கொலு கொண்டாட்டம் !

ஐம் ஹ்ரீம் க்லீம் சாமுண்டாயை விச்சே”

““ஸர்வமங்கள மாங்கல்யே சிவே ஸர்வார்த்த ஸாதிகே
சரண்யே த்ரியம்பகே தேவி நாராயணி நமோஸ்துதே

ஸர்வாபாதா விநிர்முக்தோ தனதான்ய ஸுதான்விதஹ
மனுஷ்யோ மத்ப்ரஸாதேன பவிஷ்யதி நஸம்சயஹ”

ஐம்பூதங்களில் ஒன்றான மண்ணால் ஆன பொம்மையினால் என்னைப் பூஜித்தால் நான்  சகல சுகங்களையும், சௌபாக்கியங்களையும் அளிப்பேன் என்கிறாள் அம்பிகை தேவி 
இதனால் தான் நவராத்திரியில் கொலு வைத்து அம்மனை பூஜிக்கிறோம்.


நவராத்திரியின் சிறப்பு அம்சமான கொலு மேடை 9 படிகள் கொண்டதாக 

மனிதன் படிப்படியாக உயர்ந்து தெய்வ நிலையை அடைய வேண்டும் என்பதற்காக முதலாம் படி:  புல், செடி, கொடி போன்ற ஓரறிவு தாவர வர்க்கங்களினாலும்  படிப்படியாக அறிவு நிலை வளர்ச்சியுற்று ஒன்பதாம் படி: பிரம்மா, விஷ்ணு, சிவன் ஆகியோர் அவர்களின் தேவியருடன் நடுநாயகமாக ஆதிசக்தியை வைத்து கொலு அமைத்திடுவது வழக்கம்.

தேவர்களுக்கு பெரிய அளவில் துன்பங்கள் கொடுத்து வந்த மகிஷாசுரன் என்ற அரக்கனை கொல்ல சக்திவாய்ந்த தெய்வத்தை உருவாக்க சிவன், விஷ்ணு, பிரம்மா ஆகிய முப்பெரும் தேவர்களும் உருவாக்கிய பெண் தெய்வம்தான் துர்க்கை. சிவபெருமானின் துணைவி பார்வதிதேவியின் ஒரு வடிவம்..

துர்க்கையிடம் அனைத்து கடவுளர்களும் தங்களின் 
விருப்பமான ஆயுதங்களையும், கவசங்களையும் அளித்தனர். 

துர்க்காதேவி உலகையே அச்சுறுத்தி வந்த மகிஷாசுரனை வீழ்த்தியதுதான் நவராத்திரி .விஜயதசமி பண்டிகை.