அன்னை ஆதிபராசக்தி

ANGALA PARAMESHWARI BANGALORE

அவளை அறியா அமரரும் இல்லை
அவளன்றிச் செய்யும் அருந்தவம் இல்லை
அவளன்றி ஐவரால் ஆவதொன் றில்லை

அவளன்றி ஊர்புகும் ஆறறி யேனே.

சிம்ம வாஹினி! ஜகன் மோகினி! தர்ம ரூபினி! கல்யாணி!

கமல வாசினி! மந்தஹாசினி! கால பயங்கரி! காமாக்ஷி!

மாலினி சூலினி ஜனனி ஜனனி சங்கரி ஈச்வரி மீனாக்ஷி

ஓம் சக்தி ஓம் சக்தி ஓம் சக்தி ஓம் சக்தி சர்வத்திற்கும் இங்கு நீ சாட்சி! 

சமயபுரத்தாளே சாட்சி!

சமயபுரத்து நாயகியே சமயத்தில் காக்கும் நாரணியே!

காரணியே பவ தாரணியே அன்னபூரணியே!

அகிலாண்ட கோடி பிரமாண்ட நாயகி 
அன்னை. நோய்களை ஓட ஓட விரட்டுபவள். 
கேட்கும் வரங்களை கேட்டவாறே தரும் தாய் .
பக்தர்களை கண்ணின் இமை போல் காக்கும் அம்பிகை

ஆதிபராசக்தியே அனைவருக்கும் தாய். 

தாயினிடத்துத் தான் தயை, கருணை, அன்பு தியாகம், சாந்தம், பொறுமை, கைமாறு கருதாக் கொடை, சுயநலமில்லா சமநோக்கு, குறிப்பறிந்து உதவும் குணம் யாவும் சிறக்கக் காண்கின்றோம். 

சக்தி தான் முழுமுதற்பொருள்.  

சக்தியிலிருந்தே முத்தொழில் புரியும் மூவரும் தோன்றினர்...


“சிவம் என்பது செயலற்ற தத்துவம் 

மகாமாயையாகிய சக்தி சிவத்தைத் தொட்டவுடன் ஆணவ மாயை பிறக்கிறது. 

ஆணவத்திலிருந்து மனசு என்ற தத்துவம் உதயமாகிறது.

 மனசிலிருந்து ஆகாசம். 
ஆகாசத்திலிருந்து காற்று. 
காற்றிலிருந்து நெருப்பு 
நெருப்பிலிருந்து  நீர்... 
நீரிலிருந்து நிலம்.

இவ்வாறாகப் பஞ்சபூத செயற்கையால் பிரபஞ்சமும் உயிர்களும் தோன்றுகின்றன. 

இந்தப் பரிணாம நெறியே சக்தியின் விளையாட்டு” என்கிறார்கள் சித்தர்கள். 

“பராசக்தியின் உதவி இல்லாவிட்டால் பரமசிவனால் அசையவும் முடியாது.” என்கிறார் ஆதிசங்கரர்  தமது சௌந்தர்யலகரியில்.