார் வாரியார் ஸ்வாமிகள். 

அவன் கைவேலோ துள்ளி வந்து 
நம் தீராத வினைகள் யாவையும் தீர்க்கும். 

அதைத் தான் பாரதியும், 

"  சுற்றி நில்லாதே போ!பகையே

"துள்ளி வருகுது வேல்!என்று பாடினார்.

ஸ்ரீ சுப்ரமண்யா! 
ஷடானணம் சந்டனளிப்த கதரம் - -
மஹோரசம் திவ்ய மயூர வாஹனம் |
ருத்ரஷ்ய சூனும் சூரலோக நாதம் -
பிராமணிய தேவம் சரணம் ப்ரபத்யே

கர்நாடக மாநில முருக ஸ்தலங்களில் "குக்கி சுப்ரமண்யா' கோயில் 
பல யுகம் கண்ட பிரபலமான கோயிலாகும்.

சமஸ்கிருதத்தில் இத்தலம் "குக்ஷி' என அழைக்கப்படுகிறது. 

பேச்சு வழக்கில் "குக்கி சுப்ரமண்யா' என மாறி அந்தப் பெயரே நிலைத்து விட்டது. 

கந்தபுராணத்தில் "தீர்த்த ஷேத்ரா மகிமணிரூபணா' அத்தியாயத்தில் இத்தலத்தை பற்றி கூறப்பட்டுள்ளது.

முருகன் தலை மீது ஐந்து தலை நாகருடன் சுயம்பு மூர்த்தியாக அருள்பாலிக்கிறார்.  

கோசலிங்கம்

இத்தலத்தை சுற்றி 113 சிவத்தலங்கள் உள்ளன. 

9 கால பூஜை நடக்கிறது. காலையில் கோ பூஜை, மதியம் உச்சிகால பூஜை, மாலையில் சாயரட்சை பூஜை ஆகியவற்றை கேரள தந்திரிகள் செய்கின்றனர். 
மற்ற பூஜைகளை அர்ச்சகர்கள் செய்கின்றனர்.

கால பைரவர் சன்னதி உள்ளது.
நாகர் பிரகார ஈசான மூலையில் உள்ளது.

குறிப்பிடத்தக்க நாக தோஷ பரிகார ஸ்தலம் ..

நாகங்களின் தலைவியான வாசுகிக்கு முருகன் அபயம் அளித்துள்ளதால், ராகு, கேது தோஷத்தால் சிரமப்படுபவர்கள் இங்குள்ள தீர்த்தத்தில் நீராடி வழிபாடு செய்கிறார்கள்.

பிரம்மஹத்திதோஷம் (கொலை பாவம்), முன் ஜென்ம பாவங்கள், பித்ரு கடன் நிவர்த்தி தலமாக விளங்குகிறது.

வயிற்று வலி, தோல் நோய், மன நோயால் பாதிக்ப்பட்டவர்கள் இங்கு வழிபாடு செய்கின்றனர்.


மேற்கு தொடர்ச்சி மலையிலுள்ள குமாரமலைப் பகுதியில் குமாரதாரா நதித்தீரத்தில்,இயற்கை காட்சிகளை தன்னகத்தே அடக்கி அமைந்துள்ளது.

முருகப்பெருமான் தாரகாசூரனை அழித்த பின், தனது வேலில் படிந்திருந்த ரத்தத்தை கழுவ இந்த நதிக்கு வந்தார் என புராணங்கள் தெரிவிக்கின்றன.

பரசுராமர் தன் தாயைக் கொன்ற பாவம் நீங்க இங்குள்ள தீர்த்தத்தில் நீராடியுள்ளார்.

ஆதிசங்கரர், மத்வாச்சாரியார் ஆகியோர் வழிபட்ட திருத்தலம்...

காஷ்யப முனிவரின் மனைவியரான கத்ரு, வினதா என்பவர்களுக்கு இடையே குதிரைகள் பற்றிய சர்ச்சை எழுந்தது.
இருவரும் தங்கள் கருத்தே சரியென வாதம் புரிந்தனர்.



முடிவில், யாருடைய கருத்து சரியானதோ, அவர் மற்றவருக்கு அடிமைப்பட வேண்டும் என்று முடிவு செய்யப்பட்டது. இந்த பந்தயத்தில், கத்ரு தோற்றாள். ஒப்பந்தப்படி கத்ருவும், அவளது குழந்தைகளான நாகங்களும் வினதாவிற்கு அடிமையாயின. 

வினதாவின் குழந்தையான கருடன், நாகங்களை துன்புறுத்தி வந்தது.

வருந்திய நாகங்கள், வாசுகி என்ற பாம்பின் தலைமையில் குமாரதாரா என்ற நதியின் அருகிலிருந்த குகையில் வந்து தங்கின. 

அங்கிருந்தபடியே தங்களைக் காக்கும்படி அவை சிவனை வேண்டின.

சிவபெருமான் அந்தப் பாம்புகள் முன்தோன்றி, 
""எனது மகன் சுப்பிரமணியனிடம் உங்கள் குறைகளைக் கூறுங்கள். அவன் உங்களைக் காப்பாற்றுவான்,'' என்றார். 

அதன்படி பாம்புகள் குமாரதாரா நதியில் நீராடி, சுப்ரமணியரை வழிபாடு செய்ததனால் மகிழ்ந்த சுப்பிரமணியர் நாகங்களைக் காப்பாற்றியதற்கு நன்றிக்கடனாக வாசுகி பாம்பு, தனது ஐந்து தலைகளையும் விரித்து சுப்பிரமணியருக்கு குடையானது.

 கர்நாடகத்தில் ஓடும் குமார தாரா நதிக்கரையில் சுப்பிரமணியருக்கு கோயில் எழுப்பப்பட்டது. ஊரின் பெயரே "சுப்ரமண்யா' என்பது தான்.

சேவல் கொடி வைத்துள்ள இத்தல முருகன், "குக்குட த்வஜ கந்தஸ்வாமி' என அழைக்கப்படுகிறார். 

இக்கோயிலை ஒட்டி பள்ளூஸ் என்ற இடத்திலுள்ள குகையில், 
சிவபார்வதி அருள்பாலிக்கின்றனர்.

கோவிலில் சுப்ரமண்யரே பிரதான தெய்வம்.வாசுகி,

சேஷம்,காலபைரவர் ஆகியோர்களது சிலைகளும் பிரதிஷ்டை செய்யப் பட்டிருக்கின்றன.

ஆண்கள் மேல்சட்டை இன்றிதான் அனுமதிக்கப் படுகிறார்கள்

 

தரைக்குக் கீழே தவழ்ந்து மட்டுமே செல்லக் கூடிய சிறிய குகை ஒன்று காட்சிப்பட்டது..

 

தரைக்கு மேல் நடந்து குகையின் இன்னொரு முடிவுப்பக்க வாயிலில் பாம்பைக் கொத்த வரும் கருடனைத் தடுக்கும் தத்ரூபமான முனிவர் சிலையுடன் ஸ்தல புராணக்கதையை விளக்கியது..

 

குக்கே சுப்ரமண்யா கோவில் குமாரதாரா நதியின் கரையில் வீடு கட்ட நேர்ந்து கொள்வோர் அடுக்கி வைத்திருந்த கற்கள் அந்த நதிக்கு ஒரு புது அழகைச்சேர்க்கின்றன.

 

  

மனமே முருகனின் மயில் வாகனம்