மங்களங்கள் மலர்விக்கும் மங்கள நாயகி

ஸரஸிஜ நயனே ஸரோஜ ஹஸ்தே
தவளதராம்சுக கந்த மால்ய சோபே
பகவதி ஹரிவல்லபே மனோஜ்ஞே
த்ரிபுவன பூதகரி ப்ரஸீத மஹ்யம்

சிலிர்த்துப் பறக்கும் எழில் பொன் வண்டுகளைப்போன்று

மலர்ந்து விரிந்தன தமால மலர் மொட்டுக்கள்

திருமாலின் மலர் மார்பினில் அமர்ந்த தேவி நின்

மலர் விழிப் பார்வை எனக்கு மங்களங்கள் சேர்க்கட்டும் 

அன்னை பத்மாவதி தேவியின் பார்வை விழும் இடங்களில் எல்லாம் வறுமையும்,துக்கமும் ,நோயும்  இல்லாமல் தூளாகப் போய்விடுமாம்.

கார்மேக வர்ணனின் கண்ணனின் பரந்த மார்பில்

ஒளிர் வீசிடும் மின்னல் கொடியென ஒளிரும் தேவி

பார்க்கவ மகரிஷியின் பார்காக்கும் திருமகளே

நின் பார்வை எனக்கு பல வளங்கள் சேர்க்கட்டும்

எப்பொழுதுமே அவளின் பண் பாடினால்  அழியாத இன்பம் கிடைக்கும் என்பது  தீவிர நம்பிக்கை.....

கருணை மழைக்காக ஏங்கும் சாதகப் பறவை என்னை

வறுமை என்னும் வெப்பம் தாளாது துடிக்கும் முன்னே

பெருமை பொங்க உலகில் வாழவைப்பாயே நின்

குளிர் பார்வை எனக்கு குறையா செல்வம் பொழியட்டும்

ஆக்கலில் தொடங்கி ஐந்து தொழில்களும் நீயே செய்வாய்
உலகெல்லாம் போற்றும் உன்னை வணங்கி நான் வாழ்த்துவேனே!

பத்மாவதி தாயார் என்றுதானே அவளை  விளிக்கிறோம். 
அன்னையைச்சரண் புகுந்தால்   அதிக வரம் பெறலாம்.

எழில் தாமரை ஒத்த முகமதியாளே வணக்கம்

திருப்பாற்கடல் உதித்த திருமகளே வணக்கம்

அமுதமும் அம்புலியும் உடன் பிறப்பானவளே நின்

அருட்பார்வை எனக்கு ஆயகலைகள் அருளட்டும்

தங்க சேஷ வாஹனம்,

பத்மாவதி தாயார் கோவில், திருச்சானூர், திருப்பதி.

 

ஸ்ரீ பத்மாவதி லக்ஷ்மி தாயார்  முத்தங்கி அலங்காரம்,பெங்களூர்